د ټرمپ سفري بندیزونو ته غبرګون؛ هبت الله اخوندزاده امریکا ظالمه وبلله

په داسې حال کې، چې د طالبانو ډېر وخت غایب مشران د اختر په ورځو کې راښکاره شول او ویناوې او د مبارکۍ پیغامونه یې خپاره شول، ددې ډلې د کورنیو چارو وزیر او مخکښ مشر سراج الدین حقاني تراوسه د اختر په ناستو کې نه دی راڅرګند شوی او نه یې هم کوم پیغام خپور شوی.

شنونکو په باور، دا وضعیت د یوه داسې مشر لپاره غیرمعمولي دی، چې له کلونو راهیسې د طالبانو د شبکې مهم غړی بلل کېږي او پخوا به یې پرله‌پسې څرګندونې او فعالیتونه لرل.

سراج الدین حقاني، چې له دې وړاندې د طالبانو په بېلابېلو غونډو او مناسبتي ورځو کې ویناوې کولې او پر رسنیو یې انځورونه خپرېدل، په دې وروستیو کې په عام محضر کې خورا کم راڅرګندیږي او د اختر په ورځو کې یې هم کوم انځور او پیغام نه دی خپور شوی.

د طالبانو د کورنیو چارو وزارت ویاند له لوري د اختر ورځو کې د امنیت ټینګښت په تړاو یوازینی پیغام د جون پر پنځمه نېټه خپور شوی او په یاد پیغام کې هم د سراج الدین حقاني یادونه نه ده شوې.

سراج الدین حقاني څه باندې دوه میاشتې وړاندې د کوچني اختر په مناسبت وینا کړې وه او پر طالبانو یې غږ کړی و، چې د روژې مبارکې میاشتې له پای ته رسېدو سره سم د اسلامي شریعت له تطبیق څخه دفاع وکړي، عاجزي غوره کړي او له داسې چلنده دې ډډه وکړي چې افغانان پرې خپه کیږي.

هغه دغه راز په خپله وروستۍ وینا کې د ملا هبت الله ستاینې وکړې او هغه یې د لوړو وړتیاوو درلودونکی شخص وباله.

بل خوا د طالبانوډېر وخت غایب مشر ملا هبت الله اخوندزاده د کندهار په عیدګاه جومات کې زرګونو کسانو ته شاوخوا یوساعته وینا کې د فلسطین په ننګه، د افغان ښځو، مخالفتونو او ځینو نورو مسایلو په اړه وینا وکړه.

په ورته وخت کې په ارګ کې هم د طالبانو د رییس الوزرا ملا محمد حسن په مشرۍ او ملا برادر او نورو طالب چارواکو په ګډون هم کندهاري طالبانو د اختر لمونځ ادا کړ او ملا محمد حسن د ډونالډ ټرمپ د بندیزونو فرمان ته غبرګون وښود.

خو له ارګ سره په کمه فاصله کې بیا د طالبانو د کډوالو وزیر مولوي عبدالکبیر په مشرۍ په جلا توګه د اختر لمونځ ادا کړل شو. نوموړی سره له دې، چې د کډوالو وزیر دی، لاهم په سپیدار ماڼۍ کې اوسیږي.

شنونکي په دې باور دې، چې لا هم د طالبانو د لوړپوړو چارواکو په ځانګړې توګه د ملا هبت الله د کړۍ او سراج الدین حقاني ترمنځ مخالفتونه دي.

څو میاشتې وړاندې د هبت الله او سراج الدین حقاني ترمنځ مخالفتونو له امله حقاني د څه مودي لپاره له هېواده بهر پاتې شو ، خو وروسته د طالبانو د نورو مشرانو په منځګړتوب بېرته کورنیو چارو وزارت ته لاړ.

د طالبانو د بهرنیو چارو وزارت سیاسي مرستیال شیرمحمد ستانکزی، چې سراج الدین حقاني ته نږدې کس ګنل کیږي، لا هم د یادو مخالفتونو له امله له تېرو څو میاشتو راهیسې له هېواده بهر دی.

د طالبانو د داخلي وضعیت دا انځور، چې د اختر په څېر مذهبي مناسبتونو کې لا هم پر یوه ټغر نه شي را ټولېدای، ښيي چې ددې ډلې د « وحدت او یو موټي صف» له شعار سره سره، عملي صحنه له ستونزو ډکه ده.

