د امریکايي ځواکونو دوه پخواني افغان ژباړونکي له دغه هېواده د اېستل کېدو له ګواښ سره مخ دي

نوموړي همداراز وویل، په هوټلونو کې ښځینه برخې ته د ډوډۍ وروړلو او نورو اړتیاوو د پوره کولو لپاره باید ښځینه کارکوونکې وګومارل شي.

عبدالحمید حماد په دغې غونډه کې چې د یکشنبې په ورځ (د زمري۱۲مه) جوړه شوې وه، زیاته کړه چې د ودونو او نورو خوښیو پر مهال دې د موسیقي له غږولو او هر ډول نشه یي موادو له کارولو ډډه وشي.

نوموړي یو ځل بیا په ډاګه وویل، ټولو تفریحي پارکونو او په تفریحي ځایونو کې هوټلونو ته د ښځینه وو ورتګ په بشپړ ډول منع دی او له دې وروسته هېڅ ښځینه نه شي کولی، چې تفریحي پارکونو ته ولاړې شي.
د دغه وزارت د پالیسۍ او مسلکي مرستیال بیا په دې غونډه کې وویل، کفار هڅې کوي چې په اسلامي ټولنو کې اسلامي کلتور او حجاب له منځه یوسي او پر ځای یې خپل غربي کلتور دود کړي.

نوموړي همداراز زیاته کړه: «مخنیوی یې زموږ او ستاسې ګډ مسوولیت دی او په کار ده، چې له کفارو څخه د نظامي ازادۍ تر څنګ فرهنګي او عقیدوي ازادي هم واخلو.»

دغه څرګندونې په داسې حال کې مطرح کېږي، چې پر افغانستان د طالبانو له بیا واکمنېدو وروسته یادې ډلې د ښځو پر وړاندې سخت قوانین وضع کړي او د افغان ښځو او نجونو پر وړاندې یې د زده کړو ټولې دروازې بندې کړي دي.

د دې ترڅنګ دغې ډلې د ښځو په کار کولو، له محرم او حجاب پرته په ګرځېدو، سیاسي او ټولنیز مشارکت او تفریحي ځایونو ته په تګ بندیزونه لګولي دي.

که څه هم د طالبانو دغه چاره په کور دننه او بهر کې له سختو غبرګونونو سره مخ شوې ده، خو لا هم دغه ډله په خپل دریځ ولاړه ده.

د یو شمېر راپورونو له مخې، د ښځو د حقونو په اړه د طالبانو خپلمنځي اختلافات ښایي د یوې بشپړې شخړې لامل شي، ځکه د هبت الله د کابینې ډېری لوړپوړي وزیران د ښځو د زده کړو په تړاو د نوموړي له دریځ سره مخالف دي.

د دغې ادارې سرپرست نورالدین ترابي زیاته کړه، افغانستان له اقلیمي بدلونونو سخت اغېزمن شوی او د دوی اساسي لومړیتوب هم د بنسټیزو او وقایوي پروژو پلې کول دي.

ترابي همداراز د بادغیس ولایت د وچکالۍ د اغېزو یادونه وکړه او ویې ویل، چې په دغه ولایت کې ۴۱ کلي د اوبو له زیات کمښت سره مخ دي او باید ژر تر ژره ورته رسېدنه وشي.

له پېښو سره د مبارزې د چمتووالي ملي ادارې د خبرپاڼې له مخې، په دې کتنه کې د کډوالۍ نړۍوال سازمان د عمومي رييس د دفتر ريیس محمد عبديکر وویل، دغه سازمان به د دغې ادارې له لومړیتوبونو ملاتړ ته دوام ورکړي او د هغو د تحقق لپاره به هر اړخیزه هڅه وکړي.

امرالله صالح په خپله اېکس پاڼه کې لیکلي، میرویس عزیزي له ۲۰۲۴ کال راهیسې په افغانستان کې د ۲۱ میلیارده ډالرو په ارزښت د پانګونو ژمنه کړې، خو لا تر اوسه هېچا هم د هغه د ۲۰ میلیونه ډالرو پانګونه نه ده لیدلې او په وینا یې د پانګونې په نوم هېڅ هم نشته.

