افغانستان په لومړۍ شل اوریزه سیالي کې زمبابوې ته ماته ورکړه
د افغانستان کرېکټ ملي لوبډلې د زمبابوې پر وړاندې په لومړۍ شل اوریزه نړیواله لوبه کې د ۵۳ منډو په توپیر بریا خپله کړه.
د افغانستان کرېکټ ملي لوبډلې د زمبابوې پر وړاندې په لومړۍ شل اوریزه نړیواله لوبه کې د ۵۳ منډو په توپیر بریا خپله کړه.
په دې سیالۍ کې، افغان لوبډلې د پچې (ټاس) له ګټلو وروسته لومړی توپوهنه وکړه او د راشد خان تر مشرۍ لاندې د ۲۰ اورونو په بشپړولو سره یې د ۱۸۱ منډو هدف وټاکه.
د افغان توپ اچوونکو له ډلې مجیبالرحمن، عظمتالله عمرزي او عبدالله احمدزي د غوره توپ اچونې په مټ د سیالې لوبډلې توپوهنه وځپله او زمبابوې کرېکټ لوبډله یې په ۱۲۷ منډو اوټ کړه.
د شمالي اروپا د بدن ښکلا سیالۍ چې د سویډن په «الینګسوس» ښار کې ترسره شوې، پهکې افغان ورزشکار بسمالله مرداني هم برخه اخیستې وه. بسمالله چې دا مهال په فنلنډ کې اوسېږي او د فنلنډ د بدن ښکلا د ملي لوبډلې غړی هم دی، په دغه سیالیو کې ښه ځلېدلی دی.
نوموړي د بدن ښکلا په سیالیو کې درېیم او د کلاسیک فزیک په سیالیو کې لومړی مقام ګټلی دی. دغه سیالۍ د روانې اکټوبر میاشتې په وروستیو کې وشوې، چې د بېلابېلو هېوادونو ورزشکارانو پهکې برخه اخیستې وه.
بسمالله مرداني تر دې وړاندې په تلې میاشت کې هم د بدن ښکلا په سیالیو کې د سرو زرو دوه مډالونه ترلاسه کړي وو. ټاکل شوې، چې دغه ۲۷ کلن افغان ورزشکار دوه اوونۍ وروسته په هسپانیا کې د بدن ښکلا په نړۍوالو سیالیو کې د فنلنډ ملي لوبډلې په استازیتوب ګډون وکړي.
نوموړی له لسو کلونو راهیسې په فنلنډ کې ژوند کوي او له ۲۰۱۷کال راهیسې په مسلکي توګه د بدن ښکلا ورزش کوي.
د افغانستان د ۱۷ کلنو فوټسال ملي لوبډلې د تایلنډ پر وړاندې په یوې زړه پورې سیالۍ کې په ۹–۱ بریا سره د ۲۰۲۵ کال د اسیايي ځوانانو لوبو پایلوبې ته لاره وموندله.
دغه بریا نه یوازې د افغانستان لوبډله پایلوبې ته ورسوله، بلکې لږ تر لږه د نقرې مډال ګټل یې هم یقیني کړل.
د افغانستان د ۱۷ کلنو فوټسال ملي لوبډله به د پایلوبې په پړاو کې د همدې اوونۍ د پنجشنبې په ورځ د ایران پر وړاندې میدان ته ښکته شي.
افغان لوبغاړو تر دې دمه د ازبکستان، بحرین (د کوربه هېواد)، چین او ټایلنډ لوبډلې ماتې کړې دي او د هېواد د سپورټ مینهوال هیلهمن دي چې افغان ځوانان به د سرو زرو مډال هم ترلاسه کړي.
د افغانستان ورزشکارانو د ایران په ګیلان ولایت کې د پاهایوت نړۍوال جام په رزمي سیالیو کې دوه د اتلولۍ کمربندونه، دوه د سرو زرو، درې د سپینو او یو د برونزو مډالونه ګټلي دي. دغه سیالۍ د روانې (لړم میاشتې په ۳مه) نېټه پیل شوې، چې له ۹ هېوادونو پهکې ۶۰ لوبغاړو برخه اخیستې ده.
په دغه سیالیو کې د افغانستان په استازولۍ شپږو لوبغاړو برخه اخیستې ده. محمد سلیم د ۵۷ کیلو وزن په کټګورۍ کې او سبحان تاجک د ۵۱ کیلو په وزن کې د اتلولۍ کمربندونه، نوراقا حسیني، میلاد افغان او امینالله صافي درې واړو د سپینو زرو مډالونه وګټل او روحالله محمدي بیا د برونز مډال ګټلی دی.
په ټیمي برخه کې ایران د اتلولۍ مقام وګاټه، عراق دویم او افغانستان بیا درېیم شو.
همدارنګه افغان لوبڅار فیصل احمد صادقي ته د لوبو د تنظیموونکو لهخوا د یادو سیالیو د غوره لوبڅار لقب ورکړل شو.
د افغانستان د والیبال ملي لوبډلې د مرکزي اسیا د والیبال سیالیو په پنځمه لوبه کې کوربه لوبډلې بنګلهدېش ته ماتې ورکړه. د هېواد د والیبال ملي لوبډلې د ۳ پر ۱ پایلې په ترلاسه کولو سره د لومړي ځل لپاره د دغو سیالیو پایلوبې ته لار وموندله.
