د بلوچستان ایالتي حکومت پر عامه ټرانسپورټ بندیز بېرته لغوه کړی
د بلوچستان حکومت د چارشنبې له ورځې څخه د ټول ایالت په کچه پر عامه ټرانسپورټ درې ورځنی بندیز اعلان کړی و، خو د دغه ایالت د کورنیو چارو ادارې ویلي چې دا بندیز یې بېرته لغوه کړی دی.
د بلوچستان حکومت د چارشنبې له ورځې څخه د ټول ایالت په کچه پر عامه ټرانسپورټ درې ورځنی بندیز اعلان کړی و، خو د دغه ایالت د کورنیو چارو ادارې ویلي چې دا بندیز یې بېرته لغوه کړی دی.
د ایالتي ټرانسپورټ ادارې په اعلامیه کې ویل شوي و، چې د بسونو او نورو عامه ټرانسپورټي وسایطو تګ راتګ به د نومبر له۱۲مې تر ۱۴ مې پورې وځنډول شي چې موخه یې د عامه امنیت ټینګښت په ګوته شوی و.
یادې ادارې ترانسپورټرانو ته خبر ورکړی و، چې له بندیز څخه د سرغړونې په صورت کې به د دوی د کار اجازه لیکونه لغوه کړي.
خو د بلوچستان د کورنیو چارو ادارې له خوا د بندیز د لغوه کېدو د خبرپاڼې له خپرېدو وروسته د دغه ایالت د ټرانسپورټ ادارې هم خپله پرېکړه بېرته اخیستې ده.
