طالب وزیر وايي چې د امیر اطاعت عبادت دی

د شفلوغ په نوم دا بند به، چې د ارزګان ولایت د چنارتو ولسوالۍ په شفلوغ کلي کې جوړېږي، د ۸۵۴ زره او ۱۰۶ متر مکعبه اوبو زېرمه کولو ظرفیت ولري او شاوخوا ۲۵۹ هکټاره کرنیزه ځمکه به خړوبه کړي.

دا پروژه به د ۱۶۵،۹ میلیونه افغانیو په لګښت بشپړه شي، چې شاوخوا ۱،۹ میلیونه امریکایي ډالر کېږي.

د طالبانو د اوبو او انرژۍ سرپرست وزیر ملا عبداللطیف منصور، د طالبانو ارزګان والي مولوي عنایت الله شجاع، د ملي پراختیا شرکت معیین مولوي عبدالولي عادل، د علماوو شورا غړو، تخنیکي کارکوونکو، قومي مشرانو او د سیمې خلکو د دغه بند د پرانیستې په مراسمو کې ګډون درلود.

منصور د بند د چارو د پرانیستې پر مهال وویل، چې د دغه بند هدف د اوبو مدیریت، د ځمکې لاندې اوبي سرچینو پیاوړتیا او د موسمي سېلابونو مخنیوی دی. نوموړي زیاته کړه، چې « دغه نظام په ډېرو لږو امکاناتو سره په هېواد کې امنیت، روڼتیا، قومي یووالی او اقتصادي پراختیا راوړې ده».

طالب وزیر وویل، چې د اوبو او انرژۍ وزارت پلان لري چې ډېر ژر په ارزګان ولایت کې د لمریزې برېښنا پروژې هم پلې کړي او اړین تخنیکي اقدامات به هم ترسره شي.

د طالبانو د ملي پراختیا شرکت مالي او اداري معیین مولوي عبدالولي عادل په دغو مراسمو کې ژمنه وکړه چې دغه پروژه به په لوړ کیفیت سره بشپړه شي.

د بند د جوړېدو چارې او د کیفیت په تړاو څرګندونې په داسې حال کې دي، چې له دې وړاندې په خوست کې د یوه بند د نړېدو له امله د طالبانو پر ادارې پراخې نیوکې وشوې.

د طالبانو د غزني امنیه قوماندانۍ مرستیال نصرالله خادم نن سې شنبه د چنګاښ ۱۰مه، د امید په نامه راډيو ته ویلي، چې څه ډول د ځانکړو ورځو لپاره امنیت نیول کېږي همغسې یې د عاشورا د ورځو لپاره هم امنیتي تابیاوې کړې دي.

په ورته وخت کې په غزني کې د اهل تشیع یو عالم ګل احمد معتمدي ویلي، دوی ته طالبانو ډاډ ورکړی، چې د بدې امنیتي پېښې د مخنیوي لپاره پوره چتمووالی لري او چاته به اجازه ورنه کړي چې دغه مراسم ګډوډ وکړي.

د اهل تشیع یو دیني عالم اغا صلاحي وايی چې ټول مسلمانان باید یو بل ته لاس ورکړي او په هره برخه کې د یو بل ملاتړ وکړي.

د یادونې وړ ده، چې اوس هم په افغانستان کې د داعش خراسان ډلې ګواښونه موجود دي او دغه ډله وخته ناوخته شیعه مسلمانان او د محرم او عاشورا مراسم هدف ګرځوي.

نوموړي زیاته کړه، چې تر دې وړاندې هم د بولۍ له لارې د هېواد پر سوداګرو زرګونه قیراطه زمرد پلورل شوي دي.

په پنجشېر ولایت کې د طالبانو د کانونو او پټرولیم ریاست تر دې وړاندې ویلي و، چې دا مهال په دغه ولایت کې د زمردو کان ۲۱ نوې سيمې رامنځته شوې او کان کېندنې پکې روانې دي.

د دغه ریاست په وینا، په پنجشېر کې د زمردو شاوخوا ۶۰۰ شرکتونه رسمي جوازونه لري او په کارونو بوخت دي.

استونیايي رسنیو خبر ور کړی، چې د جون په پیل کې د ناروا سرحدي مامورانو د یوې عادي پلټنې په ترڅ کې ناروا سیند ته څېرمه یو جرمني وګړی او دوه افغان نارینه وموندل، چې د جرمني د استوګنې جوازونه یې لرل.

