روسیه د کاري ځواک د کمښت له امله یو میلیون هندي کارګر ګوماري
اکسپریس خبري اژانس وایي چې د اوکراین جګړې له امله د روسیې په کاري ځواک کې جدي کمښت رامنځته شوی او چارواکي اړ شوي چې یو میلیون هندي کارګر د اقتصادي سکتور د سقوط مخنیوي په موخه وګماري.
اکسپریس خبري اژانس وایي چې د اوکراین جګړې له امله د روسیې په کاري ځواک کې جدي کمښت رامنځته شوی او چارواکي اړ شوي چې یو میلیون هندي کارګر د اقتصادي سکتور د سقوط مخنیوي په موخه وګماري.
په راپور کې راغلي، له ۲۰۲۲کال د فبرورۍ راهیسې روسیې په اوکراین پراخ یرغل پیل کړ،چې ګڼ شمېر روسي کارګر پوځ ته بلل شوي. د جګړې د سختو تلفاتو له امله پوځ د تازه سرتېرو په لټه کې دی، څو د وژل شویو او ټپي شویو سرتېرو ځای ونیسي.
راپور زیاتوي، د ولادیمیر پوتین پوځ په نږدې درې نیمو کلونو کې له یو میلیونه زیاتو تلفاتو (مړو او ټپیانو) سره مخ شوی دی.
د دې وضعیت او د تقاعدونو زیاتوالي له امله، روسیه اوس د کارګرود جدي کمښت سره مخ ده او هڅه کوي له بهرنیو کارګروپه ځانګړي ډول له هند څخه د اړتیا تشه ډکه کړي.
