د بريټانیا کډوالۍ اداره: ډیری نوی راغلي کډوال د افغانستان، ارتیره او ایران دي
د بريټانیا د کډوالۍ ادارې په یوه تازه راپور کې ویلي، چې له «جولای ۲۰۲۴تر جون » پورې دغه هېواد ته ډیری راغلي کډوال د افغانستان، اریتره او ایران څخه ورغلي دي.
د بريټانیا د کډوالۍ ادارې په یوه تازه راپور کې ویلي، چې له «جولای ۲۰۲۴تر جون » پورې دغه هېواد ته ډیری راغلي کډوال د افغانستان، اریتره او ایران څخه ورغلي دي.
د رويټرز خبري اژانس د راپور له مخې، په دې موده کې د پناه غوښتونکو شمېر «۱۱۱زرو»ته رسېدلی، چې د تېر کال په پرتله «۱۴سلنه زیاتوالی» ښيي او دا د بریتانیا په تاریخ کې تر ټولو لوړ شمېر بلل شوی. دغه شمېر حتی د ۲۰۰۲کال ریکارډ هم مات کړی دی.
د راپور پر بنسټ، د ډېری پناه غوښتونکو د راتللو لاره د مانیښ تنګی اود کوچنيو کښتیو له لارې راغلي دي، چې په بریتانیا کې د سیاسي او ټولنیزو بحثونو د تودېدو اصلي لامل ګرځېدلی.
اوس مهال، د جون تر پایه شاوخوا «۳۲زره پناه غوښتونکي»د بریتانیا په هوټلونو کې ځای پر ځای شوي، چې د تېر کال په پرتله «۸سلنه زیاتوالی»ښيي، خو د ۲۰۲۳د سپتمبر د اوج (۵۶زره کسانو) په پرتله کم دی.
په همدې حال کې، یوازې په روان کال کې د کښتیو له لارې د راغلو کسانو شمېر له «۲۷زرو»واوښت، او د ۲۰۱۸څخه تر اوسه نږدې «۱۶۰زره کسان»د همدې لارې بریتانیا ته ننوتي، چې له هغوی یوازې «۴سلنه بېرته استول شوي»دي.
د دغو شمیرو خپرېدو د بریتانیا پر نوي حکومت، چې مشري یې «کېیر سټارمر»کوي، سیاسي فشارونه زیات کړي دي.
د اپوزیسیون ګوندونه وايي، د کارګر ګوند ژمنې د کډوالود کمولو په اړه نه دي عملي شوي او هېواد د یوې جدي کډوالۍ ستونزې سره مخ دی.
د بریتانیا د کورنیو چارو وزیره ایوټ کوپر،ویلي چې نوی حکومت د بېرته ستنول شویو پناه غوښتونکو کچه «۳۰سلنه لوړه کړې»او هڅه کوي د پولو د کنټرول لپاره نوي اقدامات پلي کړي.