بهرنیان د سیند تر څنګ له یوې ربړي کښتۍ او کب نیونې وسایلو سره ولاړ وو.

دغو نارینه وو سرحدي ساتونکو ته ویلي چې دوی په استونیا کې د سیلانیانو په توګه اوسیږي او په پام کې لري ژر جرمني ته ستانه شي. د نارینه وو اسناد سم وو او دا، چې دوی هیڅ سرغړونه نه وه کړې د استونیا سرحدي ساتونکو اجازه ورکړې چې خپل فعالیت ته دوام ورکړي.

خو رپوټ وايي، څو اونۍ وروسته پولیسو وموندله چې همدغه کسان په خپل موټر کې بیرته ایډاویروما ته ستانه شوي دي.

د استونیا د سرحدي-مهاجرتي خدماتو کارکوونکو چې د دوی شالید څیړلی و، دا یې موندلې چې دوی «په ټولنیزو رسنیو کې د انسان قاچاق اعلانوي».

پولیسو وروسته دوی نیولي ځکه شک یې درلود چې ممکن استونیا ته د خلکو د غیرقانوني راوستلو پلان لري.

رپوټ وايي، دوو افغان وګړو ته امر وشو چې له استونیا څخه ووځي او د دریو کلونو لپاره یې استونیا ته پر ننوتلو بندیز ولګول شو.

د یادې کمیټې مرستیال میخایل ماتویف له نیوز روسیه سره په یوه مرکه کې ویلي چې په افغانستان کې د اسلامي بنسټپالنې ډیر استازي او د بیلابیلو ترهګرو سازمانونو غړي موجود دي.

ماتویف ټینګار کړی، « زه په افغانستان کې له هیڅ صنعت څخه خبر نه یم. نو بیا د دوی [کارګرانو] وړتیا څه ده؟ زما په اند، که څه هم روسیه د بهرنۍ پالیسۍ د موخو لپاره له افغانستان سره د اړیکو عادي کولو ته څومره لیواله وي، باید له هغه ځای څخه د هر ډول اتباعو په راجلبولو کې احتیاط وشي. که هغه زده کوونکي وي، که کارګران یا هر بل څوک».

د هغه په ​​اند، په روسیه کې د افغانانو د پاتې کیدو خطرونه به د دوی د کار له اقتصادي اغیزو څوچنده زیات وي.

ماتویف وویل: « د افغانانو په بڼه، موږ د افراطي اسلام استازي لرو. بیلابیل سیاسي سازمانونه چې هلته په واک کې دي، بدلیږي، خو ډیری یې په وروستیو کلونو کې، د شوروي سرتیرو له وتلو وروسته، د ترهګرو په توګه په ګوته شوي دي».

هغه د سیمه ییزو متخصصینو پر وړتیاوو هم پوښتنې راپورته کړې او یادونه یې وکړه چې دی «په افغانستان کې د کوم صنعت له شته والي خبر نه دی».

دغه مرستیال ومنله چې روسیه کیدای شي د بهرنۍ پالیسۍ د ځینو موخو لپاره له افغانستان نه د کارګرانو راجلبولو ته زړه ښه کړي خو هغه باور لري چې دلته په احتیاط عمل کول اړین دي.

د جون پر۲۰ مه په افغانستان کې د روسیې د سوداګرۍ مرکز مشر روستم حبیب‌الله‌ د سن پترزبورګ نړیوال اقتصادي فورم په څنډه کې د روسیې د کار وزیر انتون کوتیاکوف او د طالبانو د استازو ترمنځ د لیدنې اعلان وکړ. دوی هوکړه وکړه چې زر تنه کاري افغان کډوال روسیې ته واستوي.

د حبیب‌الله‌ په وینا، شاوخوا ۱۰۰ افغانان لا دمخه په مسکو، سن پترزبورګ او تاتارستان کې د نقاشانو، ویلډینګ کارانو او بریښنایی کارکوونکو په توګه کار کوي او دا شمېر به ۱۰۰۰ تنو ته لوړ شي.

تمه کیږي د متخصصینو نوې ډله چیچنیا، داغستان او کراسنودار سیمې ته لاړه شي او په راتلونکي کې به دونتسک او لوهانسک سیمو ته هم ولېږدول شي.

په ورته وخت کې د روسیې د دوما د کار او ټولنیزې پالیسۍ کمیټې مشر یاروسلاف نیلوف ټینګار کړی چې بهرنی کاري ځواک باید یوازې په هغو صنعتونو کې وکارول شي چې روسان هلته کار نه کوي.