د بندیزونو دوام؛طالبانو له خلکو غوښتي چې د کورنیو له ښځینه غړو دې ځیرک موبایلونه راټول کړي

راپور راغلي، اټکل کېږي چې په تېرو څلورو کلونو کې تر ۵زرو ډېرې نجوني په زور واده شوي وي.

د راپور له مخې، د بشري حقونو سازمانونه او ملګري ملتونه خبرداری ورکوي، چې د نجونو پر زده‌کړو بندیز کورنی تاوتریخوالی، بې‌وزلي، ځان وژنې، جبري ودونه او په نړۍوال ډګر کې د افغانستان سیاسي انزوا ډېروي.

د یونیسف او نړۍوال بانک د وروستیو ارزونو پر بنسټ، د طالبانو تر دوېیمې واکمنۍ وروسته تر یوه مېلیون ډېرې نجوني له زده کړو څخه پاتې دي.

دغه طالب چارواکي د شمشاد په نوم کابل کې فعالې یوې خصوصي ټلوېزیوني شبکې سره په مرکه کې ویلي چې ګاونډیان په ځانګړې توګه پاکستان د افغانستان له بې وسۍ د سیاسي الې په توګه استفاده کوي.

نوموړي زیاته کړې: «د افغانستان په ځینو مهمو برخو کې د ګاونډیانو له لوري مفلوج پاتې شوی دی، پاکستان کله لاره خلاصه او کله یې بنده کړي چې له کبله یې زموږ ډیری هېوادوال چې په کور دننه یې درمنله ناشوني وي له ننګونو سره مخ وي او دا د دوی لپاره یوه لویه سیاسي حربه ده».

دغه طالب چارواکي همدا راز ویلي هڅه کیږي چې افغانستان تر راتلونکي یوه کاله د عامې روغتیا په مهمو برخو کې د پام وړ پرمختګونه وکړي او ځان بسیاینې ته نږدې شي. هم مهاله د افغانستان د روغتیایي سېسټم اړوند د ګڼو ننګوونو او ستونزو راپورونه هم ورکول کېږي.

په دې وروستیو کې د روغتیا نړۍوالو سازمان په ګډون یو شمېر نړۍوالو مرستندویه ادارو ویلي چې د افغانستان روغتیایي سکتور اوس د محدودو مرستو په ځانګړي ډول د امریکا متحده ایالتونو د پراختیایي مرستو په کمېدو سره د ګړنګ پر غاړه ولاړ دی. د راپورونو له مخې، د دغو مرستو د کموالي له کبله د مور او ماشوم د مړینې په کچه کې هم کموالی راغلی دی.

په راپور کې د امریکا د بشري مرستو ناوړه پایلو ته په اشارې سره ویل شوي چې اوس په دې برخه کې د کوم پرمختګ نښه نه لیدل کیږي؛ نو ځکه په کاره ده چې اروپايي او سیمه ییز هېوادونه لاس په کار شي.

یادې ډلې ویلي چې مرسته کوونکي هېوادونه باید د هغو حقوقي او سیاسي محدودیتونو د نرمښت په برخه کې ګامونه پورته کړي چې د افغانستان د اقتصادي ودې مخه یې نیولې ده.

د راپور له مخې، د بنسټیزو خدمتونو دوام، د کارموندنې د فرصتونو رامنځته کول، د سوداګرۍ او پانګونې پر وړاندې د شته ننګونو له‌منځه وړل او د لویو بنسټیزو پروژو تطبیق کولای شي په افغانستان کې د مخ پر زیاتېدونکي فقر کچه راکمه کړي.

افغانستان په نړۍ کې د هغو هېوادونو په کتار کې دی چې د فقر او بې وزلۍ کچه په‌کې ورځ تربلې مخ پر زیاتېدو ده.

د طالبانو پورې تړلې یوې ویب پاڼې المرصاد په راپور کې راغلي، چې د داعش خراسان ډلې مشر حسن د کراچۍ په ښار کې وژل شوی دی. خلیلزاد لیکي: «حسن څومره مهم و، په کراچۍ کې یې څه کار کاوه او چا وواژه؟»

هغه پر خپله اېکس پاڼه د حسن په اړه د المرصاد راپور شریک کړی او په تایید یې خپلې پوښتنې ورسره یو ځای کړي دي.

