طالبان د ملاهبت الله د فرمان پر اساس د تاریخي سیمو پر ساتنه ټينګار کوي

د پاکستان د فدرالي عوايدو بورډ د شنبې په ورځ اعلان وکړ چې له دې وړاندې صادر شوی قانوني تنظیمي حکم یې تعدیل کړی او اوس به دا لس سلنه فیس پر هغو توکو هم عملي کېږي چې تر دې مخکې معاف وو.

په نوي نوملړ کې صنعتي ماشينونه، کرينونه، زراعتي وسايل، کمپیوټري وسایل، ټلویزیوني او راډیويي وسایل، کمرې، برقي تجهیزات، د ډیټا د خپلکاري پروسس ماشينونه، برېښنايي پرزې او ګڼ نور توکي شامل دي.

دا پرېکړه په داسې حال کې شوې چې د پاکستان د سوداګرۍ وزارت خبرداری ورکړی و چې د افغانستان د ګمرک محصول د پاکستان په پرتله ډېر ټيټ دي، چې له کبله یې له ترانزيتي سوداګرۍ ناوړه ګټه اخېستل کېږي.

پاکستاني چارواکو ویلي چې افغان مالونه ډېر کله د پاکستان بازارونو ته را اوړي او دا توکي له مالیې پرته پلورل کېږي.

تر دې وړاندې لس سلنه فیس یوازې پر پنځو برخو لکه خوږو، چاکلیټو، بوټانو، ميخانیکي او برقي ماشينونو، کورني ټوکر او کاليو لګول کېده، خو اوس پراخ شوی او لسګونه نوي توکي تر پوښښ لاندې راولي. دغه فیس به د مال د ارزښت پر بنسټ محاسبه کېږي.

د بیزنېس انسایډر د رپوټ له مخې، نوی قانون د سل سلنه بانکي ضمانت غوښتنه کوي، چې د افغان ترانزيتي سوداګرۍ شفافیت زیات شي او د مالیاتي زیانونو مخه ونیول شي.

رپوټ وايي، د پاکستان د فدرالي عوایدو بورډ ته د سوداګرۍ وزارت له خوا داسې وړاندیزونه شوي وو، چې د افغانستان د ګمرکي محصولاتو کچه د پاکستان په پرتله خورا ټیټه ده او همدا چاره د افغان ترانزيتي سوداګرۍ د ناوړه استفادې لامل شوې او دواړو غاړو ته ځینې کاروباریان له دې اسانتیا ناوړه ګټه اخلي، ځکه توکي په ترانزيت کې افغانستان ته صادرېږي، خو وروسته د قاچاق له لارې بیرته پاکستاني بازارونو ته ځي.

رپوټ وايي، د دې ستونزې د حل لپاره وزارت وړاندیز کړی چې د ترانزيتي توکو لپاره د مال ارزښت ۱۰۰ سلنه بانکي ضمانت واخیستل شي او همداراز دې پر هغو توکو لس سلنه فیس ولګول شي چې د ټرانزيټ حجم یې غیر موجه زیات شوی وي.

د طالبانو تر واک لاندې ارګ د یکشنې په ورځ د یوې خبرپاڼې په خپرولو سره ویلي، چې په دې کتنه کې د طالبانو د ریاست الوزرا اداري مرستیال مولوي عبدالسلام حنفي او په کابل کې د چین سفیر ژاو شېنګ د دواړو هېوادونو ترمنځ د اړیکو د پراختیا په تړاو خبرې کړې دي.

د چین سفیر په دې کتنه کې د تازه راستنو شویو کډوالو د استوګنې لپاره د چمتو شویو ۱۶۰ کورونو او ۳۰ مېلیون یوان نغدي مرستې خبر هم ورکړی دی.

د چین سفیر له افغانانو سره د مرستو د دوام په اړه د ټینګار ترڅنګ ویلي، چې په افغانستان کې د چینايي پانګوالو د پانګونې له لارې به ګڼو افغانانو ته د کار کولو فرصتونه هم برابر شي.

د طالبانو په خبر پاڼه کې ویل شوي، چې د چین سفیر د طالبانو د ریاست الوزرا اداري مرستیال ته د چین ـ سویلي اسیا نهم نندارتون کې د ګډون او وینا بلنه هم ورکړې ده.

حنفي د چین له استازي څخه د اړیکو د پراختیا او په افغانستان کې د چین د پانګونې د ملاتړ ډاد ورکړی دی.

د طالبانو د اطلاعاتو او کلتور وزارت د نشراتو معاونیت تر سیوري لاندې د کتاب کمېسون یو لېست چې افغانستان انټرنشنل ته رسېدلی دی پکې د ۸۵ کتابونو او مجلو نومونه راغلي، چې طالبانو بندیز پرې لګولی دی.

مینه مجله چې په پښتو ژبه یې فرهنګي، ادبي او هنري مسایل تر پوښښ لاندې راوستل، په دغه لېست کې شامله ده.