خطیب د یکشنبې په ورځ په یوه مرکه کې وویل، چې دغه اسناد د اسراییلي اټومي تاسیساتو، له امریکا، اروپا او نورو هېوادونو سره د اسراییل د اړیکو او د دوی د دفاعي سیستمونو په تړاو دي.

د رویټرز راپور وايي، لا تر اوسه اسراییلي چارواکو کوم رسمي غبرګون نه دی ښودلی.

خطیب زیاته کړه، « دا اسناد له امنیتي پلوه په لوړه کچه انتقال شول. د انتقال څرنګوالی به پټ پاتې شي. خو ډېر ژر به دا اسناد خپاره شي. د زرګونو اسنادو یادونه کافي نه ده، شمېر تر دې ډېر دی».

دا اسناد داسې مهال افشا کیږي، چې د امریکا ولسمشر ډونالډ ټرمپ ګواښ کړی و چې که ایران له واشنګټن سره هوکړې ته ونه رسېږي، نو نظامي اقدام به وکړي. خو راپورونه وايي، په اپرېل کې ټرمپ د اسراییل له خوا پر ایراني اټومي تاسیساتو برید رد کړی و او پر ځای یې د یوې هوکړې لپاره هڅې پیل کړې.

د ایران مشر علي خامنه‌يي تېره اونۍ وویل چې له یورانیم بډاینې لاس اخیستل د ایران له ملي ګټو سره ۱۰۰ سلنه تضاد لري.

د طالبانو د لوړو زده کړو وزارت ویاند حافظ ضیاالله هاشمي نن یکشنبه «د غبرګولي ۱۸مه» په خپله اېکسپاڼه کې لیکلي چې د یاد ورارت علمي معین ضیاءالرحمن اریوبي او ورسره مل پلاوي د لوړو زده کړو او پوهنې وزیرانو په درېیم فورم کې د ګډون په موخه د روسیې تاتارستان هېواد کازان ښار ته سفر وکړ.

هاشمي وايي، چې ددې ډلې لوړو زده کړو وزارت علمي معین به په یاد فورم کې د ګډون تر څنګ، د مختلفو هېوادونو د لوړو زده کړو له استازو سره د لیدنې ترڅنګ په ساینسي او نورو برخه کې د ګډو علمي برنامو رامنځ ته کولو، استادانو راجلبولو او نورو علمي موضوعاتو په اړه خبرې وکړي.

که څه هم په دې فورم کې د هېوادونو د لوړو زده کړو او پوهنې وزیرانو په کچه ګډون کیږي، خو طالبان وايي چې دې غونډې ته د لوړو زده کړو علمي معیین ورغلی دی.

په دې وروستیو کې د طالب چارواکو او روسي استازو راشه درشه زیاته شوې ده او په لومړی ځل روسیې د طالبانو رسمي سفیر منلی دی.

دا ګامونه وروسته له هغه اخیستل کېږي، چې روسیې طالبان د ترهګرۍ له بندیزونو بهر کړل.

د پکتیا ځاځي اریوب ولسوالۍ کې د منډهېر ملي پارک ته ورغلي یو شمېر سېلانیانو «د غبرګولي ۱۸مه» افغانستان انټرنشنل ته وویل چې په یاد پارک کې له خیمو څخه نیولې تر خوراکي توکو پورې هرڅه خورا ګران دي.

یوه سېلاني وویل:«بې حده ظلم روان دی، اوبه نشته، برق نشته خو خیمه د ساعت لپاره ۱۰۰ افغانۍ په کرایه ورکوي او پارکېنګ د موټر پر سر ۲۰۰ افغانۍ اخلي.»

100%

سېلانیان وايي چې دوی نشي کولی په خپل سر خېمې ووهي او د پارک ټېکه دار له خوا اجازه نه ورکول کېږي.

په منډهېر ملي پارک کې ځیني سېلانیان د طالبانو له مسوولینو غواړي په دې برخه کې دې قراردادي شرکت باندې فشار راوړي چې د خلکو د اقتصادي وضعیت ته په کتو سره د خیمو او د خوراکي توکو بیې مناسبې وټاکي.

