د ایران پر دولتي ټلوېزیون "صدا او سیما" د اسراییل برید کې مرګ ژبله اوښتې ده

نتنیاهو دغه څرګندونې د تل‌نوف هوايي اډې څخه د لیدنې پر مهال کړې دي، چېرته چې هغه د اسراییل د هوايي ځواکونو د وروستیو عملیاتو ستاینه وکړه.

نوموړي ټینګار وکړ چې اسراییلي پوځ یوازې حکومتي او نظامي اهداف په نښه کوي؛ خو برعکس د ایران رژیم ملکي وګړي هدف ګرځوي.

نوموړي زیاته کړه: "زموږ اساسي موخه د ایران اټومي او توغندیز ظرفیتونه له منځه وړل دي او وروستي بریدونه د دغو اهدافو په تحقق کې مهم رول لري."

دا څرګندونې په داسې مهال کېږي چې سیمه د ایران او اسراییل ترمنځ د پراخ جنګ له خطر سره مخ ده او نړۍوالې ټولنې د دواړو لوریو ترمنځ د تاوتریخوالي د مهار غوښتنه کړې ده.

یاد چارواکي ویلي، « زموږ د برید هدفونه داسې دي چې ژر بشپړېدلی شي خو که پرېکړه وشي چې بریدونه تر حکومتي اهدافو، اقتصادي زیربناوو او نورو هدفونو وغځېږي، نو وخت به نور هم وغځېږي».

هغه وایي، « هدف دا دی چې د ایران اتومي پروګرام دومره زیانمن شي، چې بیا دیپلوماتيکې خبرې بېرته پیل شي او یو ښه تړون رامنځته شي».

اسراییلي چارواکی زیاتوي چې ایران د منځګړو (واسطو) له لارې اسراییل ته پیغامونه استولي، چې وایي، « که اسراییل بریدونه بند کړي، دوی به یې هم ودروي او مذاکراتو ته د ستنېدو لپاره چمتو دي خو اسراییل باید لومړی ودریږي».

دا مهال اسراییلي ځواکونه لا هم د بریدونو د اغېزو ارزونه کوي، خو تر اوسه یې پایلې بشپړې نه دي.

دوی ګومان کوي چې د نطنز ځمکتلونو ته هم زیان رسېدلی، خو د فردو اتومي تاسیساتو د جدي زیانمنولو په برخه کې اسراییلي چارواکي ډاډمن نه دي او ګومان نه کوي چې یوازې په خپل توان سره دې ډېر زیان ورسوي.

دغې رسنۍ د غبرګولي پر ۲۶مه (دوشنبه) د شمخاني د طبي ډلې د مشر له خولې لیکلي، چې د ایران د ملي امنیت د پخواني سلاکار روغتیایي حالت له پرون راهیسې یوڅه باثباته شوی.

خو د خامنه‌يي د سلاکار طبي ټيم زیاته کړې، « البته د چاودنې له امله د سختو داخلي ټپونو له کبله، لا هم د ده د دقیق وضعیت په اړه پرېکنده نظر نه شي ورکول کېدای».

سره له دې ویل شوي چې د هغه د درملنې بهیر په تېرو څو ورځو کې پرمختګ کړی دی.

د طالبانو د بهرنیو چارو وزارت نن د غبرګولي ۲۶مه د یوې خبرپاڼې په خپرولو سره لیکلي، چې ددې ډلې د بهرنیو چارو وزیر د ایران پر خاوره د اسراييل هوايي بریدونه، چې د نظامي مرکزونو ترڅنگ، عامه استوگنېزې سیمې هم پکې په نښه شوې، وغندل.

متقي دغه بریدونه له نړیوالو قوانینو سرغړونه او د ايران د ملي حاکميت نقض بللی.

متقي د ایران بهرنیو چارو وزیر ته ویلي چې په سعودي عربستان کې د پاتې ايراني حجاجو د خوندي لیږد په برخه کې همکارۍ ته چمتو دي.

د طالبانو بهرنیو چارو وزارت په خبرپاڼه کې د عباس عراقچي په حواله لیکلي چې د ایران د بهرنیو چارو وزیر سيد عباس عراقچي د ټيليفوني اړيکې د ستايلو ترڅنگ په خپلو خبرو کې پر ایران د اسراييل د بریدونو په اړه د طالبانو له دريځه مننه وکړه.

په خبرپاڼه کې راغلي چې عباس عراقچي افغانستان د یوه ملاتړي او خواخوږي هیواد په توګه د ایران یو ښه ګاونډی هیواد یاد کړی.

د ایرنا د راپور له مخې، د پولیسو دغه چارواکي ویلي چې په ټول هېواد کې د اسراییل د جاسوسانو د نیولو لپاه هڅې روانې دي او له خلکو یې غوښتي، چې له پولیسو سره مرسته وکړي.

د ایران د پولیسو مشر د جاسوسۍ په تور نیول شویو کسانو شمېر او د هغوی هویت نه دی په ډاګه کړی.

له دې وړاندې هم ایراني چارواکو ادعا کړې وه، چې د ایران په ځینو سیمو کې یې د اسراییل څارګرې ادارې موساد جاسوسان نیولي دي.