لوبه په لومړي پړاو کې د بنګلهدېش په بریا سره پیل شوه، خو افغان لوبغاړو په پرلهپسې توګه درې نور پړاونه وګټل او سیاله لوبډله یې ماتې ته اړ کړه.
اوس به افغانستان سبا د سیالیو په پایلوبه کې د ترکمنستان پر وړاندې میدان ته ووځي.
ملي لوبډلې له دې وړاندې په دغو سیالیو کې د نیپال او مالدیف پر وړاندې درې ـ صفر بریاوې ترلاسه کړې وې، خو د سریلانکا او ترکمنستان پر وړاندې یې ماتې منلې وې.
د سریلانکا پر وړاندې د درې ـ دوه ماتې له امله افغانستان لس امتیازونه ترلاسه کړل او د نوملړ له مخې د پایلوبې پړاو ته ورسېد.
ټاکل شوې، چې د مرکزي اسیا د والیبال سیالیو پایلوبه سبا ترسره شي، چې پر دې سره افغانستان یوازې یو ګام له تاریخي اتلولۍ لرې دی.
د ۲۰۲۵کال د اسیایي ځوانانو په سیالیو کې د افغانستان له ۱۷کلونو کم عمره فوټسال ملي لوبډلې د زړه راښکونکو سیالیو په ترسره کولو سره د «تر ټولو ښې لوبډلې» لقب خپل کړ. دغه سیالیو کې د افغانستان ترڅنګ د ازبکستان، چین، بحرین، ایران، ټایلنډ، عربستان او قرغزستان لوبډلو هم ګډون کړی و.
د بهروز جعفري تر روزنې لاندې افغان لوبغاړو د خپلې ډلې درې واړه لوبې په بریا پای ته ورسولې او د ۹ نومرو په ترلاسه کولو سره یې ځان د نوملړ سر ته ورساوه، چې نیمه پایلوبو ته یې هم لاره وموندله. په دواړو ډلو کې هېڅ بله لوبډله ونه توانېده، چې بشپړې ۹نومرې ترلاسه کړي.
له افغانستان وروسته، د ایران او ټایلنډ لوبډلو له دویمې ډلې څخه د ۷ امتیازونو په ترلاسه کولو نیمهپړاو ته ووتلې او د افغانستان له ګروپ څخه ازبکستان د ۴ امتیازاتو په ترلاسه کولو بریالی شو، چې د وروستي ټیم په توګه نیمهپړاو ته لار پیدا کړي.
افغانستان د ۱۸ مثبت توپیر او د درېیو لوبو په ترڅ کې د ۲۱ ګولونو په کولو سره د برید یا یرغل له اړخه د ټولو نه پیاوړی ټیم وګرځېد. ایران هم د ۱۸ مثبت توپیر لاره؛ خو د افغان لوبډلې پرتله یې یو ګول زیات (۴ ګولونه) منلي وو.
د دفاع له پلوه هم افغانستان خپله پیاوړتیا ثابته کړه او په درېیو لوبو کې یې یوازې درې ګولونه پرېښودل. له افغانستان وروسته، ایران دویم غوره دفاعي ټیم و چې ۴ ګولونه یې پرېښي. البته ایران له بریدګر اړخه یو ګول زیات وهلی و، چې ټول شمېر یې ۲۲کېږي.
د سیالیو کوربه هېواد بحرین تر ټولو کمزوری و، ځکه یې درې واړه لوبې وبایللې او هېڅ ګول یې و نه واهه؛ خو ۲۶ ګولونه یې ومنل او له سیالیو څخه بهر شو.
د ازبکستان لوبډله چې د افغانستان پر وړاندې یې ۱۰–۲ حساب ماتې خوړلې وه، وروسته یې ښه پرمختګ وکړ. دوی له چین سره ۲–۲ مساوي لوبه وکړه او بیا یې بحرین په ۱۳–۰ امتیازاتو سره په سخته توګه مات کړ. چین چې لومړۍ لوبه یې د بحرین پر وړاندې په ۶–۰ بریا پیل کړې وه، وروسته له ازبکستان سره مساوي شو (۲–۲) او په درېیمه لوبه کې یې له افغانستان څخه په ۴–۱ ماتې سره د نیمهپړاو چانس له لاسه ورکړ.
په دویم ګروپ کې د سعودي عربستان لوبډلې د کمزورې دفاع له امله په درېیو لوبو کې ۲۶ ګولونه ومنل؛ خو د درېیو ګولونو په وهلو یې نسبت بحرین ته ښه وضعیت لاره. سعودي د قرغزستان پر وړاندې په ۳–۱ بریا سره د جدول له پای څخه ځان پورته کړ. قرغزستان بیا بې له دې چې کوم امتیاز ترلاسه کړي، د ګروپ په څلورم ځای کې پاتې شو؛ خو د دفاع له اړخه یې د ۱۳ منل شویو ګولونو سره نسبي ښه مقاومت لاره.
د ګروپي پړاو تر ټولو زیات ګولوهونکې لوبه د ایران او سعودي ترمنځ وشوه، چې ایران پهکې په ۱۴–۰ بریالی شو. ورپسې د ازبکستان او بحرین لوبه په ۱۳–۰ او د ټایلنډ او سعودي لوبه په ۱۱–۰ پای ته ورسېدې.
د افغانستان تر ټولو ستره بریا د ازبکستان پر وړاندې وه، چې افغان لوبډلې دغه زړه راښکونکې سیالۍ په ۱۰–۲ حساب په توپیر سره وګټله.