د ایسلېنډ مرستیال وزیره: افغان مېرمنې له ښکاره تبعیض او ځورونې سره مخ دي
د ایسلېنډ د بهرنیو چارو مرستیال وزیرې په افغانستان کې د مېرمنو او نجونو د وضعیت په اړه اندیښنه څرګنده کړې او ویلي یې دی چې دوی له ښکاره جنسیتي ځورونې او تبعیض سره مخ دي.
د ایسلېنډ د بهرنیو چارو مرستیال وزیرې په افغانستان کې د مېرمنو او نجونو د وضعیت په اړه اندیښنه څرګنده کړې او ویلي یې دی چې دوی له ښکاره جنسیتي ځورونې او تبعیض سره مخ دي.
برګیس ایلټرسډوټر، چې د یونسکو په کنفرانس کې یېد ایسلېنډي پلاوي مشري کوله، له سازمان څخه وغوښتل چې د افغان مېرمنواو نجونو وضعیت ته پاملرنه وکړي.
د یونسکو ۴۳م عمومي کنفرانس د جمعې په ورځ، د نومبر په ۶مه، د ازبکستان په سمرقند کې ترسره شو.
په دې کنفرانس کې، د ایسلېنډ د یونیسکو د اجرایوي بورډ د غړي په توګه څلور کلنه دوره پای ته ورسیده او ناروې د ۲۰۲۵-۲۰۲۹نوي دورې لپاره د نورډیک هیوادونو د استازي په توګه وټاکل شوه.
د ایسلېنډي پلاوي مشرې برګیس ایلټرسډوټر، په مختلفو هیوادونو کې د ښځو، نجونو او ماشومانو د وضعیت په اړه په کنفرانس کې وینا وکړه.
د ایسلېنډي حکومت د یوې اعلامیې له مخې، هغې په غونډه کې د افغان مېرمنو او نجونو وضعیت «سخت»وباله او له یونسکو څخه یې وغوښتل چې د افغان مېرمنو سره ودریږي او دوی ته تعلیم ته لاسرسی برابر کړي.
هغې وویل: «په جګړه ځپلو سیمو کې یا د افغانستان په څیر ظالمانه رژیمونو کې، چیرې چې ښځې او نجونې د ښکاره جنسیتي تبعیض سره مخ دي، په ملیونونو ماشومان، په ځانګړې توګه نجونې، لاهم له زده کړې څخه محروم دي»
د بهرنیو چارو مرستیال وزیر ټینګار وکړ چې یونسکو باید ډاډ ترلاسه کړي چې د افغان ښځو او نجونو غږونه اوریدل کیږي.
