د اسلام‌اباد سترې محکمې د یوه افغان کډوال د جبري اېستنې مخه نیولې

د یادې ادارې مشر دغه څرګندونې د سې‌شنبې په ورځ (د لېندۍ ۲۵مه) د ټرانسپورټ، لوژستیک او اړوندو صنایعو د نهم نندارتون په څنډه کې د یوې خبري ناستې پرمهال کړې دي.

هغه زیاته کړې: «موږ په پولو کې یوازې د ترانسپورټ اسناد کنټرولوو، چې دا کار ډېر وخت نه‌نیسي؛ خو ځنډ د نورو ادارو د نه همغږۍ، د کاري ساعتونو د نه برابرۍ او دارنګه د سیسټمونو د نه اتصال له امله رامنځته کېږي. برسېره پر دې کله ناکله د مقابل لوري د منلو له ظرفیت څخه زیاته ګڼه ګوڼه هم د اوږدې درېدنې لامل کېږي.»

ښاغلي رضا اکبري وویل، په وروستیو کلونو کې د پولو ترمینلونه د نوبت ورکولو په سیسټمونو سمبال شوي؛ څو د صفري نقطې په شاوخوا کې ګڼه‌ګوڼه کمه شي. د هغه په وینا؛ «په هغو ترمینلونو کې چې د اېکس‌رې ماشینونه فعال وي، د لاریو تېرېدل او ګمرکي چارې وخت نیسي او که بار تخلیه او بیا بارولو ته اړتیا ولري؛ نو دغه بهیر لا پسې اوږدېږي.»

هغه څرګنده کړه، چې د پولو د منلو ظرفیتونه هم یو شان نه‌دي: «ځینې پولې په ورځ کې ۲۰۰ لارۍ مني، ځینې ۵۰۰ او ځینې تر ۱۰۰۰ پورې، چې دغه توپیر د تګ راتګ د بندښت لامل کېږي.»

اکبري د دوغارون پولې ته په اشارې سره وویل، تشې ایراني لارۍ چې خپل بار یې په اسلام‌کلا کې تخلیه کړی؛ باید پرته له ځنډه بېرته ایران ته داخل شي، خو «له بده مرغه دغه لارۍ په کتار کې درول کېږي، چې د موټرچلوونکو اعتراضونه یې راپارولي دي.»

هغه زیاته کړه، چې له طالب لوري سره یې خبرې روانې دي او د یادې سیمې والي هم دغه موضوع څاري. د هغه په وینا؛ د سرحدي چارو ځانګړې شورا هڅه کوي، چې د افغانستان اړخ ته د تشو لاریو د تم کېدو موده راکمه کړي.

هغه وړاندې وایي، افغانستان ته د ننوتو په لوري کې ګڼه‌ګوڼه تر ډېره د مقابل لوري د کافي منلو د نشتوالي له امله ده. هغه وویل: «د هغوی کاري ساعتونه زموږ له ساعتونو سره برابر نه‌دي، کله ناکله رخصت اعلانوي یا د پولې کړنلارې بدلوي او داسې پرېکړې کوي، چې له پخوانیو هوکړو سره په ټکر کې وي.»

هغه په پای کې ټینګار وکړ، د دې لپاره چې د دوغارون پر پوله هېڅ ډول ځنډ رامنځته نه شي؛ باید ورځنی تګ راتګ ۲۰۰۰ لاریو ته ورسېږي، حال دا چې اوس دغه شمېر شاوخوا ۱۰۰۰ تر ۱۲۰۰ لاریو پورې دی. نوموړي وویل، «د دواړه لوریو نه همغږي او کورنۍ ستونزې د دغه ځنډ لامل شوي؛ خو هڅه کوو چې دغه ستونزه په نږدې راتلونکي کې حل شي.»

په پاکستان کې د یادې ادارې مشر اقبال خټک د افغان خبریالانو په تړاو په تازه څرګندونو کې ویلي، افغان خبریالان چې د طالبانو د واکمنۍ پرمهال د سر خوندیتوب لپاره جلاوطنه شوي؛ اوس د پاکستان حکومت د سختو پالیسیو له امله «جرمي چلند» سره مخ دي.

د هغه په وینا؛ دغه خبریالان هره ورځ د نیول کېدو او جبري ستنولو له ګواښ سره مخ دي، چې دا چاره له نړۍوالو اصولو ښکاره نقض دی؛ هغه اصل چې د نړۍوالو بشري حقونو د قوانینو بنسټیزه ستنه بلل کېږي.

