اسراییلی چارواکی: ایران به پر ملکي سیمو د توغندیزو بریدونو 'نه زغملېدونکې بیه' ورکړي

نوموړي زیاته کړې: «هېڅ ځای به په اسراییلو کې خوندي نه وي، زموږ غچ به سخت، دردوونکی او بې‌سارې وي.»

دغه چارواکي دا هم ویلي: «اسراییل به زموږ د قوماندانانو، ساینسپوهانو او ولسي وګړو د وژل کېدو لوړه بیه پرې کړي.»

دا څرګندونې په داسې حال کې شوي چې ایران د اسراییل له برید وروسته د اسراییلو پر وړاندې د
(وعده صادق سه) په نامه عملیات پيل کړي دي.

د راپورونو له مخې، څو تنه ټپيان شوي دي خو کره نده چې څومره کسان ټپیان شوي دي.

پولیس وايي چې دغه بریدونه د سیمې پر یو شمېر ودانیو هم زیان اړولی دی، او امنیتي ځواکونه د سیمې ارزونه کوي.

د دغه اقدام له مخې، اوس هېڅ فلسطینی د ځانګړې همغږۍ پرته نه‌شي کولای له سیمې ووځي یا بېرته ورستون شي، او د سیمې دننه او بهر هر ډول تګ‌راتګ محدود شوی دی.

چارواکي دا څرګندونې د نوم نه‌اخیستنې په شرط کړي، ځکه چې د پوځ له لورې ورته دا ډول سپارښتنه شوې وه.

په اشغال شوې لویدیځه غاړه کې شاوخوا درې میلیونه فلسطینیان ژوند کوي، چې د اسراییلي پوځ تر مستقیم نظامي واک لاندې دي.

دغه پرمختګ وروسته له هغه راځي چې اسراییل پر ایران پوځي برید وکړ او د سیمې امنیتي وضعیت نور هم ترینګلی شو.

دغه کنفرانس د فرانسې او سعودي عربستان په شریک کوربتوب ترسره کېده.

مکرون خبریالانو ته ویلي، دا کنفرانس چې ټاکل شوې وه د جون له ۱۷مې تر ۲۰مې پورې په نیویارک کې ترسره شي، د لوژستیکي ستونزو له امله وځنډول شو، ځکه د فلسطین د خپلواک ادارې غړي نه‌و توانېدلي چې سفر وکړي.

هغه زیاته کړې: "موږ دا کنفرانس ژر تر ژره بېرته تنظیموو، ځکه چې دا د سیمې د سولې او ثبات لپاره حیاتي اهمیت لري."

د بشري حقونو د څار سازمان په خپل راپور کې د ریچارډ بېنېټ له قوله ویلي؛ چې په افغانستان کې د تېر او روانو جدي بشري حقونو سرغړونو په ځانګړي ډول د ښځو او نجونو پر وړاندې د بشري حقونو سرغړونو په اړه دې د حساب ورکړې خپلواکه اداره جوړه شي.

بېنېټ ویلي، چې په خپل راپور کې یې افغان ښځې او نجونې د عدالت ترلاسه کولو لپاره له لویو ستونزو سره مخ دي او نوموړي د افغان ښځو او نجونو پر وړاندې د تبعیض بېلابیل ډولونه مستند کړي دي.

بېنېټ په خپل چمتو شوي راپور کې له هېوادونو غوښتنه کړې، چې د افغان ښځو په وړاندې د جدي بشري سرغړونو شواهد راټول، خوندي او د سرغړونکو پر ضد دې قضايي دوسیې جوړې کړي.

نوموړي ویلي:«دا اداره به د طالبانو پر ضد د بې پروايي پر وړاندې مهمه وسیله وي او د نړیوالو قضايي هڅو ملاتړ به وکړي.» ‍

بېنېټ له هېوادونو غوښتنه کړې ده، چې په سپټامبر میاشت کې د اروپايي اتحادیې له خوا د ملګرو ملتونو په شورا کې د افغانستان په اړه د حساب ورکولو د یوې خپلواکې ادارې د جوړولو وړاندېز پرمهال دې خپل پراخ ملاتړ څرګند کړي.