په کندوز کې یو کس د انسان تښتونکو له منګلو وژغورل شو
د کندوز ولایت لپاره د طالبانو د امنیه قومندانۍ مسوولین وايي، یو کس په کندوز ښار کې د انسان تښتوونکو له منګلو ژغورل شوی او په تړاو یې ۵ کسان هم نیول شوي دي.
د کندوز ولایت لپاره د طالبانو د امنیه قومندانۍ مسوولین وايي، یو کس په کندوز ښار کې د انسان تښتوونکو له منګلو ژغورل شوی او په تړاو یې ۵ کسان هم نیول شوي دي.
د دغې قومندانۍ له لوري په خپره شوې خبرپاڼه کې راغلي، انسان تښتوونکو یو کس د میدان وردګ د نرخ ولسوالۍ له سرافراز خېلو کلي اختطاف او غوښتل یې د کندوز له لارې نامعلوم ځای ته ولېږدوي، خو تر هغې مخکې د کندوز ښار د پنځمې امنیتي حوزې له شاوخوا سیمو ونیول شو.
د خبرپاڼې لهمخې، د انسان تښتونکو له دغې ۵ کسیزې ډلې دوه موټر او دوه وسلې هم ترلاسه شوي او تر لومړنیو پوښتنو او ګروېږنو وروسته به د دوی عدلي او قضايي بنسټونو ته وسپارل شي.
