پوتین د ایران او اسراییل مشرانو سره په تیلیفوني خبرو کې د ډېپلوماسۍ پر اړتیا ټینګار کړی

ګروسي زیاتوي، چې د ایران په نطنز کې د یورانیمو د غني کولو د ځمکې لاندې سالونونو کې د برید کومه نښه نه لیدل کيږي؛ خو پر برېښنايي تاسیساتو برید ممکن سانتریفیوژونه زيانمن کړي.

هغه زياته کړې: «په نطنز تاسیساتو کې راډيولوژيکي (اتومي) او کيمياوي ککړتيا موجوده ده.»

ګروسي ویلي، چې ایراني چارواکو خبر ورکړی، چې د اصفهان اټومي تاسیسات د اسراییل لخوا تر برید لاندې راغلي دي.

ادارې زیاته کړې چې یو بل توغندی د تل‌ابیب په یوه لوړپوړي برج لګېدلی، چې د ودانۍ ښکته برخو ته یې پراخ زیان اړولی دی.

همداراز، د اسراییل په شمال کې توغندي یوه کور ته زیان رسولی او هلته وښو اور اخیستی.

په ټوله کې شاوخوا ۱۵تنه روغتونونو ته انتقال شوي، چې یو تن‌یې سخت ټپي دی.

دغه سرچینه چې نوم یې نه دی خپور شوی وايي: «ایران به د ملکي سیمو باندې د بریدونو نه زغملېدونکې درنه بیه ورکړي.»

دغه چارواکی زیاتوي: «موږ پوهیږو چې اسراییل څه په خپلو بریدونو کې په ایران کې وځپل، او هم پوهیږو چې څه یې پرېښودل. او دا به راتلونکی ګام وي.»

دا څرګندونې د ایران د انرژۍ او زیربنایي تاسیساتو احتمالي اسراییلي بریدونو ته اشاره ګڼل کېږي.

نوموړي زیاته کړې: «هېڅ ځای به په اسراییلو کې خوندي نه وي، زموږ غچ به سخت، دردوونکی او بې‌سارې وي.»

دغه چارواکي دا هم ویلي: «اسراییل به زموږ د قوماندانانو، ساینسپوهانو او ولسي وګړو د وژل کېدو لوړه بیه پرې کړي.»

دا څرګندونې په داسې حال کې شوي چې ایران د اسراییل له برید وروسته د اسراییلو پر وړاندې د
(وعده صادق سه) په نامه عملیات پيل کړي دي.

د راپورونو له مخې، څو تنه ټپيان شوي دي خو کره نده چې څومره کسان ټپیان شوي دي.

پولیس وايي چې دغه بریدونه د سیمې پر یو شمېر ودانیو هم زیان اړولی دی، او امنیتي ځواکونه د سیمې ارزونه کوي.