په خوست کې د صنعتي پارک د جوړېدو چارې پيل شوې

میاخیل زیاتوي، اسلام‌اباد د خپلو سیاسي او امنیتي ستونزو د حل پر ځای د پلمو جوړولو او پر افغانستان د دروغو تورونو لاره خپله کړې ده.

شاه محمود میاخیل پر فیسبوک‌پاڼه لیکلي پاکستان د «ترهګرۍ پر ضد جګړې» پر مهال له امریکا سره دا ژمنه کړې وه چې د خپلو پولو دننه د ترهګرۍ پر ضد مبارزه کوي، خو د وړتیا او سرچینو له کمښت سره مخ دی.

هغه زیاته کړې، دغه هېواد د سړې جګړې او د ترهګرۍ پر ضد جګړې دواړو پر مهال له پراخو امریکایي مرستو برخمن شو، خو اوس چې دا ملاتړ کم شوی، د هماغو ډلو له ګواښ سره مخ دی چې پخپله یې رامنځته کړې وې.

میاخیل ویلي، پاکستان اوس د تحریک طالبان پاکستان(ټي ټي پي)، داعش خراسان او لشکر طیبه په څېر ډلو له خطر سره مخ دی، هغه ډلې چې د اسلام‌اباد د پخوانیو ستراتیژیو زېږنده دي.

هغه په خپلو څرګندونو کې د پاکستان دننه د سیاست، اقتصاد او امنیت ګډوډ وضعیت ته هم اشاره کړې او ویلي یې دي چې د اسلام‌اباد مشرتابه د دې پر ځای چې خپل کورني بحرانونه حل کړي، هڅه کوي د عامو خلکو پام له ستونزو واړوي او د افغانستان پر ضد جعلي ادعاوې خپرې کړي.

میاخیل ټینګار کړی، د تحریک طالبان پاکستان مرکزونه د ډیورنډ کرښې په هغه غاړه دي چې د پاکستان تر کنټرول لاندې ده، نه د افغانستان په خاوره کې، خو اسلام‌اباد هڅه کوي خپله ناکامي پر ګاونډي هېواد ور واچوي.

د یاد وزارت د خبرپاڼې له مخې، دا هوکړه ‌لیکونه د افغانستان او قزاقستان د ۱۵ خصوصي شرکتونو ترمنځ د مخامخ سوداګریزو ناستو په ترڅ کې لاسلیک شوي چې پکې د نفتو، اوړو، غنمو، خوراکي توکو، ترانسپورټ، د مینځلو مواد، ماکاروني او ګډو پانګونو برخې شاملې دي.

د خبرپاڼې له مخې، د صنعت او سوداګرۍ وزیر نورالدین عزیزي، چې د دې ناستې مشري یې کوله، ویلي افغانستان د اوسني ثبات او د پانګه‌والو لپاره د برابر شویو اسانتیاوو په رڼا کې د سیمه‌ییزو هېوادونو له خصوصي سکتور سره د پراخو همکاریو لپاره چمتو دی.

په خبرپاڼه کې همدا راز راغلي چې، د قزاقستان چارواکو د افغان پلاوي هرکلی کړی او د دواړو هېوادونو ترمنځ د اقتصادي اړیکو د پیاوړتیا، د ترانسپورټي دهلیزونو د پراختیا او د سوداګرو د تګ راتګ د اسانتیا لپاره یې ژمنه څرګنده کړې ده.

د خبرپاڼې له مخې، د افغان–قزاق سوداګریزې ناستې پخوا هم د قزاقستان په استانه او الماتي ښارونو کې ترسره شوې وې، خو دا ځل د افغانستان د صنعت او سوداګرۍ وزیر د رسمي سفر په ترڅ کې شیمکنت ښار ته ځانګړې شوې وه، څو د دواړو هېوادونو ترمنځ د اوږدمهاله اقتصادي همکاریو لپاره عملي ګامونه واخیستل شي.

د پاکستان د پنجاب ایالت د حکومت د رسنیو دفتر نن سې‌شنبه، د لړم پر ۶مه، پر اېکس‌ پاڼه لیکلي چې د ایالت سر وزیرې مریم نواز نن د یوې امنیتي ناستې مشري کړې ده.

