د بلغاریا د کورنیو چارو وزارت چارواکي وايي، چې بېګاه ناوخته شپږ پناه غوښتونکي د پولیسو له تعقیب وروسته د موټر د ټکر له امله وژل شوي او څلور تنه نور ټپیان شوي دي. راپورونه وایي چې په دغه پناه غوښتونکو کې د افغانستان وګړي هم شامل دي.
درویټرز خبري اژانس د راپور له مخې، پېښه د بورګاس د سمندري ښار په شاوخوا کې رامنځته شوې ده.
د بلغاریا د سرحدي پولیسو مشر ویلي، یو موټر چې لس تنه پکې سپاره وو، د پولیسو د درولو له امر څخه یې سرغړونه وکړه او له یوې پوستې څخه یې تېښته وکړه، خو د پولیسو د تعقیب پر مهال یې ټکر وکړ.
دوژل شوو کسانو هویت تر اوسه نه دی څرګند شوی، خو ځینې راپورونه وايي چې ځینې یې د افغانستان وګړي دي. د ژوندي پاتې شویو کسانو له ډلې یو یې د رومانیا وکړی موټر چلوونکی دی.
د ۲۰۱۵کال راهیسې د بالکان هېوادونه د هغو پناه غوښتونکو او کډوالو د تېرېدو اصلي لاره ګرځېدلي، چې له منځني ختیځ، افغانستان، اسیا او افریقا څخه د جګړې او بېوزلۍ له امله د اروپایي هېوادونو پر لور کډوالي کوي.
په دغه پارک کې یو شمېر مېشت افغانان وايي، پولیس تېره ورځ (یکشنبه د لړم ۱۱مه) یاد پارک ته د افغان کډوالو د نیولو او په جبري توګه د اېستنې په موخه ورغلي و او د احمد ضیاء فیض چې د کډوالو فعال ګڼل کېږي، په ګډون یو شمېر افغانان نیولي دي.
دوی ادعا کوي، چې احمد ضیاء فیض له پرون راهیسې د حاجي کمپ او تورخم پر لاره و، خو اوس له وضعیت او برخلیک څخه یې هېڅ معلومات نهلري.
دوی چې په وېره کې شپې او ورځې تېروي، د کډوالو له اړوندو نړۍوالو سازمانونو او د بشري حقونو له بنسټونو غواړي، چې په ارجنتینا پارک کې د مېشتو افغان کډوالو وضعیت ته رسېدنه وکړي او یا هم لږ تر لږه په جبري توګه له بېرته ستنونې یې مخنیوی وکړي.
د یادونې وړ ده، چې د پاکستان دولت په دې وروستیو کې د افغان کډوالو د نیونې بهیر پراخ کړی او هره ورځ زرګونه کسان تر نیولو وروسته بېرته افغانستان ته ستنوي، چې یوازې تېره ورځ څه باندې ۱۵زره کډوال اېستل شوي دي.