که څه هم خلیلزاد ښکاره پاکستان د داعش خراسان ډلې په ملاتړ نه دی تورن کړی، خو د المرصاد راپور او کنایه ډوله پوښتنو یې داسې ښکاري، چې هغه د پاکستان ملاتړ ته اشاره کوي.

المرصاد لیکلي، د حسن وژل په کراچۍ کې دا روښانه کوي، چې دا ښار د داعش خراسان ډلې لپاره د جذب، موقتي پټنځایونو او استخباراتي روزنې مرکز دی.

دغه لوبه بیګاه د متحده عربې اماراتو په شارجې لوبغالي کې وشوه چې بنګله دېش په دوو ویکټو سره بریا خپله کړه. افغانستان لومړی توپ وهنه وکړه او په ۲۰ اورونو کې یې ۱۴۷ منډې جوړې کړې، چې پکې ابراهیم ځدران د ۳۸ او رحمان‌الله ګربز د ۳۰ منډو سره مخکښ توپ وهونکي وو.

بنګله‌دېش ټاکل شوی هدف په ۲۰م اور کې پوره او د شل اوریزو د ۳ لوبو سریز کې یې دوه هغه په خپل نوم کړې.

د افغانستان بیګانۍ ماتې د کرېکټ ګڼ مینه‌وال او یو شمېر څارونکي او مبصرین غوسه کړي دي.

ګڼو افغانانو په ټولنیزو رسنیو کې د افغان ټیم د پرله‌سې ماتې د لاملونو په اړه تبصرې او پوسټونه کړي دي.

دوی وايي، د تمې خلاف افغان ټیم په عربي متحده امارتو کې د ناسم مدیریت له کبله ښه نه دی ځلېدلی دی.د کرېکټ څارونکي او مبصرین هم د ورته ستونزې په یادولو سره وايي چې افغان ټیم دا مهال د رهبرۍ له جدي ستونزې سره مخامخ دی.

د کرېکټ پر لوبو نظر لرونکی سمیع الله هلال په خبره، د راشد خان په وړتیا کې هیڅ شک نشته خو په وروستیو لوبو کې ولېدل شو چې د لوبغاړو په لوبولو کې جدي ستونزې لري. هغه زیاته کړه: هغه افغانستان انټرنشنل ته وویل: «زه فکر کوم د پرله‌پسې ماتې د لاملونو پړه بیخي ډېره په راشد خان چې زموږ ستوری لوبغاړی دی راځي، ځکه ټولې ټولنیزې لوبې د یوه کس په ښې لوبې نه ګټل کیږي، راشد خان به ښه لوبه کوي خو تر هغې چې خپل ټیم ښه مدیرت نه کړي د لوبو ګټل ستونزمن دي».

نوموړی وايي، د افغانستان کرېکټ بورډ او د غوراوي کمېټې ځینې ځوان لوبغاړي په نوملړ کې شامل کړي؛ خو بیا هم په منظم ډول د لوبېدو موقعه نه ورکول کېږي.

د افغانستان کرېکټ بورډ له وړاندې د دغه لوبلړۍ لپاره د حشمت الله شهیدي او راشدخان په مشرۍ لوبډلې اعلان کړې دي. په لوبډلو کې هڅه شوې، چې د پخوانیو لوبغاړو سربېره ځینو ځوانو لوبغاړو ته هم چانس ورکړل شي.

وړاندې د کرېکټ بورډ اجرایوي مشر نصیب خان ویلي و، چې له بنګه‌دېش سره کېدونکې لوبلړۍ د نړۍوال جام لپاره د بشپړ چمتووالي برخه ده. نوموړي ویلي و، که څه هم افغان لوبډلې په اسیا جام کې د تمې خلاف ښې لوبې ونه‌کړې؛ خو هیله یې ښودلې وه چې له بنګله‌دېش سره به په لوبو کې ښه وځلیږي.

د افغانستان د کرېکټ بورډ ادارې د معلوماتو له مخې؛ افغان لوبډله به خپله درېیمه لوبه د اکټوبر په ۵مه ترسره کړي. د یادې ادارې په وینا؛ درې یو ورځنۍ لوبې به د همدې میاشتې په ۸مه، ۱۱مه او ۱۴مه نېټه ترسره شي.