اسراییلی استازی: مونږ له ډیپلوماسۍ سره زغم وکړ خو ایران له اتومي بمونو څو ورځې لرې و

د امریکا په کلاهوما ښار کې فدرالي محکمې د جمعه په ورځ (د غبرګولي ۲۳مه) په یوه خبر کې ویلي، چې دغه ۲۷ کلن افغان په امریکا کې داعش ته د مالي منابعو، وسلو او مهماتو د برابرولو په تور نیول شوی او مجرم ګڼل شوی.

د محکمې مشرې پامېلابانډي ویلي: «د داعش سره همکاري کول او د ټاکنو په ورځ د بې ګناه امریکایانو پر ضد د بريد پلان جوړول د تورن کس له لورې د خلکو ژوند له خطر سره مخ کړ او د هغه هېواد سره یې خیانت کړی چې پناه يې ورکړې.»

هغې ویلي، چې تورن کس خپل جرم منلی، د کډوالۍ قانوني اسناد به هم ځني واخیستل شي او له امریکا به ویستل شي.

محکمې د خپلو ټولو شویو اسنادو له مخي زياته کړې: «توحیدي منلې، چې د ۲۰۲۴ کال د جون او اکتوبر میاشتو ترمنځ له یو بل کس سره یو ځای یې پلان جوړ کړی و، چې دوه AK-47 ډوله وسلې، ۵۰۰ مرمۍ او نور مهمات واخلي څو د نومبر پر ۵مه د ټاکنو په ورځ د داعش په استازیتوب خونړی برید وکړي.»

محکمې ویلي، چې د همکارو ادارو په مرسته به په جدي توګه د هغو کسانو پر ضد اقدام کوي چې امریکایانو ته د ترهګرۍ له لارې زیان رسوي.

محکمه وایي، چې توحيدي د داعش له یو بل همکار سره اړیکه نیولې او د برید پلان يې ورسره شریک کړی.

توحيدي او د هغه ملګری عبدالله حاجي زاده د ۲۰۲۴ کال د اکتوبر په ۷مه وروسته له هغه ونیول شول، چې په تور بازار کې يې وسلې او مرمۍ اخيستې وې.

حاجي زاده اوس ۱۸ کلن دی، چې د وسلو اړوند جرم یې منلی او اوس سزا اورولو ته په تمه دی.

د امریکا فدرالي محکمې ویلي، چې ناصر احمد توحيدي ممکن د «ترهګرو د مادي ملاتړ» په تور تر ۲۰ کلونو او عبدالله حاجي زاده د وسلو اړوند جرم باندي تر ۱۵ کلنو بند محکوم شي.

د دوی په خبره، چې دواړه به تر سزا تېرولو وروسته افغانستان ته استول کيږي او بیا په هیڅ صورت امریکا ته نه شي داخلېدلی.

ایران یو لوی منظم پوځ لري، خو ډېری وخت پر نیابتي (لکه حزب‌الله، حوثیان او نور ملېشه‌ ډلې) او پټو عملیاتو تکیه کوي. خو دا ډول فعالیتونه په تېرو میاشتو کې د امریکا او اسراییل له خوا سخت کمزوري شوي دي.

بل‌ لور ته، اسرايیل نه یوازې د استخباراتي عملیاتو پراخ ظرفیت لري، بلکې منظم، قوي ځمکني او هوايي ځواکونه لري، چې په سیمه کې بې ساري دي.

اوس‌مهال لا معلومه نه ده چې ایران تر کومې اندازې کولای شي پرله‌پسې سلګونه بالسټیک توغندي پر اسراییل توغوي، خو د اسراییلي رسنیو د راپورونو له مخې، د "ایرن ډوم" د هر یوه توغندي نیولو لګښت شاوخوا ۵۰زره امریکايي ډالر دی، پداسې حال کې چې نور پرمختللي دفاعي سیستمونه د هر توغندي د نیولو لپاره تر ۲ میلیونه ډالرو پورې لګښت لري.

میکلبرګ الجزیرې ته ویلي: «دا پېښه لا هم تازه ده، له ۲۴ساعتونو څخه کمه پخوانۍ ده او داسې هیڅ نښه نشته چې دواړه خواوې د ښکته کیدو لپاره چمتو وي.»

هغه څرګنده کړه چې که چیرې تاوتریخوالی کم نه شي، نو د اسراییل او ایراني ځواکونو ترمنځ به د اونیو لپاره پر یو بل بریدونه وکړي.

میکلبرګ وویل: «په اسراییل کې عمومي نظر دا دی چې ایران یو موجود ګواښ دی، په ځانګړې توګه که چیرې اټومي وسلې ولري.»

پیټ زیاته کړه: «هر خپلواک هېواد د ځان د دفاع حق لري، او اسراییل هم له دې قاعدې مستثنا نه دی.»

هغه د امریکا د بهرنیو چارو وزیر، مارکو روبیو، هغه خبرداری هم تکرار کړ چې پکې ویلي و واشنګټن په دې برید کې لاس نه لري، خو که ایران د امریکا پر منافع یا پر پرسونل برید وکړي، پایلې به یې دروند قیمت ولري.

پیټ زیاته کړه: «ولسمشر ټرمپ د امریکايي ولس له‌خوا له دې لپاره منتخب شوی چې سوله تامین کړي او له هغو تېرو لویو تېروتنو مخنیوی وکړي چې امریکا یې اوږدمهالو جګړو ته راکاږله.»

نوموړي ټینګار وکړ چې امریکا به لا هم هڅه کوي له ایران سره یوه داسې ډېپلوماټیکه حل‌لاره ومومي، چې د تهران د اتومي وسلو د ترلاسه کولو مخه ونیسي او د منځني ختیځ ثبات ته ګواښ پېښ نه کړي.

هغه وویل: «د ایران مشرتابه ته دا وخت یو ښه فرصت دی چې د خبرو مېز ته کښېني.»

د انټرفېکس خبري اژانس د راپور له مخې، کریملین ماڼۍ په یوه خپره کړې خبرپاڼه کې ویلي، چې د روسیې ولسمشر د اسراییل د بریدونو په پایله کې د ملکي وګړو په ګډون د ګڼ شمیر انساني تلفاتو په اړه د ایران مشرتابه او خلکو ته خواخوږي څرګنده کړې.

په خبرپاڼه کې راغلي، روسیه د ملګرو ملتونو د منشور او نړیوال قانون څخه په سرغړونه کې د اسراییل د اقداماتو غندنه کوي.

خبرپاڼه زیاتوي، روسیې اړخ د ایران د اټومي پروګرام شاوخوا وضعیت په سوله ایز ډول د حل کولو لپاره د هڅو بشپړ ملاتړ کوي، او همدا راز د ایران او اسراییل ترمنځ د شخړې د کمولو لپاره خپل ملاتړ ته دوام ورکوي.