کاناډا او امریکا د سوداګرۍ ځنډېدلې خبرې بیا پیل کړې دي

د ژغورنې ځايي ادارې (ریسکیو ۱۱۲۲) ویاند فارو ق احمد وایي، چې د دیوالونو، چتونو، د اعلاناتي لوحو د ړنګېدو او د برېښنا د د شارټۍ له امله دغه مرګ ژوبله رامنځته شوې ده.

پېښې د لاهور، ګوجرانواله، شېخپوره، قصور او ننکانه صاحب په ولسوالیو کې رامنځته شوې دي.

د پاکستاني رسنیو د راپور له مخې؛ تر ټولو لویه پېښه د لاهور ښار د شریف‌پورې احمد ټاون په سیمه کې رامنځته شوې، چې یو کور خامه کور د توپان پر مهال نړېدلی دی.

په دې پېښه کې یوه ۲۵ کلنه مېرمن له خپلې اووه میاشتنۍ ماشومې سره یې مړه شوې او ۴۵ کلن خاوند یې بیا ټپي شوی دی.

د سنا منشيانو د قانون‌مسودې بشپړ متن ولوست او اوس سناتوران د دې لایحې د مالي لګښتونو په محاسبه کې د راپورته شویو اعتراضونو ارزونه کوي، دا اعتراضونه ډېری د ډیموکراټانو له خوا مطرح شوي دي.

ټاکل شوې چې ډېر ژر د دې لایحې پر سر رسمي بحث پیل شي.

د قواعدو له مخې، دواړو ګوندونو ته لس لس ساعته بحثي وخت ورکړل شوی، خو تمه ده چې ډېموکراټان به خپل ټول وخت وکاروي، په داسې حال کې چې جمهوري‌پال سناتوران ښايي لږ وخت ونیسي.

له بحث وروسته سناتوران په لسګونو تعدیلاتو رایې ورکوي او دا کار ممکن څو ساعته وخت ونیسي، نو له همدې امله سنا ته یوې اوږدې او شپه‌نۍ ناستې تمه کېږي.

که څه هم دا قانون د ټرمپ د کورني سیاست لپاره یوه مهمه طرحه بلل کېږي، خو د لګښتونو، اغېزو او محتوا په اړه یې لا هم سیاسي مخالفتونه روان دي او دا څرګنده نه ده، چې وروستۍ پایله به د چا په ګټه تمامه شي.

اسراییل ټایمز راپور ورکړی، چې بنیامین نتنیاهو د موساد مشر په ملتیا نن محکمې ته حاضر شوی و او قاضیانو ته یې د خپلې محاکمې د ځنډولو په اړه وضاحت ورکړی دی.

د محکمې قاضیانو ویلي، چې د اسراییل د لوړ پوړو امنیتي مشرانو له لوري د نننۍ لېدنې پرمهال د وړاندې شویو توضیحاتو له مخې یې د جمعې د ورځې له غوښتنلیکونو څخه زیات او قانع کوونکي دلایل ترلاسه کړي دي او له همدې امله یې د دې اونۍ دواړې ټاکل شوې ناستې لغو کړې.

خو محکمې لا هم د راتلونکې اونۍ د ناستو د لغو کولو پرېکړه نه ده کړې او ویلي یې دي، چې که قوي دلایل وړاندې شي، د راتلونکې اونۍ د محکمې د امکان ارزونه به وشي.

نتنیاهو وړاندې له محکمې غوښتي و، چې د سیاسي او امنیتي بوختیاوو له امله دې د راتلونکو دوو اونیو لپاره د نوموړي محاکمه وځنډول شي، خو د نوموړي دا غوښتنه مخکې رد شوې وه.

محکمې په داسې حال کې د نتنیاهو د محاکمې دوه ناستې ځنډولې دي، چې د امریکا ولسمشر ډونالډ ټرمپ خبرداری ورکړی و، چې که نتنیاهو محاکمه شي، له اسراییل سره به خپلې مرستې ودروي.

ډونالډ ټرمپ د نتنیاهو محاکمه یو "مغرضانه او سیاسي" څار بللی او زیاته کړې یې ده، چې دغه اقدام به «له ایران او حماس سره د مذاکراتو بهیر ټکنی کړي.»

