د امریکا ولسمشر خواشیني ښودلې، چې د اساسي قانون له مخې د درېيم ځل لپاره ولسمشرۍ ته د نوماندۍ اجازه نه لري. هغه د چارشنبې په ورځ له خبریالانو سره په خبرو کې وویل: «که تاسې دا ولولئ، ډېره څرګنده ده. زه اجازه نه لرم چې بيا نوماند شم. دا ډېره بده ده.»
د امريکا د اساسي قانون د ۲۲مې مادې له مخې ولسمشران يوازې کولی شي دوه دورې ځان نوماند کړي اوټرمپ خپله دويمه دوره په جنورۍ کې پيل کړې ده.
د دغه قانون بدلون د يوې نوې مادې له لارې يو اوږد بهير دی چې د ايالتونو او کانګرس د رايو ملاتړ ته اړتيا لري.
تېره اونۍ د ټرمپ پخواني ستراتيژيک سلاکار سټیو بنن ويلي وو چې يو «پلان» تيارېږي څو ډاډ ترلاسه شي چې ۷۹ کلن ټرمپ يو ځل بيا ځان نوماند کړای شي.
د استازو د خونې ریيس مايك جانسن د سې شنبې په ورځ وويل چې هغه له ټرمپ سره په دې اړه خبرې کړې دي او دې پایلې ته رسېدلی چې ولسمشر د سپينې ماڼۍ په څوکۍ د درېیم ځل لپاره ځان نه شي نوماند کولی.
جانسن زياته کړه: «دا يو ډېر ښه مزل و، خو زه فکر کوم ولسمشر پوهېږي او موږ دواړو د اساسي قانون د محدوديتونو په اړه خبرې کړې دي.»
ټرمپ ونهغوښتل چې خپلې خبرې له جانسن سره په بشپړ ډول تشريح کړي، خو د درېيمې دورې د بنديز په اړه يې څرګندونې يو څه نرمې وې.
هغه وويل: «د هغه څه پر بنسټ چې ما لوستي، ښايي زه اجازه ونهلرم چې بيا نوماند شم. نو ګورو چې څه پېښېږي.»
د هغه د ملاتړو تر منځ يوه نظريه دا ده چې مرستيال ولسمشر جې. ډي. ونس به په ۲۰۲۸ کال کې د ولسمشرۍ لپاره ځان نوماند کړي او ټرمپ به ورسره په يوه ګډ ټکټ کې وي.
کله چې له ټرمپ څخه وپوښتل شول چې ايا داسې تګلاره به غوره کړي چې د مرستيال ولسمشر په توګه ځان نوماند کړي او بيا ولسمشر شي، نو ده وويل دا نظر «ډېر هوښيار خو بېځايه» دی.
هغه وويل: «هو، د قانون له مخې دا به ممکنه وي، خو زه به دا کار ونهکړم.»
د رویټرز خبري اژانس د راپور لهمخې، له دغو عملیاتو وروسته د جنايي ډلو اړوند ۸۱ کسان نیول شوي او د ۲۵۰ نورو د نیولو په موخه پلټنې روانې دي.
د ریو دو ژانیرو ښار معمولاً له نړۍوالو غونډو مخکې د جنايي ډلو پر وړاندې عملیات کوي. دغه ښار تر دې مخکې په ۲۰۱۶ کال کې د المپیک د ۲۰ډلې غونډې او همداراز په ۲۰۲۴ کال کې د برېکس غونډې کوربه وو.
په دغه ښار کې به راتلونکې اوونۍ د اقلیم بدلون په تړاو د ښاروالانو یا C40 نړۍواله غونډه او همداراز د پرنس ویلیام د ارثشات جایزې ورکړې مراسم د نړۍوالو څېرو په حضور سره ترسره شي.
دغه پروګرامونه هم د کاپ۳۰ غونډې مخکې مقدماتي مراسم دي، چې د بلم امازوني ښار کې د نومبر په لسمه پیلېږي او ۱۱ ورځې به دوام وکړي.