نوموړي ادعا کړې، که جمهوري نظام پر خپل ځای وای، نو اوس به میرویس عزیزي په زندان کې وای. صالح همداراز ویلي، چې زلمي خلیلزاد د جمهوري نظام د رانسکورولو لپاره ډېر شخصي او رسمي پټ دلیلونه درلودل او یو یې هم د عزیزي ژغورل وو او په وینا یې که چېرې په ريښتیني توګه د عزیزي بانک تفتیش وشي، نو دغه بانک به له افلاس سره مخ شي او په فساد کې به یې د خلیلزاد نقش هم په ډاګه شي.

امرالله صالح همداراز ادعا کړې، چې په تېر نظام کې یې له میرویس عزیزي سره کتلي او په وینا، یې میرویس عزیزي هڅه کوله چې پرې لګېدلي جرمي تورونه پر مدني مواردو بدل کړي، خو هغه د میرویس عزیزي د جرمونو په اړه نور جزییات نه دي ورکړي او په دې اړه یې هم وضاحت نه دی ورکړی، چې په هغه وخت کې چې نوموړی د ولسمشر لومړی مرستیال وو او له داسې یوه کس چې د ده په باور مجرم وو، ولې لیدلي او همداراز ولې یې قانون پرې نه دی عملي کړی.

د ویلو ده، چې د عزیزي ګروپ مشر میرویس عزیزي پرون (شنبه د زمري په ۱۱مه) په کابل کې د ۱۰مېلیارده ډالرو په ارزښت د انرژۍ د تولید یوه هوکړه لاسلیک کړه. هغه د دغې هوکړې د لاسلیکولو پرمهال ویلي، چې د یادې پروژې په پلي کېدو به افغانستان د انرژۍ د تولید له اړخه ځان بسیاینې ته ورسېږي.

د سوداګرۍ او پانګونې خونې مشر سید کریم هاشمي په همدې تړاو جوړو شویو مراسمو کې وویل: «د ترجیحي سوداګرۍ هوکړه‌لیکونو د افغانستان او ازبکستان ترمنځ د سوداګرۍ د ودې لپاره هیلې زیاتې کړي، خو تر هغو چې د ویزو په برخه کې لازمې کونسلي اسانتیاوې برابرې نه شي، سوداګري په رښتیني توګه نه شي پراخېدای.»

په همدې مراسمو کې چې نن (یکشنبه د زمري۱۲مه) په کابل کې جوړه شوې وه، د طالبانو د صنعت او سوداګرۍ وزارت سرپرست نورالدین عزیزي وویل، دوی غواړي چې له ازبکستان سره د سوداګرۍ کچه تر ۳ میلیارده ډالرو لوړه کړي.

له دې سره سم، په کابل کې د ازبکستان سفیر ایبک عثمانوف له کابل سره د تاشکند ژمنو او همکاریو ته په نغوتې سره وویل، د روان کال په لومړۍ نیمایي کې تاشکند ته د کابل صادرات درې برابره زیات شوي دي.

د افغانستان د سوداګرۍ او پانګونې خونې مرستیال محمد یونس مهمند هم وویل، افغانستان باید له ترکمنستان، ازبکستان، ترکیې، قزاقستان او اذربایجان سره د سوداګرۍ په برخه کې یوه سیمه ییزه ګډه خونه ولري.

په افغانستان کې د تېر نظام له رانسکورېدو وروسته ډېریو هېوادونو افغانانو او په ځانګړې توګه افغان سوداګرو ته د ویزې ورکړې بهیر په بشپړ ډول ودراوه او دغه وضعیت بیا د افغان سوداګرو پر کاروبار منفي اغېز وکړ.

سوداګر له نږدې څلورو کلونو راهیسې له طالبانو او اړوندو هېوادونو غواړي، چې د ویزې په برخه کې له دوی سره همکاري وکړي څو په خپله په نندارتونونو او همداراز سوداګریزو چارو کې ښکېل واوسي، خو داسې ښکاري چې لا تر اوسه دغې غوښتنې ته هېڅ لوري پرېکنده مثبت ځواب نه دی ویلی.

د طالبانو تر واک لاندې د باختر خبري اژانس د خبر له مخې، د یادې فابریکې له فعالیت سره، نه یوازې د بازار اړتیاوې پوره کېږي، بلکې لسګونو کسانو ته د کار زمینه هم برابره شوې ده.