واډیفول ټینګار کړی چې د اوکراین پر ضد د روسیې یرغل نه یوازې اروپا، بلکې د جرمني ملي امنیت ته تر ټولو ستر خطر دی او دا به د جرمني د بهرنۍ پالیسۍ مهمه موضوع پاتې شي.

واډیفول د ناټو د هاګ غونډې پرېکړې، چې د غړو هېوادونو د دفاعي بودجې د زیاتولو لپاره یې د ناخالصو کورنیو تولیداتو ۵ سلنه ټاکلې، سمې او وړ وبللې.

هغه زیاته کړه، « ولادیمیر پوتین د بې هدفه بمباریو له لارې هڅه کوي د اوکراینیانو مورال مات کړي. د اوکراین ازادي د اروپایانو د ثبات یو مهم امتحان دی».

په ورته وخت کې د جرمني د سوسیال دموکرات ګوند یو شمېر مهمو غړو، په ځانګړي ډول د پارلمان پخواني رییس رولف موڅ‌نیش، د ګوند پخواني رییس نوربرت فالتربوریانس او د بهرنۍ پالیسۍ کارپوه رالف شتیګنر پر هغه څه نیوکه کړې، چې ددوی په باور، «پوځي خبرداریو ته زمینه برابرول او پراخ تسلیحاتي پلانونه» دي.

دوی د دې پر ځای له روسیې سره د دیپلوماټیکو خبرو د پیل غوښتنه کړې ده.

خو په مقابل کې د سوسیال دموکرات ګوند اوسني مشر او د صدراعظم مرستیال لارس کلینګبایل د ګوند په عمومي کنفرانس کې دا څرګنده کړه چې له روسیې سره د اړیکو په لاره کې هیڅ بدلون نه ښکاري. هغه ټینګار وکړ چې باید د پوتین د واکمنۍ پر مهال، د روسیې پر وړاندې هر اړخیز دفاعي چمتووالی موجود وي.

د اوکراین ولسمشر ولادیمیر زیلینسکي د دغه برید په غبرګون کې له لویدیزو متحدینو د لا زیاتو هوایي دفاعي سیستمونو غوښتنه کړې ده. برید لږ تر لږه اووه تنه ژوبل کړي او ګڼ شمېر کورونه، تعلیمي او صنعتي تاسیسات یې زیانمن کړي دي.

اوکراین وایي، دا درېیمه اېف ۱۶جنګي الوتکه ده چې له جګړې راپه دېخوا یې له لاسه ورکوي.

که څه هم اوکراین تر اوسه دا نه ده افشا کړې چې څو اېف ۱۶الوتکې لري، خو دا الوتکې د کیېف د هوایي دفاع مهمه برخه جوړوي.

زیلینسکي پر خپل اېکس ولیکل، « د روسیې چې تر څو د پراخو بریدونو توان رسیږي، نه به دریږي. یواځې دا اونۍ له ۱۱۴ زیات توغندي، تر ۱۲۷۰ ډرونونه او نږدې ۱۱۰۰بمونه کارول شوي دي».

د اوکرایني پوځ په وینا، یوازې تېره شپه ۴۷۷ ډرونونه او ۶۰ ډوله توغندي پر اوکراین وتوغول شول، چې له دې ډلې ۲۱۱ ډرونونه او ۳۸ توغندي د دفاعي ځواکونو له خوا له منځه یووړل شول.

د برید غږونه په لویف، پولتاوا، میکولایف، دنیپروپتروفسک، چرکاسي او ایوانوفرانکیفسک ولایتونو کې اوریدل شوي دي.

په چرکاسي کې شپږ تنه ژوبل شوي، چې یو یې ماشوم دی. همدارنګه درې پوړیزې ودانۍ او یو کالج هم زیانمن شوي دي.

اوکرایني هوایي ځواک ویلي چې وژل شوي پیلوټ خپلې ټولې وسلې کارولې او اووه هدفونه یې را غورځولي، خو د وروستي هدف ویشتلو پرمهال یې الوتکه زیانمنه شوه. پیلوټ هڅه وکړه چې الوتکه له ښارګوټي لرې بوځي، خو له الوتکې د وتلو وخت یې ونه موند.