پاکستاني رسنیو خبر ورکړی، چې د سویلي وزیرستان په مرکز واڼه کې د پوځي کالج د برید ټول بریدګر وژل شوي او هیڅ زدهکوونکي یا ښوونکي ته پهکې زیان نهدی رسېدلی. ورته مهال په بنو کې هم د ترهګرۍ ضد څانګې (CTD) د دوو وسلهوالو له وژلو خبر ورکړی.
د ډان ورځپاڼې د راپور له مخې؛ د چهارشنبې په سهار د واڼه پوځي کالج د برید ټول بریدګر وژل شوي دي. راپور زیاتوي، چې په وژل شویو کسانو کې یو ځانمرګی بریدګر او څلور نور وسلهوال شامل دي.
د عملیاتو پرمهال د چاودېدونکو توکو د چاودنې له امله د کالج ودانۍ زیانمنه شوې؛ خو زدهکوونکو او ښوونکو ته پهکې زیان نهدی رسېدلی. د پاکستان د پوځ د عامه اړیکو ادارې (ISPR) تر دې وړاندې ویلي و، د یکشنبې په ماښام وسلهوالو هڅه وکړه چې له چاودېدونکو توکو څخه ډک موټر پر مټ د کالج اصلي دروازې ته ځان ورسوي؛ خو د پاکستاني ځواکونو په سملاسي غبرګون کې درې وسلهوال ووژل شول او نهه ملکي وګړي ټپیان شول.
د چاودنې له امله د نږدې کورونو چتونه هم نړېدلي دي. د پاکستان پوځ دغه برید د «هند له ملاتړه د برخمنې وسلهوالې شبکې» کار بللی او دا یې «یو بزدلانه عمل» ګڼلی و.
بلخوا د پاکستان د ترهګرۍ ضد څانګې (CTD) ویلي، د خیبر پښتونخوا په بنو کې یې عملیات کړي چې د ټيټيپي دوه مهم وسلهوال یې وژلي دي. د یادې ادارې په وینا؛ له وژل شویو کسانو څخه ځینې وسلې او اسناد هم ترلاسه شوي؛ خو د هغوی دوه نور ملګري په تېښته بریالي شوي دي.
