کندهار کې د پنبې په حاصلاتو کې زیاتوالی راغلی

په کندهار ولایت کې د طالبانو د کرنې، اوبو لګونې او مالدارۍ رییس شمس الرحمن موسی وايي، په دغه ولایت کې د تېر کال پرتله سږکال د پنبې حاصلات زیات شوي دي. هغه ویلي، روان کال په دغه ولایت کې پر ۲۱۵۰ هکټاره ځمکه پنبه کرل شوې او تمه کېږي چې تر ۸۶۰۰ ټنه ډېره پنبه ترې ترلاسه شي.

د هغه په وینا؛ تېرکال دغه اندازه پنبه له ۲۰۵۰ هکټاره ځمکې راټوله شوې وه، چې نږدې ۸۲۰۰ ټنه یې حاصلات وو.