د کندهار په ارغنداب کې یوه خصوصي شرکت د انارو د پروسس کارخونه پرانېسته

د پولیسو د سرچینو په وینا، د پولیسو یو زغره وال ګاډی په هتاله سیمه کې د سړک غاړې ماین ښکار شوی، چې له امله یې دوه پولیس سرتېري ځای پر ځای ووژل شول.

د ولسوالۍ د پولیسو مشر ویلي، سیمې ته امنیتي ځواکونه رسېدلي، ساحه یې کلابنده کړې او د بریدګرو د موندلو لپاره یې لټون پیل کړی.

سیمه ییز چارواکي زیاتوي چې د چاودنې دقیق ماهیت تر څېړنو لاندې دی.

د پاکستان د کورنیو چارو وزیر محسن نقوي د پېښې پخلی کړی او ویلي یې دي چې دوه پولیس، سیف الرحمن او رمضان په دغه برید کې وژل شوي او څلور نور ټپیان دي.

د خیبر پښتونخوا اعلی وزیر برید غندلی او ویلي یې دي چې «دا ډول بزدلانه بریدونه د دوی حوصله او اراده نه شي کمزوري کولی». هغه ټینګار کړی چې د ترهګرۍ پر ضد جګړه به په لا قوي هوډ سره روانه وي.

د طالبانو د کار او ټولنیزو چارو وزارت ویاند سمیع الله ابراهیمي د طالبانو تر واک لاندې باختر اژانس ته ویلي، چې د کار د بازار د اړتیا په اساس په څلویښت حرفو کې زرګونه ځوانان په زده کړو بوخت دي.

نوموړي ویلي، له ګاونډیو هېوادونو څخه د تازه راستنو شويو مسلکي کارګرانو لپاره یې د کار موندنې په موخه ځانګړی ډیټابیس جوړ کړی او د یاد سیسټم له لارې د هغوی د مسلک، زده کړو او تجربو معلومات له دولتي ادارو سره شریکیږي.

د طالبانو د کار او ټولنیزو چارو وزارت ښځو ته د کار د جوازونو د وېش په اړه څه نه دي ویلي.

د هند د بهرنیو چارو وزیر جی شنکر پر خپل اېکس ولیکل، چې په نوي ډیلي کې یې د طالبانو د صنعت او سوداګرۍ له وزیرنورالدین عزيزي سره وکتل.

د طالبانو د سوداګرۍ وزیر نورالدین عزیزي د چارشنبې په ورځ هند ته د پنځو ورځو په سفر لاړ.

د طالبانو د صنعت او سوداګرۍ وزارت ویلي، چې عزیزي به په دغه سفر کې له هندي چارواکو او ددغه هېواد له سوداګرو سره پر دوه اړخیزو سوداګریزو اړیکو وغږیږي.

نوموړی ته په نوي ډيلي کې د هند د بهرنيو چارو وزارت د پاکستان، افغانستان او ایران د برخې ګډ سکرتر انند پرکاش هرکلی ویلی.

دا د پاکستان او طالبانو ترمنځ د اړیکو له ترینګلتیا وروسته دویم جګپوړی طالب چارواکی دی، چې نوي ډیلي ته سفر کوي.

هندي رسنیو ددغه هېواد د چارواکو له قوله رپوټ ورکړی، چې نورالدین عزیزي به د هند د سوداګرۍ له وزیر، نورو حکومتي چارواکو او د هند له سوداګریزې ټولنې سره وګوري.

د هند نیوز ۱۸ چینل د هند د حکومتي سرچینو له قولي ویلي، چې عزیزي به د هند له حکومت څخه وغواړي چې د کابل او نوي ډيلي ترمنځ د سوداګرۍ لپاره د هوايي دهلېزد «بشپړ جوړولو» په برخه کې پراخه همکاری وکړي.

عزیزي به دغه راز د هند د سوداګرۍ له چارواکو سره خبرې اترې وکړي او ښايي د ډیلي په نړیوال سوداګریز نندارتون (IITF) کې هم برخه واخلي.

