طالبانو په سرپل، غزني او لغمان ولایتونو کې ۹ کسان په دُرو وهلي دي
طالبانو په سرپل، غزني او لغمان ولایتونو کې ۹ کسان د غلا، قمار وهلو او نامشروع اړیکو په تور په تور په دُرو وهلي دي.
طالبانو په سرپل، غزني او لغمان ولایتونو کې ۹ کسان د غلا، قمار وهلو او نامشروع اړیکو په تور په تور په دُرو وهلي دي.
د طالبانو سترې محکمې د سېشنبه په ورځ (د غبرګولي ۶مه) په جلا-جلا خبرپاڼو کې ویلي، چې له دغو لسو کسانو ۵ تنه په سرپل کې د قمار وهلو، دوه کسان په غزني کې د غلا او نامشروع اړیکو او دوه تنه نور هم په لغمان کې د غلا په تور په دُرو وهل شوي دي.
په خبرپاڼو کې دغه راز زیاته شوې، چې هر تورن کس له ۱۵ تر ۳۹ دُرو وهل شوی دی او دغه راز له درېیو تر ۵ کلونو په تنفیذي بند محکوم شوي دي.
دا په داسې حال کې ده، چې طالبانو تېره ورځ هم په کابل، بدخشان، پکتیا او لغمان ولایتونو کې لس تنه د نشهيي توکو د پلور، زنا، لواطت، غلا او له کوره د تېښتې په تور په دُرو وهلي دي.
طالبان وایي، چې که په تورنو کسانو د حدود او تعزیراتو سزاګانې تطبیق نه شي ټولنه د فساد لوري ته ځي او د ټولنې د وګړو مال، ځان او نفس خوندي کېدای نه شي.
د دوی په خبره، قصاص او نورې بدني سزاوې «د ولس غوښتنې دي او هېڅوک د دوی دین او قضا کې د مداخلې حق نه لري.»