سېلانیان وايي، باید عامو خلکو ته اجازه ورکړل شي چې د پارک په شاوخوا سیمو کې خپلې شخصي خېمې ودرولای شي.

دوی همدراز زیاتوي چې د طالبانو د ځاځي امنیتي مسوولینو ته یې هم شکایتونه رسولي خو هغوی ویلي چې په دې چاره کې دوی کوم صلاحیت نه لري.

تر اوسه قراردادي شرکت د سېلانیانو تازه شکایتونو ته کوم غبرګون نه دی ښودلی.

طالبانو د غويي په ۱۶مه اعلان وکړ، چې د پکتیا په ځاځي اریوب ولسوالۍ کې د خصوصي سکتور د کټواز ګروپ له خوا د «منډهېر پارک» د جوړېدو پروژه د ۲۰۰ میلیونه افغانیو په ارزښت پیل شوې.

یاد شرکت ژمنه کړې وه، چې د ۲۰۰ میلیونه افغانیو په ارزښت به په راتلونکو شپږو کلونو کې جومات، سړکونه، هوټلونه، معیاري استوګنځي، پارکینګ، برېښنا، د اوبو سیستم او نور ټول عصري سهولتونه جوړېږي.

د ترلاسه شو معلوماتو پر بنسټ، د شوي قرارداد له مخې به کټواز ګروپ په کال کې دوه میلیونه افغانۍ د طالبانو تر واک لاندې ادارو ته مالیه ورکوي.

له دې وړاندې هم د ځاځي اریوب دا زړه‌راښکونکې سیمه په اخترونو او نورو ځانګړو ورځو کې د سلګونو سیلانیانو کوربه وه، خو د بنسټیزو اسانتیاوو د نشتوالي له امله سیلانیان له ستونزو سره مخ وو.

رویټرز خبري اژانس د یکشنبې په ورځ راپور ورکړی، چې د افغانستان په ګډون د نړۍ د ۱۲ هېوادونو څخه امریکا ته د سفر بندیز په اړه د ډونالډ ټرمپ اجرايوي فرمان سبا دوشنبه په ځايي وخت ۱۲:۰۱ عملي کيږي.

د ټرمپ په په دغه فرمان کې افغانستان، ایران، چاد، د کانګو جمهوریت، ګینا، اریتریا، هایټي، میانمار، لېبیا، سومالیا، سودان او یمن هېوادونه شامل دي او لامل یې په یادو هېوادونو کې د ترهګرو پراخ حضور، د ارزونې او تصدیق لپاره د اړینې تګلارې نشتوالی ښودل شوی.

د راپورونو له مخې دا بندیز د ټرمپ د هغه سیاست یوه برخه ده، چې غواړي امریکا ته د کډوالۍ بهیر محدود کړي.

پر همدغه مهال د طالبانو مشر د شنبې په ورځ د لوی اختر د خطبې پرمهال د امریکا له لوري د ۱۲ هېوادونو پر وګړو بندیز وغنده او دایې د «نسلي تعصب» نښه وبلله. نوموړي وویل، چې امریکا نه یوازې په افغانستان کې ظلم کړی، بلکې اوس په فلسطین کې هم د اسراییل له لوري د مسلمانانو د وژنې ملاتړ کوي.

په ورته مهال د طالبانو رییس الوزرا ملا محمد حسن اخوند هم د اختر وینا کې ویلي:«هغه افغانان چې د امریکا له بندیز وروسته نهیلي دي، ورته وایم چې خپل هېواد ته راستانه شئ، که څه هم له امریکایانو سره مو ۲۰ یا ۳۰ کاله کړی وي او د اسلامي نظام پر ضد مو خدمت کړی وي.»

د امریکا د ولسمشر له خوا د ۱۲ هېوادونو پر وګړو د سفر بندیز په داسې حال کې عملي کیږي، چې څو ورځې وړاندې کرېک اېنفو ورزشي رسنۍ په خپل یوه راپور کې امریکا ته د هغو اوو افغان لوبغاړو د سفر په اړه اندېښنه ښودلې وه، چې د ۲۰۲۵ کال امریکا میجر کرېکټ لیګ کې له بېلا بېلو لوبډلو سره قراردادونه لري.