په لویه پکتیا کې د سراج‌الدین حقاني د سړک غځونې او مدرسو ګڼې پروژې ځنډېدلې دي

د دغه شورا په خپره کړې اعلامیه کې راغلي، چې په ناسته کې د ترهګرۍ پر وړاندې د مبارزې په برخه کې د افغان ولس د ملاتړ، په افغانستان کې د ترهګرو ډلو له‌خوا د افغانستان خاورې کارولو مخنیوي په اړه خبرې شوې دي.

د خلیج همکاریو شورا (GCC) د خپلو غړو هېوادونو له‌خوا افغانستان ته د ورکړل شویو بشري مرستو ستاینه کړې او ویلي یې دي، چې نړۍواله ټولنه باید د افغانانو د کړاوونو کمولو لپاره له دغه هېواد سره خپلې بشري، اقتصادي او پرمختیایي مرستو ته دوام ورکړي.

د یادونې وړ ده، چې د خلیج همکاریو شورا د بهرنیو چارو وزیرانو ۱۶۴مه ناسته په کویت کې جوړه شوې وه.

په دغه ناسته کې د فارس خلیج د عربي هېوادونو د چارواکو یوې ډلې چې پکې متحده عربي امارات، بحرین، سعودي عربستان، عمان، قطر او د کویټ هېوادونو چارواکي شامل وو؛ د شورا د عمومي منشي جاسم محمد عبدالله البدوي سره یوځای خپله وروستۍ اعلامیه خپره کړه.

د فلسطین روان کړکېچ او د غزې اوسنی وضعیت، د پخلاینې او سوله‌ییز ګډ ژوند د اصولو پیاوړتیا، د ترهګرۍ او افراطیت سره مبارزه، ایران، یمن، عراق، سوریه، لبنان، لیبیا، سومالیا، هند او پاکستان، او د روسیې-اوکرایین کړکېچونه د شورا د غونډې له اساسي موضوعاتو څخه وو.

تر دې درې اونۍ وړاندې سرچینو افغانستان انټرنشنل ته ویلي و، چې دغه قومي مشر په اېبک ښار کې له خپل کور څخه د هغه وسله‌والو له‌خوا تښتول شوی و چې ځانونه یې د طالبانو د استخباراتي ادارې غړي ښودلي وو او بیا وروسته یې وژلی و.

د هغه مړی د تېرې (غویي میاشتې په ۲۰مه) د ایبک ښار په روغتون کې د هغه کورنۍ ته سپارل شوی و.

سرچینو زیاته کړې، چې په نیول شویو کسانو کې د طالبانو د استخباراتو غړی غلام سخي چې په «اسامه» هم مشهور دی، د طالبانو د دویمې حوزې د استخباراتو مرستیال عبدالبصیر سیرت، په سمنګان کې د طالبانو د پولیسو قوماندانۍ د ورکشاپ مشر نقیب الله، د دغې ډلې غړی عبدالله او د جاوید او زین الله په نوم دوه ملکي وګړي هم شامل دي.

د سرچینو په وینا؛ د طالبانو دغه غړي چې د اکبر نیازي په وژنه تورن دي، په سمنګان ولایت کې د طالبانو د لوا د پخواني قوماندان مولوي جلال حنفي سره تړاو لري.

سرچینې وايي، چې په دې پېښه کې کارول شوی موټر د طالبانو د دویمې استخباراتي حوزې مرستیال عبدالبصیر سیرت پورې تړاو لري.

د ځايي سرچینو په وینا؛ دغه تورن کسان یو وار مخکې د طالبانو له‌خوا خوشې شوي وو؛ خو د سیمه‌ییزو با نفوذه مشرانو تر فشار وروسته یو وار بیا ونیول شول او اوس تر څارنې لاندې دي.

له دې پېښې څه باندې یوه میاشت تېرېږي؛ طالبانو لاتر اوسه په رسمي توګه د حاجي اکبر نیازي د وژنې په اړه څه نه دي ویلي.

د پښتونخوا د کورنیو او قبایلي چارو ادارې ویلي، چې د دغه کدوالو په ډله کې ۹۶ تنه د (ACC) کارت لرونکي او ۸۲۶ نور بې‌اسناده افغانان شامل دي.

د دغه ادارې له‌خوا خبریالانو ته په لېږل شویو معلوماتو کې راغلي، چې ۹۱۴ تنه د تورخم او ۸ نور یې د انګور ادې له لارې افغانستان ته ستانه کړي دي.

بل خوا د طالبانو تر واک لاندې باختر اژانس خبر ورکړی، چې یوازې پرون ۱۲۱۷ کډوالې کورنۍ له ګاونډیو هېوادونو څخه افغانستان ته راستنې شوې دي.

په راپور کې راغلي، چې له دې ډلې ۱۲۰ کورنۍ د تورخم له لارې، ۵۰ کورنۍ د سپین بولدک له لارې، ۳۰۶ کورنۍ د نیمروز د ورېښمو پله له لارې او ۷۱۴ کورنۍ د هرات د اسلام کلا له لارې افغانستان ته ستنې شوې دي.

