په کانګو کې د مسو کان د پله د نړېدو له امله ۴۹ کان کېندونکي مړه شوي دي

د روسیې د دفاع وزارت د یکشنې په ورځ د یوې خبرپاڼې په خپرولو سره ویلي، چې د اوکراین په سویل کې د رونوپیلیا او ملا توکماچکا کلي یې تر خپل کنټرول لاندې راوستي دي.

په ورته مهال د اوکراین پوځ ویلي، چې د ژاپوریژیا په ځینو برخو کې جګړه تېره شوې او د لومړۍ کرښې د پوستو د ساتلو لپارره کافي سرتیري نه لري.

بل خوا د روسیې او اوکراین ترمنځ د جګړې څارونکو ویلي، چې روسي ځواکونو له جون میاشتې راهیسې د دنیپروپیتروفسک سیمې کې تر پرمختګ وروسته د اوکراین په ژاپوریژیا سیمه کې د جګړې کرښه شاوخوا ۳۰ کیلومتره پراخه کړه ده.

روسیې د ژاپوریژیا د ۷۵ سلنې کنټرول ادعا کړې، خو د راپورونو له مخې، اوکراین د یاد ښار د مرکز په شمول شاوخوا ۷۰۰۰ کیلومتره مربع باندې کنټرول لري.

د رویټرز خبري اژانس وویل، په تاشکند کې د شوروي اتحاد د پنځو پخوانیو جمهوریتونو او همدارنګه د اذربایجان د مشرانو په یوه غونډه کې د وینا پر مهال، میرضیایف وړاندیز وکړ، چې د مرکزي اسیا د پنځو جمهوریتونو د مشرانو ترمنځ منظمې غونډې په رسمي سیمه ییز بلاک بدلې شي.

هغه د اقتصادي، امنیتي او چاپیریالي همکارۍ د زیاتولو پر اړتیا هم ټینګار وکړ.

قرغیزستان او تاجکستان د روان کال په لومړیو کې د اوږدې مودې سرحدي شخړه حل کړه چې په سلګونو کسان یې ووژل.

د دې میاشتې په پیل کې ټولو پنځو مشرانو د امریکا له ولسمشر ډونالډ ټرمپ سره د خبرو اترو لپاره په ګډه واشنګټن ته سفر وکړ.

د اسراییل پوځ وویل چې د خرابو موسمي حالاتو له امله سوله‌ساتي سرتېري سم نه دي تشخیص شوي او دوی یې په اړه پلټنې کوي.

د ملګرو ملتونو د لبنان موقتي ځواک (UNIFIL) وویل چې اسراییلي ځواکونو له یوه "مرکاوا" ټانک نه چې د لبنان دننه ځای پر ځای شوی و، د پلي روانو سوله‌ساتو پر لور ډزې وکړې.

په ډزو کې هغوی ته زیان نه دی اوښتی.

یاد ځواک دغه پېښه د ملګرو ملتونو د امنیت شورا د ۱۷۰۱ پرېکړه‌لیک له مخې جدي سرغړونه بللې ده.

د لبنان پوځ په یوه اعلامیه کې ویلي چې د اسراییل له خوا د لبنان د حاکمیت پرله‌پسې سرغړونې په دغه هېواد کې بې‌ثباتي رامنځته کوي او د دوی ځواکونه له دې راګرځوي، چې په جنوب کې په سمه توګه ځای پر ځای شي.

مرڅ د واکمنو متحدو ګوندونو د ټولنیزو سیاستوالو د ټولنې په یو غونډه کې وویل، چې نوموړي وویل، چې د سوریې له حکومت سره باید لارې وموندل شي څو مهاجر د هېواد د بیا رغونې لپاره بېرته تللو ته وهڅول شي.

هغه اعلان وکړ چې د سوریې له ولسمشر سره به خبرې وکړي څو وګوري څه ډول کولی شي سوریایان، چې په جرمني کې اوسي، د جګړې له ختمېدو وروسته د بیا رغونې لپاره بېرته تللو ته وهڅوي.

نوموړي په خپلو خبرو کې زیاته کړه، « هغوی چې د سیاسي ـ مذهبي دلیلونو له امله ځورول کېږي، موږ به یې هېڅکله اېستلو ته اړ نه کړو. دا خبره بالکل روښانه ده»، خو هغه زیاته کړه، « هغه کسان چې د کورنیو جګړو له امله دلته په لنډ مهاله پناه راغلي، هغوی باید هغه وخت چې جګړه پای ته ورسېږي، بېرته خپل هېواد ته ستانه شي».

مرڅ د هغو کډوالو په اړه هم خبرې وکړې چې په جرمني کې ښه ادغام شوي دي: « ډېرو کسانو دلته ځای نیولی، دلته ورته اړتیا ده، ځینې یې ډاکټران شوي او نور په بېلابېلو مسلکونو کې کار کوي. موږ غواړو هغو کډوالو ته د پاتې کېدو اجازه ورکړو، چې ادغام شوي وي او د خپلې کورنۍ ژوند پرې کولای شي».

زېلېنسکي د یکشنبې په ورځ وویل، « موږ د تبادلو د بیا پیل تمه لرو. اوس ډېرې ناستې، خبرې اترې او تلیفوني اړیکې همدې موضوع ته ځانګړې شوې دي».

د هغه د امنیت شورا مشر رستم عمروف وویل چې د شنبې په ورځ یې په ترکیه او متحده عربي اماراتو کې د اوکراین د شریکانو په ملاتړ سلا مشورې کړې دي، څو د تبادلو بهیر بیا متحرک شي.

هغه وویل، «د دغو خبرو اترو په پایله کې، اړخونو هوکړه وکړه چې د استانبول موافقو ته ستانه شي».

عمروف په ټیلیګرام کې په خپره شوې اعلامیه کې زیاته کړه چې دا د ۱۲۰۰ اوکراینیانو د خوشې کولو موضوع ده.

د اوکراین د څرګندونو په اړه له مسکو څخه سملاسي غبرګون نه دی راغلی.