ټرمپ: ایران باید ډېر ژر د اټومي پروګرام په اړه پرېکنده پرېکړه وکړي
د امریکا ولسمشر ډونالډ ټرمپ وایي، چې د روسیې له ولسمشر ولادیمیر پوتین سره یې د ایران په اړه خبرې کړې دي او خبرداری یې ورکړی، چې «ایران باید هېڅکله اټومي وسلو ته لاسرسی پیدا نه کړي.»
د امریکا ولسمشر ډونالډ ټرمپ وایي، چې د روسیې له ولسمشر ولادیمیر پوتین سره یې د ایران په اړه خبرې کړې دي او خبرداری یې ورکړی، چې «ایران باید هېڅکله اټومي وسلو ته لاسرسی پیدا نه کړي.»
د ټرمپ په وینا، پوتین هم له دې دریځ سره موافق دی او وړاندیز یې کړی، چې له ایران سره په مذاکراتو کې برخه واخلي، ترڅو په دې اړه ژر یوې پایلې ته ورسېږي.
د امریکا ولسمشر همداراز پر ایران تور پورې کړ، چې د اټومي پروګرام په اړه د پرېکړې کولو په برخه کې وخت ضایع کوي.
د نوموړي په وینا: «موږ ژر تر ژره یوه پرېکنده ځواب ته اړتیا لرو.»
