یونیسف: په غزه کې له اوربند راهیسې په منځني ډول هره ورځ دوه ماشومان وژل کیږي
د ملګرو ملتونو د ماشومانو څخه د ملاتړ صندوق(یونیسف) وايي چې په غزه کې د اوربند له پیل راهیسې هره ورځ په منځني ډول دوه ماشومان خپل ژوند له لاسه ورکوي.
د ملګرو ملتونو د ماشومانو څخه د ملاتړ صندوق(یونیسف) وايي چې په غزه کې د اوربند له پیل راهیسې هره ورځ په منځني ډول دوه ماشومان خپل ژوند له لاسه ورکوي.
د یونیسف ویاند ریکارډو پیرس وویل چې نن په خان یونس کې په یوه هوايي برید کې یوه ماشومه نجلۍ وژل شوې، او له دې یوه ورځ وړاندې د غزې په ښار او جنوب کې اووه ماشومان وژل شوي وو.
هغه وویل چې په غزه کې یوازې د شخړې یو اړخ د هوایی بریدونو د ترسره کولو وړتیا لري او دا په داسې حال کې ده چې په غزه کې ماشومان د ناکافي روغتیایی خدماتو او د خوړو د کمښت له امله لاهم له جدي خطرونو سره مخ دي.
ښاغلي پیرس زیاته کړې چې د اکتوبر له لسمې راهیسې، کله چې د حماس او اسراییل ترمنځ اوربند پیل شو، لږترلږه ۶۷ماشومان وژل شوي دي.
د غزې اوربند د ۲۰۲۵کال د اکتوبر په لسمه نیټه د اسراییل او حماس ترمنځ د دوو کلونو جګړې وروسته نافذ شو.
