اېلان ماسک د نړۍوالو شخړو په حل کې د ډونالډ ټرمپ رول وستایه
د نړۍ لوی مېلیارډر او د اېکس سپېس شرکت اجراییوي رییس اېلان ماسک په خپلو وروستیو څرګندونو کې د ځینو نړۍوالو شخړو په حل کې د امریکا ولسمشر ډونالډ ټرمپ د رول ستاینه کړې ده.
د نړۍ لوی مېلیارډر او د اېکس سپېس شرکت اجراییوي رییس اېلان ماسک په خپلو وروستیو څرګندونو کې د ځینو نړۍوالو شخړو په حل کې د امریکا ولسمشر ډونالډ ټرمپ د رول ستاینه کړې ده.
هغه د غزې اوربند په تړاو د ټرمپ څرګندونو ته په غبرګون کې لیکلي دي: «حق باید حقدار ته ورکړل شي. ډونالډ ټرمپ په بریالیتوب سره په نړۍ کې ډېری جدي شخړې حل کړې دي.»
دا څرګندونې داسې مهال کېږي چې تر دې مخکې ډونالډ ټرمپ ویلي و چې اسراییل له حماس سره د ۶۰ ورځني اوربند پر شرایطو هوکړه کړې ده. نوموړي له حماس غورځنګ نه هم غوښتي چې دا شرایط ومني. حماس بیا تر اوسه د ټرمپ د دغه وړاندیز په اړه غبرګون نه دی ښودلی.