هغه وایي، لږترلږه ۲۰ افغان خبریالان چې د یادې ادارې له ملاتړه برخمن وو؛ په جبري توګه بېرته افغانستان ته ستانه کړای شوي دي. دا په داسې حال کې ده، چې د افغان کډوالو د ډله‌ییزې اېستنې لړۍ چې له ۲۰۲۳کال راهیسې پیل شوې لا هم دوام لري او لسګونه نور افغان خبریالان په وېره کې ژوند کوي چې هره شېبه د نیولو له ګواښ سره مخ دي.

ښاغلی اقبال خټک وړاندې وايي، دغه خبریالان چې د طالبانو له‌خوا د پراخو ګواښونو له کبله جلاوطنه شوي وو؛ اوس بېرته د هماغه ګواښ پر لور له پاکستان نه اېستل کېږي.

اقبال خټک وایي، په پاکستان کې مېشت افغان خبریالان د جبري ستنولو د ګواښ له امله د ژوند لومړنیو اړتیاوو ته هم لاسرسی نه‌لري. هغه له پاکستاني چارواکو غوښتي، چې سملاسي د افغان خبریالانو جبري اېستنه ودروي او د هغوی لپاره د ویزو د تمدید یوه فعاله او رڼه تګلاره فعاله کړي.

یادې ادارې دارنګه له نړۍوالې ټولنې هم غوښتنه کړې، چې د دغه خبریالانو لپاره خوندي او قانوني لارې پرانیزي؛ څو هغوی وکولای شي په درېیمو هېوادونو کې په چټک ډول بیا مېشت شي.

دوی وایي، د افغان خبریالانو جبري ستنول نه یوازې د هغوی ژوند له جدي ګواښ سره مخ کوي؛ بلکې د بیان ازادۍ او د رسنیو د خوندیتوب پر وړاندې هم یو خطرناک پیغام لېږدوي.

د طالبانو د کانونو او پټرولیم وزارت ویاند همایون افغان ویلي، چې په کندهار کې د سمنټو جوړېدونکې کارخونه به په راتلونکو پنځو میاشتو کې په فعالیت پیل وکړي. هغه وایي، دغه کارخونه چې د جوړېدو چارې يې له تېرو دوو کلونو راهیسې روانې دي؛ د کندهار ولایت په شوراندام سیمه کې د ۱۰۰ مېلیونه امریکايي ډالرو په ارزښت پر ۱۰۰ جریبه ځمکه جوړېږي.

د هغه په وینا؛ په کندهار کې دغه جوړېدونکې د سمنټو کارخونه به په لومړي پړاو کې په ۲۴ ساعتونو کې ۱۲۰۰ ټنه سمنټ تولید کړي؛ خو د وخت په تېرېدو به دغه کچه تر دې هم لوړه شي.

هغه زیاته کړې:« د سمنټو ټول خام مواد لکه د چونې ډبره، ګچ، اوسپنه او د ډبرو سکاره د افغانستان دننه موجود دي او له بهرنیو هېوادونو څخه د راوړلو ضرورت نه‌شته.» هغه وړاندې ویلي، هڅې روانې دي چې افغانستان د سمنټو له اړخه ژر تر ژره پر ځان بسیا شي.

له بل پلوه ایراني رسنیو په تېرې لړم میاشتې کې خبر ورکړی و، چې دغه هېواد د (لړم ۲۹مه) د رېل پټلۍ له لارې افغانستان ته د سمنټو لومړنۍ جوپه واستوله. راپورونه وایي، ایران به هره اونۍ د مهالوېش پر بنسټ افغانستان ته ۱۰۰۰ټنه سمنټ صادر کړي.

د طالبانو د ټرانسپورټ او هوایي چلند وزارت ویاند حکمت‌الله اصفي د سې‌شنبې په ورځ (د لیندۍ ۲۵مه) د دغه ډلې تر واک لاندې ملي ټلوېزیون سره په خبرو کې ویلي، چې په راتلونکې پنجشنبه به د ایران وارش په نوم یو هوایي شرکت له تهران - کابل او کابل - تهران تر منځ الوتنې پیل کړي.

د اصفي په خبره، دا مهال د دوی تر واک لاندې د ۵ نړۍوالو هوايي ډګرونو په ګډون ۲۷ محلي ډګرونه فعاله دي.

هغه زیاتوي: «د ټرانسپورټ او هوایي چلند وزارت ۲۷ هوایي ډګرونه دي، چې پنځه یې نړۍوال او پاتې ۲۲ یې محلي‌ دي.»

