بلجیم له طالبانو سره د افغان «مجرمو» کډوالو د اېستلو په اړه خبرې کوي

حلیم فدایي نن شنبه د (تلې ۱۲مه) په اېکس‌پاڼې لیکلی، چې طالبانو له خپلې لومړۍ دورې تر ننه، د امریکا نږدې ټولې پروژې په بریالیتوب عملي کړې دي.

فدايي په دې باور دی چې طالبان له دې وېره لري چې که اړیکې له امریکا سره ښکاره شي، نو د دوی په منځ کې به اختلاف رامنځته شي او له همدې امله یې دا اړېکې پټې ساتلې دي.

نوموړي لیکلی:«په هغو روایتونو او شعارونو چې طالبانو پرې ځوانان جنګ ته هڅولي، اوس د دوی لپاره ستونزمنه ده چې په ښکاره د امریکا ترڅنګ ودرېږي.»

فدايي همدراز زیاتوي چې د همدې لپاره طالبان د اصلاحاتو او د بدلونونو لپاره تل له امریکا او نړۍ څخه د وخت او مهلت غوښتنه کوي.

دا څرګندونې په داسې کې کېږي، چې په وروستیو کې د امریکا له خوا د بګرام اډې نیولو او یا هم ددې اډې پر سر د معاملې په اړه خبرونه خپاره شوي دي، خو تېره ورځ دوه امریکايي سرچینو افغانستان انټرنشنل ته وویل چې تراوسه پورې د بګرام د اډې په اړه کومه پرېکړه نه ده شوې.

د طالبانو د کورنیو چارو وزارت یو رسمي سند چې د روان کال د (وري ۱۱مه) افغانستان انټرنشنل ترلاسه کړی و،څرګندوله چې دغه ډله غواړي رنجر موټر په ټویټا موټرو بدل کړي. په سند کې ویل شوي و، چې د تبادلې لپاره سروې او ټول معلومات باید راټول شي او د کورنیو چارو وزارت د معینانو په حضور کې مشرتابه ته وړاندې شي.

ترلاسه شوی سند د ۱۴۴۶ قمري کال د لسمې میاشتې پر ۱۱ مه نېټه د سراج الدین حقاني د دفتر رییس مولوي زین الله عابر له خوا لاسلیک شوی دی.

دا پرېکړه، د طالبانو معینانو، لویو رییسانو، د معینانو د دفتر رییسانو او مشاورینو په یوه ناسته کې شوې وه.

د طالبانو کورنیو چارو وزارت کې سرچینو افغانستان انټرنشنل ته ویلی و، چې دا پرېکړه د لګښتونو د کمولو په موخه شوې ده.

سرچینې ویلي و:« رینجر موټر زیات تېل مصرفوي او ددې رینجرو پرزو بیه هم لوړه ده، نو د مصارفو کمولو په موخه دا پرېکړه شوې ده.»

د طالبانو سرچینو په خبره، څه موده وړاندې شاوخوا ۳۰۰ هایلیکس او کرولا ډوله موټر هم ددې ډلې په کورنیو چارو وزارت کې پر ځینو مسوولینو وېشل شوي دي.

په ترلاسه شوي سند کې د کورنیو چارو وزارت د تامیناتي او تدارکاتي برخې د بودجې په هکله هم پرېکړه شوې ده.

په دې مکتوب کې لیکل شوي، چې د طالبانو کورنیو چارو وزارت د صلاحیت سقف دې له پنځه دېرش میلیونه افغانۍ نه پورته کیږي.

دمکتوب کې په پای کې لیکل شوي چې د کورنیو چارو وزارت د تامیناتي چارو معینیت ته دنده سپارل شوې، څو په دې اړه د مشرتابه عالي مقام ته وړاندیزونه تیار کړي. همداراز ویل شوي، کله چې د رینجر موټرو د تبادلې راپور د منظورۍ لپاره مشرتابه ته وړاندې کېږي، نو پورته یاد شوي وړاندیزونه دې هم ورسره یوځای شي.

محمد حنیف حقمل نن شنبه د (تلې ۱۲مه ) د طالبانو تر واک لاندې باختر اژانس ته ویلي، چې سږني حاصلات نه یوازې د تېر په پرتله زیات شوي؛ بلکې د کیفیت له پلوه هم لوړ دي، ځکه چې له نباتي ناروغیو او افتونو څخه پاک دي.

نوموړي زیاته کړې، چې دا حاصلات به له ارغنداب، ژړۍ، شاولي ‌کوټ، ډنډ، پنجوايي، دامان، ارغستان او میوند ولسوالیو څخه راټول کړل شي.

د هغه په وینا، سږ کال د انارو د صادراتو لړۍ هم پیاوړې شوې او دا مېوه به نه یوازې هند او پاکستان بلکې دوبۍ، امریکا او یو شمېر نورو اروپايي هېوادونو ته هم صادره شي.

خبرپاڼه کې راغلي چې مولوي کبیر له ځنډ پرته د افغان کډوالو پر وړاندې د ناسم چلند د مخینوي سپارښتنه کړې ده. د طالبانو یاد وزارت همدا راز ویلي چې د افغانستان او پاکستان ترمنځ شته ستونزې باید د خبرو اترو او تفاهم له لارې حل شي.

د خبرپاڼې په ټکو د دوی د رژیم لمن پراخه ده او غوره بولي چې ستونزې د تفاهم له لارې حل شي.

دا په داسې حال کې چې په وروستیو کې د کډوالو او ځینو نورو موضوعاتو پر سر د طالبانو او پاکستان اړیکې خړې پړې شوي دي.

په خبرپاڼه کې همدا راز راغلي چې په دې تړاو به د راتلونکې پنج‌شنبې په ورځ یو پرېکړه لیک هم عمومي رایه اچونې ته وړاندې شي.

په خبرپاڼه کې راغلی چې په قومي او مذهبي لږه کیو او مېرمنو د طالبانو له لوري لګول شوي محدیتونه او پر وړاندې سخت دریځه سیاستونه د دې لامل شوي چې د څه باندې څلور کلونو په تېرو هم طالبان نړیوال مشروعیت ترلاسه نه کړي.

په خبرپاڼه کې همدا شان په افغانستان کې د انټرنېټ بندېدو ته په اشارې سره ویل شوي چې طالبانو د خپلو محدیتونو په لړ کې تازه د اخلافي فساد د مخنیوي په پلمه انټرنیټي خدمتونه د لنډې مودې لپاره پرې کړل چې د خلکو په ژوند یې منفي اغیز پرېښود.