په ۲۰۲۰-۲۱ کلونو کې هند افغانستان ته نږدې ۸۲۶ میلیونه ډالره توکي صاد ر کړي وو، خو له افغانستان نه یې یوازې ۵۰۹ میلیونه ډالره واردات کړي وو، خو هند ته صادرات هر کال کم شوي دي، په ځانګړي ډول د هند او پاکستان له جګړې او د واګه لارې له تړل کېدو وروسته په ۲۰۲۳ او ۲۰۲۴ کلونو کې په کال کې یوازې ۳۵۵میلیونه ډالره ښودل شوي دي.

د هند واردات نږدې ټول کرنیز محصولات دي، چې انګور، ممیز، انځر، زعفران، هوږه، اینجه، بادام، چارمغز، کاجو، انار، الوبالو، زردالو، پیاز او نور پکې شامل دي.

هندي صادرات ډېری په درملو، نساجیو، ماشینونو او الکترونیکي توکو پورې تړاو لري.

د طالبانو د ریاست الوزرا اقتصادي مرستیال ملا عبالغني برادر په دې وروستیو کې له پاکستان نه د درملو پر واردولو بندیز لګولی او داسې اټکل دی، چې عزیزي به په دغه سفر کې له هند نه د درملو پر وارداتو هم له هندي چارواکو سره وغږیږي.

طالبانو ویلي، چې له پاکستان سره د ټرانزیټ سوداګرۍ له بندېدو وروسته، دوی اوس نورې متبادلې لارې ګوري، چې ایران، د منځنۍ اسیا هېوادونه او هند، په ځانګړې توګه چابهار بندر پکې شامل دي.

د دغه وزارت له خوا د جمعې ورځې لپاره چمتو شوې خطبې په متن کې راغلي چې د ږیرې خرییل د «خدای په خلقت کې بدلون راوستل» دي او دا عمل د«فطرت خلاف او لویه ګناه» ګڼل شوې ده.

په متن کې ټینګار شوی چې مسلمانانو ته د خالق د خلقت درناوی واجب دی او د ږیرې پرېښودل د همدې فطري نظام یوه برخه ده.

د طالبانو یاد وزارت د جامع جوماتونو له ملا امامانو غوښتي چې خلکو ته واضح کړي چې ږیره نه پرېښودونکي کسان د یهودانو، فاسقانو او فاجرانو سره مشابه ګڼل کېږي او د خطیبانو د څرګندونو له مخې، د اسلامي ټولنې اوسېدونکي باید د «منحرفو خلکو» تقلید او مشابهت ونه کړي.

د ږیرې د پرېښودلو په اړه دا تازه لارښوونه په داسې حال کې ده چې طالبانو د تېر یوه کال په ترڅ کې څو ځله مذهبي خطیبانو، مدرسو او دولتي ادارو ته د ظاهري بڼې، ږیرې، جامو او رواجونو په اړه ځانګړي هدایتونه ورکړي دي.

د دیني چارو په برخه کې د دې ډول اعلامیو زیاتوالی د ټولنیزو غبرګونونو او بحثونو لامل شوی، او منتقدان ورته د فردي ازادیو د محدودولو په سترګه ګوري.

د یاد وزارت د خبرپاڼې له مخې؛ له دې ډلې ۵۱۷ کسان چې د پاکستان په زندانونو کې له تېرو دوو میاشتو راهیسې بندیان وو، د سپین بولدک له لارې افغانستان ته ستانه شوي دي. په خبرپاڼه کې راغلي، ۴۸ نور کسان چې د عراق په زندانونو کې له ۶ تر ۹ میاشتو پورې بندیان وو؛ د نیمروز له لارې افغانستان ته ستانه شوي دي.

په خبرپاڼه کې د دغه کسانو د جرمونو په اړه څه نه‌دي ویل شوي؛ خو په پاکستان کې افغانان تر ډېره په دغه هېواد کې د اوسېدو قانوني اسنادو نه لرلو له امله د پولیسو له‌خوا نیول کېږي.

تازه د پنجاب پولیسو خبر ورکړی، چې د راولپنډۍ په بېلابېلو سیمو کې یې د یو لړ عملیاتو پرمهال ۳۸ بې‌اسناده افغان کډوال نیولي دي.