ایران وايي په قم کې یې دوه اسراییلۍ ډرون الوتکې وویشتلې

نتنیاهو په خپلو تازه څرګندونو کې ویلي، « اسراییل د منځني ختیځ او ټولې نړۍ د ازادۍ دفاع کوي. موږ دا مبارزه د یوه ظالم او سخت‌دریځه ایراني رژيم پر وړاندې کوو، داسې رژيم چې غواړي اټومي بمونه جوړ کړي څو موږ له منځه یوسي او غواړي ځمکه پر ځمکه بالیستیک توغندي جوړ کړي څو هر څوک، هر ځای تهدید کړي».

د اسراییل لومړي وزیر ایران "یو وژونکی رژيم" وباله او ویې ویل چې دا رژيم نه یوازې اسراییل ته ګواښ دی، بلکې په ټوله نړۍ کې یې د بې‌ګناه خلکو وینه تویه کړې ده.

هغه وویل، « دغه رژيم زرګونه امریکایان په عراق او افغانستان کې وژلي، دوه ځله یې د امریکا د ولسمشر ډونالډ ټرمپ د ترور هڅه کړې، او اوس هڅه کوي اټومي وسله تر لاسه کړي».

نتنیاهو دا هم تایید کړه چې د ایران مشرتابه، پوځي مشران او اتومي تاسیسات د اسراییلي ځواکونو له خوا په نښه شوي دي.

هغه زیاته کړه، « موږ د دوی مشران، اټومي ساینسپوهان او حساس مرکزونه په نښه کړي او دا به دوام لري تر څو دا رژيم نور نړۍ ته تهدید نه وي».

د ایران د بهرنیو چارو وزیر عباس عراقچي د خبرو پر مهال د اسراییلي بریدونو پر ضد د روسیې له دریځ مننه وکړه او ویې ویل چې دغه ډول بریدونه کولی شي سیمه یوې ژورې بحراني او ناامنه فضا ته بوځي.

بل‌خوا، کرملین اعلان کړی چې د روسیې ولسمشر ولادیمیر پوتین د امریکا له ولسمشر ډونالډ ټرمپ سره د منځني ختیځ پر وضعیت مهمې ټیلفوني خبرې کړې دي. د پوتین د دفتر یوه لوړپوړي سلاکار دغه تماس "معنادار او ډېر ګټور" بللی دی.

سرچینو دا هم ویلي چې پوتین په دغه تماس کې ټرمپ ته د زوکړې کلیزې مبارکي هم ویلې ده.

هغه ټینګار وکړ، چې ایران اسلامي جمهوریت د ملګرو ملتونو د منشور د ۵۱ مادې له مخې د ځان د دفاع حق لري.

شهباز شریف د شنبې په ورځ په اېکسپاڼه کې ولیکل چې هغه د ایران له ولسمشر سره خبرې کړې او د "اسراییلي یرغل" په وړاندې یې د ایران له خلکو سره د پاکستان قوي پیوستون څرګند کړ.

هغه وویل چې دا بریدونه د ایران د حاکمیت او ځمکنۍ بشپړتیا سرغړونه او د نړیوال قانون سپکاوی دی.

شهباز شریف زیاته کړه، چې مسعود پزشکیان د ملګرو ملتونو په امنیت شورا کې د پاکستان د دریځ ستاینه کړې ده.

رام موهان نایدو زیاته کړه، چې چارواکي د پېښې د ټولو ممکنه لاملونو پلټنه کوي.

د هند د هوايي چلند وزیر د شنبې په ورځ، د جون په ۱۴مه، په نوي ډیلي کې په یوه خبري کنفرانس کې وویل: "موږ د ۷۸۷ الوتکو د پراخې څارنې امر هم کړی دی."

د راپورونو له مخې، لږ تر لږه ۳۴ یادو الوتکو څخه ګټه اخیستل کېږي.

د هند د هوايي چلند وزیر وویل چې تر اوسه پورې اته الوتکې معاینه شوې او دا پروسه په بېړني ډول ترسره کیږي.

د هوايي چلند تنظیم کوونکي ایر انډیا ته امر کړی چې د بوینګ ۷۸۷ الوتکو د ساتنې نور معاینات ترسره کړي.

د ایرانډیا الوتکه چې بوینګ ۷۸۷وه، له احمداباد څخه د بریټانیا ګیټوېک ته روانه وه، چې د پنجشنبې په ورځ له الوتنې څو شېبې وروسته ولوېده.

په الوتکه کې ۲۴۲ کسان سپاره وو، چې ویل کیږي یوازې یو تن ترې ژوندی پاتې دی.

طالبانو د اسراییل برید د نړیوالو قوانینو او د هېوادونو د حاکمیت څخه ښکاره سرغړونه وبلله.

طالبانو وویل چې دا بریدونه په داسې حال کې شوي چې په غزه کې د فلسطین "مظلوم خلک د اسراییل د اشغالګر رژیم له‌خوا په ناورین سره تر برید لاندې دي.

د طالبانو په پیغام کې ویل شوي چې اسراییل "د بشري او نړیوالو اصولو په پام کې نیولو پرته د تاوتریخوالي خپرولو ته دوام ورکړی دی."

د طالبانو مرستیال ویاند وویل چې اسراییل تاوتریخوالي ته لمن وهلې او د سیمې هېوادونه یې اندیښمن کړي دي.

طالبانو د جګړې له ښکیلو خواوو وغوښتل چې د سیمه‌ییز ثبات ساتلو لپاره خپلې ژمنې وساتي.