که څه هم د پاکستاني پولیسو له‌خوا د افغان کډوالو د اېستلو عملیات یو څه تت شوي؛ خو په بشپړه توګه لا نه دي‌ بند شوي او لا هم په بېلابېلو ایالتونو کې پولیس وخت ناوخت کوڅه په کوڅه بې اسناده کډوالو پسې ګرځي.

له دې سره هم‌مهاله له ایران څخه هم د افغان کډوالو د اېستلو بهیر په چټکۍ سره روان دی، چې په افغانستان کې یې روان بشري ناورین لا پسې پراخ کړی دی.

اندېښنې دا دي، چې طالبانو لا وار دمخه هېواد له اقتصادي،‌ سیاسي او ټولنیز ناورین سره مخ کړی چې د دغو کډوالو په ستنېدو سره به یې وضعیت لا ترینګلی شي.

له تېرو نږدې څلور نیم کالونو راهیسې بې وزلي او بې روزګاري هم لوړې کچې ته رسېدلې، چې د بشري سازمانونو په باور تازه ستنېدونکي افغانان به هم د دغه ناورین برخه شي.

له دې ور هاخوا د سرپناه نشتوالی هم د دغو ستنېدونکو لپاره یوه جدي ننګونه ده او طالبان د دغو اسانتیاوو په برابرولو کې پاتې راغلي دي.

د هغه په پیغام کې څو ځایه د یو بل په چارو کې د لاسوهنې یادونه شوې؛ داسي ښکاري چې د دغه ډلې د غړو ترمنځ د کاري مسوولیتونو روښانتیا له منځه تللې او بې باوري رامنځته شوې ده.

هبت الله د خپلې ډلې پر غړو غږ کړی: « د نظام د پرمختګ او بریالیتوب لپاره لا ډېرې هڅې او کوښښونه وکړئ، خپل یووالی او اتحاد نور هم پیاوړی کړئ او هر مسوول باید خپل مسوولیت ته پاملرنه وکړي، بې غوري مه کوئ، خپلې دندې پر وخت سر ته ورسوئ.»

هغه زیاتوي: « د نظام لور ته د خلکو بلنې کار ګړندی کړئ او په دې برخه کې خپل ټول توان وکاروئ.»

د هغه له دې وینا داسې برېښي، چې د دغه ډلې او عامه ولس ترمنځ واتن ډېر شوی او د دغه واټن د راکمولو لپاره د خپلو پلویانو د کار کولو غوښتنه کوي.

نوموړي یو وار بیا د خپلو فرمانونو پر اطاعت ټینګار کړی او هغه یې «واجب» ګڼلي دي.

په پیغام کې له ملي سوداګرو او ضنعتکارونو هم غوښتل شوي، چې په افغانستان کې د روان اقتصادي ناورین په حل کې ورسره مرسته وکړي، «که موږ د استقلال او ازادۍ ساتنه او د هر ډول تهدید په وړاندې درېدل غواړو؛ نو په اوس زمانه کې دا شیان ټول په امکاناتو او اقتصاد پورې اړه لري او د اقتصاد تقویه بیا د تجارت او صنعت تر ودې پورې اړه لري. راځئ په ګډه د خپل کور د جوړېدو او په پښو درېدو په کار کې ونډه واخلو.»

ملا هبت الله په داسې حال کې د زده‌کړو پر ازرښت ټینګار کوي، چې د هېواد دننه یې د نجونو پر وړاندې د ښونځیو دروازې تړلې دي، هغه وایي:« د مدرسو طالب العلمان، د پوهنتونو محصلین او د مکاتبو زده‌کوونکي ټول باید خپلو درسونو او مسوولیتونو ته متوجه شي. د استادانو، کتابونو او علم احترام وساتي او د ورته برابر شوي فرصت قدر وکړي او ښه استفاده ترې وکړي.»

ښاغلي هبت الله په خپله وینا کې د خپلې ډلې قضایي سیستم ته هم اشاره کړې او وایي، «د محاکمو ټولو قضاتو او مسوولینو ته لارښوونه کېږي، چې خپل درانه مسوولیت ته په کتو د خلکو د حقه حقوقو په ترلاسه کولو او د منازعاتو د حل په برخه کې له پخوا ډېر جدي و اوسي او په قضاوت کې د قوي کس او ضعیف تر منځ توپير ونه کړي، له هر چا سره عدالت او مساوي چلند وکړي، په حدودو کې دې د مجرم شخصیت ته نه ګوري؛ بلکې جرم ته دې وګوري.»

نوموړي د دغه پیغام په وروستیو کې د فلسطینیانو سره خواخوږي او ملاتړ څرګند کړی دی او د فلسطین پر خلکو هر ډول ظلم او زور زیاتی یې غندلی دی.

دغه وزارت پر اېکس پاڼه کاږلي، چې دغه کسان د اسنادو په لرلو سره د پاکستان په بېلابېلو سیمو کې نیول شوي وو.

دغه وزارت زیاتوي، چې دغه کسان د یوې ورځې څخه نولې تر ۳ ورځو پورې په زندان کې ساتل شوي وو.

تېره ورځ هم دغه وزارت ویلي و، چې نږدې ۵۰ تنه افغانان د پاکستان له زندانونو تر خوشې کېدو وروسته افغانستان ته ستانه شوي دي.