د ټرمپ حکومت پر تایوان د ۱۱،۱ میلیارده ډالرو په ارزښت د وسلو د پلور اعلان کړی، خو چین یې پر وړاندې جدي غبرګون ښودلی. په دغو وسلو کې هیمرس توغندويي سیستمونه، هاوانونه، جاولین ټانک ضد توغندي، الټیوس ځانمرګي ډرونونه او نور پوځي تجهیزات شامل دي.
دا د ټرمپ په حکومت کې پر تایوان د سولې پلورنې دویم اعلان دی.
د تایوان حکومت د چین د حاکمیت ادعاوې ردوي، خو بیجینګ د تایوان پر وړاندې پوځي او دیپلوماتیک فشار ته دوام ورکړی دی.
د تایوان د دفاع وزارت په وینا، د وسلو په دې کڅوړه کې هیمرس توغندويي سیستمونه، هاوانونه، جاولین ټانک ضد توغندي، الټیوس ځانمرګي ډرونونه او نور پوځي تجهیزات پکې شامل دي.
د چین د بهرنیو چارو وزارت پر دې معاملې سخت غبرګون وښود او ویې ویل چې دا اقدام د تایوان تنګي سولې او ثبات ته جدي زیان رسوي.
د چین د بهرنیو چارو وزارت ویاند ګوو جیاکون وویل چې امریکا د وسلو په ورکولو سره د «تایوان د خپلواکۍ» ملاتړ کوي او دا کار به ناکام شي.