د نوموړي په خبره، ټول هوايي دګرونه معیاري او مساپرو ته اسانتیاوې په پام کې نیول شوې دي.

اصفي ویلي، چې د دوو کورنیو شرکتونو ترڅنګ ۹ نړۍوال هوایي شرکتونه افغانستان ته الوتنې لري، چې له یادې شمېر څخه یې ۴ د ایران اړوند دي.

نوموړي د هوايي ډګرونو د نورو معیارونو او خدمتونو د وړاندې کولو ډاډ ښودلی.

د افغانستان تر سقوط او واک ته د طالبانو له بیا رسېدو را وروسته ډېرو هېوادونو او نړۍوالو هوايي شرکتونو دغه هېواد ته خپلې الوتنې وځنډلې، چې تر اوسه هم ډېری هېوادونه افغانستان ته مستقیمې الوتنې نه‌لري.

سیاسي شنونکي وايي، چې له مسکو پرته هېڅ هېواد طالبان په رسمیت نه‌دي پېژندلي نو ځکه د هوایي حریم د خوندیتوب په اړه ډاډمن نه‌دي.

دغه سازمان د سې‌شنبې په ورځ د ډسمبر ۱۶مه د یوې اعلامیې په خپرولو سره ویلي، هغه معافیت چې تر دې وړاندې د (SIV) ویزې لرونکو ته ورکړل شوی و، اوس لغوه شوی او له همدې امله زرګونه افغان متقاضیان امریکا ته له سفر څخه پاتې شوي دي. افغان اېواک وايي، دا پرېکړه د سپینې ماڼۍ د هغه نوي فرمان برخه ده، چې د امریکا د سفر بندیز یې لا پراخ کړی دی.

تر دې مخکې، د ځانګړې کډوالۍ ویزه لرونکي افغانان د ټرمپ د حکومت د سفر له بندیز څخه مستثنا وو. دغه کسان د امریکا له ځواکونو، سفارتونو او دولتي بنسټونو سره د مستقیمې همکارۍ له امله د دې ویزې مستحق ګرځېدلي وو.

د افغان اېواک مشر شاون ونډایور ویلي چې د (SIV) ویزه لرونکي د امریکا د کډوالۍ په سیستم کې له تر ټولو سختو او دقیقو امنیتي ارزونو تېر شوي دي. نوموړي د دې معافیت لغوه کېدل یو «قصدي اقدام چې سمدستي بشري پایلې لري» بللی دی.

هغه خبرداری ورکړی، چې دا پرېکړه د کورنیو د جلا کېدو، د زرګونو افغان متقاضیانو د بلاتکلیفۍ او د امریکا د متحدانو د باور د کمزوري کېدو لامل ګرځي، په ځانګړي ډول د هغو افغانانو لپاره چې په تېرو کلونو کې یې په افغانستان کې د امریکايي ځواکونو او ډیپلوماتانو ترڅنګ کار کړی دی.

افغان اېواک همداراز ویلي، چې دا اقدام د امریکا د کډوالۍ له بنسټیزو اصولو لکه د کورنیو د بیا یو ځای کېدو ملاتړ او د امنیتي پرېکړو فردي ارزونې سره په ټکر کې دی او د دې فرمان د عاجلې بیاکتنې او لغوه کېدو غوښتنه یې کړې ده.

په ورته وخت کې، سپینې ماڼۍ اعلان کړی چې ډونالد ټرمپ یو بل فرمان هم لاسلیک کړی چې له مخې یې امریکا ته د پنځو نورو هېوادونو د وګړو داخلېدل په بشپړه توګه منع شوي دي. د دې هېوادونو په ډله کې سوریه، بورکینا فاسو، مالي، نایجریا او سوېلي سوډان شامل دي.

د سپینې ماڼۍ په اعلامیه کې راغلي، چې دا بندیز د هغو فلسطینیانو لپاره هم پلی کېږي چې د فلسطیني خپلواکې ادارې له لوري صادر شوي پاسپورټونه لري. د امریکا حکومت ویلي، دا پرېکړه د ملي امنیت د ساتنې، د کډوالۍ د قوانینو د پلي کېدو او د احتمالي ګواښونو د مخنیوي لپاره اړینه ده.

تر دې وړاندې، ډونالد ټرمپ د غبرګولي په میاشت کې د افغانستان په ګډون د ۱۲ هېوادونو پر وګړو امریکا ته د سفر بندیز لګولی و او همداراز یې د یو شمېر نورو هېوادونو پر وګړو د ویزې د ورکړې بهیر لا محدود کړی و.