د طالبانو امربالمعروف وزارت وایي په ۴ ولایتونو کې د کوډ ګرو یوه «مسلکي» ډله نیول شوې

د طالبانو تر واک لاندې د ملي ټلوېزیون د راپور له مخې، په دې ناسته کې د اقلیمي بدلون په برخه کې د روسیې د بهرنیو چارو وزارت ځانګړي استازي ټینګار وکړ، چې هېواد یې چمتو دی افغانستان ته د اقلیمي بدلون پر وړاندې د مبارزې په برخه کې لازم تخنیکي تجهیزات، زده‌کړنیز پروګرامونه او مسلکي تجربو د شریکولو زمینه برابره کړي.

هغه زیاته کړه چې روسیه د افغانستان د چاپېریال د خوندیتوب او دوامداره پرمختګ لپاره اوږدمهاله همکاریو ته ژمنه ده.
له بلې خوا، مطيع‌الحق خالص د افغانستان لپاره د اقلیمي مبارزې مهمو برخو ته اشاره وکړه، چې پکې د اوبو د سرچینو مدیریت، د ځنګلونو د وهلو مخنیوی او د بېرته نوي کېدونکو انرژیو په برخو کې د همکاریو د پراخېدو غوښتنه کړې ده.
دغه کتنه داسې مهال ترسره کېږي چې افغانستان د اقلیمي بدلون له جدي اغېزو سره مخ دی او د ملي او نړیوالو همکاریو اړتیا ورځ تر بلې زیاتېږي.

د پنجشېر لپاره د طالبانو والي دفتر وایي، دغه روغتون به ددې ولایت د بهارک په سیمه کې په درې پوړیزه ودانۍ کې جوړ شي.

دوی همدراز زیاتوي چې په دې ۱۰۰ بستریز روغتون کې به د داخله، عمومي جراحي، کوچنیانو، نسایي ولادې، ارتوپېدي، سترګو، غوږونو او ستوني څانګې شاملې وي.

همداراز، روغتون به یوه مجهزه عملیات خونه، درملتون، ایکسرې څانګه، او د ناروغانو د پایوازانو لپاره د تم‌ځای اسانتیاوې هم ولري.

تروسه طالبانو د دغه ۱۰۰ بستریز روغتون د جوړېدو د کار د پیل په اړه څه نه دي ویلي او نه هم روښانه شوې چې ددغه روغتون د جوړېدو چارې به کله تکمیلیږي.
دا لومړی ځل دی، چې د طالبانو مشر ملاهبت الله د یو ولایت د روغتون د جوړېدو لپاره بودېجه ځانګړې کوي.

د دغه کمېسیون د معلوماتو له مخې، یاد کډوال د تورخم، بولدک، اسلام قلعه، ورېښم، انګور اډه او بهرامچې له لارې افغانستان ته داخل شوي دي.

کمېسیون زیاتوي، چې د راستنېدو پر مهال سیمه‌ییزو کمېټو دغه کډوالو ته لومړني خدمات برابر کړي دي. د ثبت او بایومټریک تایید وروسته، هغوی ته سیمکارتونه او مالي مرستې ورکړل شوې دي.

د راپور له مخې، دا مهال هڅې روانې دي چې دغه کورنۍ خپلو اصلي ولایتونو ته انتقال شي او د دوی د بېرته ادغام بهیر په منظم ډول پر مخ لاړ شي.

په دې وروستیو کې د ایران او پاکستان له لوري د افغان کډوالو د اېستلو لړۍ چټکه شوې، چې له امله یې زرګونه کورنۍ له ستونزو سره مخ دي.

د پاکستان حکومت له دغه هېواد څخه په جبري توګه د افغان کډوالو د بېرته ستنولو د لړۍ دویم پړاو پیل کړی او هره ورځ په سلګونو افغان کډوال تر نیولو وروسته افغانستان ته په جبري ډول ستنوي.

بلخوا طالبانو په ځلونو د پاکستان پر حکومت غږ کړی، چې په زور د افغان کډوالو د ستنولو لړۍ ودروي او دا یې د کډوالۍ د نړیوالو قوانینو خلاف عمل بللی دی.

همدا راز د د بښنې نړیوال سازمان په ګډون د کډوالو د ملاتړو یو شمېر سازمانونو له پاکستان څخه غوښتي، چې په جبري ډول د افغان کډوالو د اېستل کېدو بهیر ودروي؛ خو اسلام اباد دا ځل پر دې غوښتنو خپل غوږونه کاڼه کړي دي.

دا څرګندونې وروسته له هغه کېږي چې د پاکستان د پوځ ویاند شریف چودري ویلي، تر زرو افغانانو د یو پاکستاني وینه ارزښت لري.

د طالبانو د اطلاعاتو او فرهنګ وزارت په چوکاټ کې د دولتي ورځپاڼې «هېواد» مسوول شبیر احمد عثماني پر خپلې اېکس پاڼې لیکلي چې ‏پاکستاني پوځيان دې له خپلو خولو سره فکر وکړي د افغانستان او افغانانو په اړه دې له بې ځایه خبرو تېر شي.

عثماني خبردارۍ ورکړی: « ‏د یوه مسلمان ګاونډي مسلم حقوق دې وپیژني د دوی پوځي ویاند چې کومې احمقانه خبرې کړې زر دې بښنه وغواړي کنه وروسته به یې سوال او زارۍ قبولې نه شي.»

هغه زیاتوي:«‏د دوی په شان د ډېرو کاغذي مارشالانو نه مو د تیښتې لارې ورکې کړې دي.»
دغه طالب مسوول چې د حقاني شبکې غړی دی او سراج الدین حقاني له نژدې کسانو شمېرل کېږي د پاکستان د پوځ په اړه لیکلي: «‏د دوی رقم بې حیا او بېغیرته پوځ په ټوله نړۍ کې نه شته.»

نوموړي د پاکستان د پوځ ویاند احمد شریف چودري پر اېکس پاڼې د یوه انځو په خپرولو زیاتو ي: « دا د بې غیرتوب اخري حد دی چې هېواد او سیاست دې یې خپل وي او معاملې دې روس او امریکا درباندې وکړي.»

دا لومړی طالب چارواکی دی، چې د پاکستان د پوځ ویاند خبرو ته یې پله خپلې شخصي ټولنیزې شبکې غبرګون ښودلی دی خو تروسه طالبانو په رسمي ډول کوم غبرګون نه دی ښودلی.

د پاکستان د‌ پوځ ویاند احمد شریف چودري د جمعې په ورځ د (غبرګولي دویمه) په اسلام اباد کې د یوې خبري غونډې پر مهال وویل، چې تر زرو افغانانو ورته د یوه پاکستاني وینه مهمه او د ارزښت وړ ده. د دغه هېواد پوځ او حکومتي چارواکو تر دې وړاندې هم ورته څرګندونې کړي.

د طالبانو تر واک لاندې د باختر اژانس د راپور له مخې، طالب ویاند زیاته کړې، چې په ټپیانو کې د اوو تنو روغتیایي حالت د اندېښنې وړ دی.

د دې پېښو لاملونه د موټر چلوونکو بې احتیاطي، زیات سرعت او د ټرافیکي قوانینو نه مراعاتول بلل شوي دي.

د یادولو وړ ده، چې له تېرو څه باندې درې نیمو کلونو راهیسې په افغانستان کې ټرافیکي پېښې په بېسارې توګه او تر بل هر وخته ډېرې شوې، چې له امله یې زرګونه کسان مړه او ټپيان شوي دي.