د مینې مجلې د مسوولینو په وینا، دا مجله په ۱۳۸۱ کال کې پیل شوې وه او په ۱۳۸۲ کې یې له اطلاعاتو او کلتور وزارت څخه جواز اخیستی و.

تر اوسه پورې ددې مجلې ۸۹ ګڼې چاپ شوې دي او درې ګڼې د طالبانو په روانه واکمنۍ کې چاپ شوې وې.

د مجلې مسوولینو د طالبانو په روانه واکمنۍ کې غوښتل چې د مجلې تر سلو پورې ګڼې د پوست له لارې بهرنیو هېوادونو ته ولېږي خو طالبانو یې مخه نیولې او ورته ویل شوي چې دا مجله «ممنوع الخروج» ده.

مینه مجله په تېر جمهوریت کې هم درې ځله بنده شوې او بیا بېرته پرانیستل شوې وه.

یو شمېر لیکوالانو او هېوادوالو په وار - وار د طالبانو په ورته کړنو نیوکې کړي او ویلي یې دي چې که څه هم پر افغانستان د طالبانو له واکمنۍ وروسته د کتاب لوستلو دود کمرنګه شوی، خو د طالبانو په دغو بندیزونو سره به په هېواد کې د کتاب او مجلو لوستلو فرهنګ په بشپړه توګه له منځه ولاړ شي.

طالبانو له دې وړاندې د سلګونو نورو سیاسي، تاریخي، ټولنیزو او دیني کتابونو لېستونه خپاره کړي، چې د هغوی پر خپراوي، واردولو، چاپ او خرڅلاو پکې بندیز لګول شوی.

سراج الدین مهرالدین د یکشنبې په ورځ، د غويي پر ۲۸مه د تهران ډیالوګ فورم په غونډه کې، چې د ایران د بهرنیو چارو وزارت په نوښت جوړه شوې وویل، چې تاجکستان په افغانستان کې د سولې، ثبات او ارامۍ غوښتنه کوي.

نوموړي په خپلو خبرو کې افغانستان په نظامي، سیاسي، اقتصادي او ټولنیزو برخو کې له جدي ستونزو سره مخ وباله او زیاته یې کړه، چې « د افغانستان تر ټولو نږدې ګاونډی هېواد تاجکستان د سولې، ثبات او ارامۍ غوښتونکی دی. موږ د افغانستان د خلکو د بشردوستانه مرستو او د ستونزو د حل لپاره له ټولو سیاسي او ډیپلوماتیکو هڅو ملاتړ کوو او چمتو یو له ټولو شریکو هېوادونو سره د افغانستان د ټولنیزې او اقتصادي بیا رغونې په بهیر کې همکاري وکړو».

هغه ټینګار وکړ چې بنسټپالنې او تاوتریخوالي ته لېوالتیا نن ورځ د ټول بشریت لپاره یو جدي ګواښ ګرځېدلی او نړیواله ټولنه باید د تاوتریخوالي او افراطیت د مخنیوي لپاره ګډ او اغېزناک اقدامات طرح او تطبیق کړي.

تاجکستان د منځنۍ اسیا په هېوادونو کې یوازینی هېواد دی، چې له طالبانو سره کمې اړیکې لري او د افغانستان له اړخه د ترهګرۍ او بنسټپالنې په تړاو اندېښمن دی.

د طالبانو د کورنیو چارو وزارت ویاند عبدالمتین قانع نن یکشنبه د غويي ۲۸مه په یوه خبرپاڼه کې ویلي، چې په بلخ کې ددې ډلې والي محمد یوسف وفا په دې لیدنه کې د اقتصادي، سیاسي، فرهنګي او ټولنیزو اړیکو پر پراختیا سربېره د ویزې برخه کې د اسانتیاوو په رامنځته کولو خبرې کړې دي.

یوسف وفا په بلخ کې له مېشتو بهرنیو ډېپلوماټانو غوښتي چې د بې‌وزلو هېوادوالو، په ځانګړي ډول راستنو شویو کډوالو سره د بنسټیزو خدمتونو لکه د څښاک اوبو، روغتونونو، ښوونځیو، استوګنځایونو او ویزو د اسانتیاوو په برخه کې همکاري پراخه کړي.

طالبان وايي، د یادو هېوادونو استازو له اړوندو ادارو سره د بشري، فرهنګي، روغتیايي، تعلیمي، تجارتي، زراعتي او بنسټیزو همکاریو ډاډ ورکړی او روان وضعیت یې د ګډو همکاریو لپاره مثبت بللی دی.

طالبان په داسې حال کې له بهرنیو ډېپلوماټو څخه د مرستې غوښتنه کوي، چې په دې وروستیو کې له ایران او پاکستان څخه د ورځې سلکونه افغان کډوال خپل هېواد ته په جبري ډول شړل کېږي.