تېره ورځ له ایران او پاکستان نه تر ۴۵۰۰زره ډېر کډوال افغانستان ته ستانه شوي
د طالبانو تر واک لاندې د کډوالو ستونزو ته د رسېدنې عالي کمېسیون خبر ورکړی، د پنجشنبې په ورځ له ایران او پاکستان نه ۸۴۸ کورنۍ چې ټولټال ۴۵۲۴ کډوال کېږي؛ افغانستان ته ستنې شوې دي.
د یاد کمېسیون د خبرپاڼې له مخې؛ له دې ډلې د سپین بولدک له لارې ۶۳۲ کورنۍ، د تورخم له لارې ۱۳۷ کورنۍ، د اسلامکلا له لارې ۴۰ کورنۍ او د ورېښمو پله له لارې ۳۹ کورنۍ افغانستان ته ستنې شوې دي.
