عراق وايي چې د اسراییلو ۵۰ جنګي الوتکې یې هوايي حریم ته ننوتي دي
په ملګرو ملتونو کې د عراق استازی وايي چې دا سرغړونې د امنیت شورا د نن ورځې غونډې څخه یو څو شېبې وړاندې شوې دي.
په ملګرو ملتونو کې د عراق استازی وايي چې دا سرغړونې د امنیت شورا د نن ورځې غونډې څخه یو څو شېبې وړاندې شوې دي.
په ملګرو ملتونو کې د عراق د ماموریت شارژدافیر عباس قدوم عبید الفتلاوي امنیت شورا ته وویل چې یادې الوتکې د سوریې او اردن له سرحدي سیمو څخه راغلې وې.
هغه زیاته کړه، « لومړی شل الوتکې او ورپسې ۳۰ نورې الوتکې د عراق جنوب خوا ته روانې وې، چې د بصرې، نجف او کربلا ښارونو د پاسه یې الوتنې وکړې.»
عبید الفتلاوي وویل: « دا ترسره کړې سرغړونې د نړیوالو قوانینو او د ملګرو ملتونو د منشور څخه سرغړونه ده.»
