پوتین: ملګري ملتونه لا هم د نړیوال توازن د ډاډمنولو یوازینی مېکانېزم دی
د روسیې ولسمشر ولادیمیر پوتین په عشق اباد کې د سولې او باور جوړونې په نړیوال فورم کې ویلي، چې ملګري ملتونه لا هم په نړیوال سیاست کې مهم او بې ساری رول لري.
د روسیې ولسمشر ولادیمیر پوتین په عشق اباد کې د سولې او باور جوړونې په نړیوال فورم کې ویلي، چې ملګري ملتونه لا هم په نړیوال سیاست کې مهم او بې ساری رول لري.
ولادیمیر پوتین ویلي، چې د ملګري ملتونو سازمان له جوړیدو څخه ۸۰ کاله وروسته لا هم یوازینی مېکانېزم دی، چې د هېوادونو ترمنځ د ګټو توازون ساتلی شي.
پوتین ټینګار وکړ، چې د ټولو هېوادونو د نظرونو په پام کې نیولو پرته د نړیوالو ستونزو حل ناممکن دی.
پر همدغه مهال د روسیې ولسمشر د مسکو او ترکمنستان د اړیکو په اړه ویلي، چې په سیمه ییز ثبات کې د ترکمنستان بې طرفي مهم رول لري او د ترکمنستان سوله ییزه بهرنۍ پالیسي یې په نړیواله کچه د اعتبار ترلاسه کولو عامل ګڼلی دی.
پوتین په خپلو خبرو کې د روسیې او ترکمنستان ترمنځ د ۲۰۲۵ کال په لومړیو لسو میاشتو کې د سوداګرۍ په حجم کې د ۳۵ سلنې ودې یادونه هم وکړه او ويې ویل، چې روسي شرکتونه پلان لري په ترکمنستان کې نوي پروژي هم پلي کړي.
د روسیې ولسمشر د جمعې په شپه عشق اباد رسیدلی او د فورم له پیل څخه وړاندې یې د ترکمنستان له ولسمشر سردار بردیمحمدوف او د ازبکستان له ولسمشر شوکت میرضیایف سره کتلي دي.
دغه فورم د ترکمنستان په نوښت د «نړیوالې سولي او د باور کال» په چوکاټ کې جوړشوی دی او د یاد نوښت ملاتړ د ۸۶ هېوادونو له خوا شوی چې موخه یې د هېوادونو ترمنځ د خبرو اترو او همکارۍ پیاوړتیا ده.
