ذبیح الله مجاهد وايي د خبریالانو او رسنیو پر وړاندې د شته ستونزو اوارولو هڅه کوي
د طالبانو ویاند د افغان خبریالانو خوندیتوب کمېټې مسوولانو سره په لیدنه کې ویلي، چې هڅه به وکړي د افغان خبریالانو او رسنیو پر وړاندې شته ستونزې اوارې کړي.
د طالبانو ویاند د افغان خبریالانو خوندیتوب کمېټې مسوولانو سره په لیدنه کې ویلي، چې هڅه به وکړي د افغان خبریالانو او رسنیو پر وړاندې شته ستونزې اوارې کړي.
د افغانستان د خبریالانو د خوندیتوب کمیټې نن یکشنبه د «وږي ۹مه» وویل، چې په دې ناسته کې په افغانستان کې د رسنیو پر عمومي وضعیت، د رسنیو او خبریالانو پر وړاندې په پرتو ستونزو، کره اطلاعاتو ته د خبریالانو پر لاسرسي، د خبریالانو خوندیتوب او یو شمېر نورو مواردو خبرې اترې وشوې.
دې کمیټې ددې کتنې د بحث جزئیات نه دي خپاره کړي.
د طالبانو له بیا ځلي واکمنېدو راهیسې سلګونه خبریالانو او د رسنیو کارکوونکو د طالبانو د بندیزونو او محدودیتونو له امله هېواد پرېیښی، چې په دې لړ کې لسګونه خبریالان او د رسنیو کارکوونکي په ګاونډیو هېوادونو کې په دې تمه شپې او ورځې تېروي چې، اروپایي او امریکایي هېوادونو کې یې د پناه غوښتنې دوسیې ومنل شي.
د طالبانو استخباراتو په وار، وار خبریالان نیولي، ځورولي او شکنجه کړي دي.