د په ناسته کې مریم نواز اړوندو ادارو ته امر کړی چې د ایالت په کچه د ټولو بهرنیانو، په ځانګړي ډول د افغان اتباعو، د پېژندنې او معلومولو لپاره ځانګړی پروګرام عملي کړي.

نواز وویل:«د افغان کډوالو د معلومولو لپاره پرمختللې ټیکنالوژي کاروو.»

مریم نواز ویلي، هغه افغانان چې د سفر پر ویزه د کار لپاره پنجاب ایالت کې کار کوي باید مخه یې ونیول شي.

دا لومړی ځل دی، چې د پاکستان پنجاب حکومت د افغان کډوالو پر ضد دا پرېکړه کوي.

د ایران د تسنیم خبري اژانس د راپور له مخې د ایران ولسمشر مسعود بزشکیان ټینګار کړی، چې اوس تر بل هر وخت زیات، مسلمان هېوادونه اړتیا لري چې یووالی او ورورګلوي وساتي او د ګډو دښمنانو په وړاندې ودریږي.

بزشکیان وویل:«موږ باور لرو چې د تاوتریخوالي کمولو او د هر ډول شخړې څخه د مخنیوي لپاره باید هڅې وشي.»

د پاکستان د کورنیو چارو وزیر محسن نقوي ترهګري او د غیرقانوني کډوالو مسله د ایران او پاکستان ګډې اندیښنې ګڼلې او ویلي یې دي چې په دې برخو کې د دواړو هېوادونو ترمنځ همکارۍ ګټورې پایلې ترلاسه کړې دي.

نقوي په استانبول کې د طالبانو او پاکستان د پلاوي ترمنځ خبرې اترې هم "مثتې" وبللې او زیاته یې کړه چې "موږ د خبرو اترو له لارې د اختلافاتو سوله ایز حل غواړو."

د پاکستان د کورنیو چارو وزیر وویل؛ "موږ باید د سیمې د هېوادونو ترمنځ د تاوتریخوالي د زیاتوالي اجازه ورنکړو."

دغه لوړ پوړي پاکستاني چارواکي د خبرو اترو له لارې د اختلافاتو د حل کولو پر اړتیا ټینګار وکړ.

په استانبول کې د طالبانو او پاکستاني پلاوي ترمنځ د اوږدمهاله اوربند د ترلاسه کولو لپاره په دریېمه ورځ هم خبرې اترې په ټپه ولاړې دي.

پاکستان د ټي ټي پي د کنټرول لپاره د افغان طالبانو همکاري غوښتې ده خو طالبانو تر اوسه د اسلام اباد د غوښتنې په ځواب کې هېڅ انعطاف نه دی ښودلی.

د طالبانو د کورنیو چارو وزارت مرستیال محمد نبي عمري نن سې شنبه، د لړم۶مه، په خوست کې یوې غونډې ته د وینا پرمهال وویل، چې د دوی پالیسي دا ده، چې د بهرنیو او ګاونډي هېوادونو په چارو کې هېڅ مداخله نه کوي او نه هم خپلخ خاوره د کوم هېواد پرضد کاروي.

هغه وویل:« هېچاسره جنګ نه غواړو او نه هم مشکلات غواړو نه د خارجیانو او نه هم ګاونډیانو سره.»

محمد نبي عمري خبردارې ورکړې چې که جګړه پر دوی تحمیل شي، نو د خپل وطن، دین او ناموس د دفاع لپاره به هماغسې وجنګېږي لکه څنګه چې تر دې وړاندې یې په تېرو شلو کالونو کې د امریکا پر وړاندې جګړه کړې او څوارلس کاله یې د روسانو پر وړاندې مقاومت کړی و.

د طالبانو او پاکستان ترمنځ له جګړې وروسته دا څویم ځل دی، چې د طالبانو د کورنیو چارو وزارت مرستیال محمد نبي عمري د افغانستان حریم نقض کېدو او احتمالي جګړو په اړه څرګندونې کوي.

له دې وړاندې محمد نبي عمري د طالبانو او پاکستان ترمنځ د وروستیو نښتو په اړه ویلي و، چې پاکستان یرغل ګر دی او باید د عقل څخه کار واخلي.

نوموړي دا هم ویلي و، چې پاکستان د تحریک طالبان پاکستان شرعي او منطقي غوښتنې نه مني.