د روسیې دفاع وزیر: له منځني ختیځ څخه افغانستان ته د وسلهوالو لېږد دوام لري
د روسیې دفاع وزیر اندري بلوسوف د شانګهای همکاریو سازمان د دفاع وزیرانو غونډې ته ویلي، چې له منځني ختیځه د ترهګریزو افکارو خپرېدل او افغانستان ته د وسلهوالو لېږد دوام لري.
د روسیې دفاع وزیر اندري بلوسوف د شانګهای همکاریو سازمان د دفاع وزیرانو غونډې ته ویلي، چې له منځني ختیځه د ترهګریزو افکارو خپرېدل او افغانستان ته د وسلهوالو لېږد دوام لري.
هغه ټینګار کړی، چې په افغانستان کې دوامداره نا امني د شانګهای همکارۍ سازمان په سیمه کې د نړۍوالو جرمونو او ترهګریزو ګواښونو اصلي سرچینه ده.
بلوسوف د شانګهای سازمان پر غړو هېوادونو غږ کړی، چې له افغانستان، سوریې او اوکراین څخه د ورپېښو ګواښونو پر وړاندې خپل ګډ اقدامات پراخ کړي.
نوموړي همدا راز وړاندیز کړی، چې د امنیتي همکاریو د پراخوالي لپاره ګډ پوځي تمرینات مهم دي او روسیه غواړي په دې برخه کې خپلې تجربې له نورو سره شریکې کړي.
که څه هم د شانګهای سازمان غړي هېوادونه او په ځانګړې توګه روسیه له طالبانو سره ښې اړیکې لري؛ خو وخت ناوخت یې د افغانستان له خاورې د احتمالي ګواښونو په اړه په بېلابېلو نړۍوالو ناستو کې خپلې اندېښنې او وړاندیزونه شریک کړي دي.
د نوموړي په خبره؛ دا مهال په افغانستان کې څه باندې شل سخت دریځې ډلې چې د جنګیالیو شمېر یې ۱۵ زرو ته رسېږي؛ فعالې دي.
طالبانو بیا تل دغه ډول څرګندونې رد کړې دي او په افغانستان کې یې د بشپړ امنیت ټینګولو ډاډ ورکړی دی.
