د وزلوبې غوره لیګ سیالۍ؛ د کندوز، بغلان او بدخشان لوبډلې تر ټولو ښې ځلېدلې

د افغانستان د فوټسال ملي لوبډله به په ویتنام کې یو روزنیز کمپ کې برخه واخلي؛ ترڅو د ۲۰۲۶کال په اسیا جام کې پیاوړی حضور ولري. د یاد پروګرام د مهالوېش له مخې؛ د افغانستان د فوټسال ملي لوبډله به د مرغومې په ۲۹مه او د ۱۴۰۴کال د سلواغې په لومړۍ نېټه د ویتنام د فوټسال ملي لوبډلې پر وړاندې دوه تمریناتي لوبې ترسره کړي.

دارنګه د فوټبال فدراسیون په وینا؛ ملي لوبډله به د ۱۴۰۴کال د مرغومې له ۶مې تر ۲۶مې پورې د ایران په مشهد ښار کې تمرینات وکړي. د افغانستان فوټبال فدراسیون وړاندې هم اعلان کړی و، چې د هېواد د فوټسال ملي لوبډله به د ۱۴۰۴ کال د لېندۍ له ۲۷مې د مرغومې تر ۲مې نېټې پورې د پنځه ورځني روزنیز کمپ لپاره کوېټ ته سفر وکړي.

د افغانستان د فوټسال ملي لوبډلې تخنیکي کارکوونکو ۱۷ لوبغاړي دغه روزنیز کمپ ته بللي دي، چې په‌کې مهران غلامي، علي رضا جعفري، فرزاد محمودي او محمد رضا کریمي شامل دي.

بلل شوي لوبغاړي:

ګول ساتونکي:
محمدجواد صفري، علي‌رضا جعفري، علي‌احمد محسني.

د میدان لوبغاړي:
مهدي نوروزي (لوبډلمشر)، حمیدرضا حسیني، خداداد ابراهیمي، رضا حسین پور، مهران غلامي، امید قنبري، اکبر کاظمي، محمد مرادي، فرزاد محمودي، سید مرتضی حسیني، سید مجتبی حسیني، سید مرتضی حسیني، سید حسین موسوي، محمدرضا کریمي او عباس حیدري.
ورته مهال د افغانستان د فوټسال ملي لوبډلې لوبډلمشر مهدي نوروزي د ایران غوره لیګ سیالیو پرمهال ټپي شو. د هغه ټپ جدي دی او ښایي په راتلونکو تمریناتو او سیالیو کې ګډون ونه کړي.

د افغانستان فوټبال فدراسیون هم اعلان کړی، چې د فوټسال ملي لوبډله به د ۱۴۰۴کال د سلواغې ۵مه د ۲۰۲۶کال اسیا جام کې د ګډون لپاره اندونیزیا ته ولاړه شي.
د دغه سیالیو وروستی پړاو به د ۱۴۰۴کال د سلواغې له ۷مې تر ۱۸مې نېټې پورې (د ۲۰۲۶ کال د جنورۍ له ۲۷مې څخه د فبرورۍ تر ۷مې نېټې پورې) په اندونیزیا کې ترسره شي، چې ۱۶ لوبډلې به په‌کې ګډون وکړي. د افغانستان د فوټسال ملي لوبډله د دغه سیالیو په څلورم ګروپ کې له ایران، سعودي عربستان او مالیزیا سره هم‌ډلې ده.
د سیالیو بشپړه ډلبندي:
لومړۍ ډله: اندونیزیا، عراق، قرغزستان، سویلي کوریا.
دویمه ډله: ټایلنډ، ویتنام، کوېټ، لبنان.
درېیمه ډله: جاپان، ازبکستان، تاجکستان، اسټرالیا.

څلورمه ډله: ایران، افغانستان، سعودي عربستان، مالیزیا.

قنبري د خپلې ورزشي دورې په ۱۰مه مسلکي مبارزه کې خپله اتمه بریا ترلاسه کړه. هغه ټینګار وکړ، دا یې لویه هیله ده چې د ازاده سیالیو په لوړه کچه لوبه کې برخه واخلي او په UFC سازمان کې شامل شي.

ډېری کارپوهان د دغه لوبغاړي د بریا لړۍ او تخنیکي کیفیت ته په کتو په دې باور دي، که د هغه فعالیت همداسې دوام وکړي؛ نو سخي قنبري به ډېر ژر د نړۍ د ازاده سیالیو ترټولو لوی سازمان ته لاره ومومي.

په خپله وروستۍ لوبه کې دغه افغان لوبغاړي وکولای شوای، چې په لومړي پړاو کې خپل نه ماتېدونکی برازیلی سیال مات کړي. هغه دوه اونۍ وړاندې د سوپریر چېلنج سازمان په سیالۍ کې یو بل برازیلي لوبغاړي ماریو اراجو ته ماتې ورکړې وه.

د افغانستان کرېکټ بورډ د معلوماتو له مخې؛ دغه لوبه به د افغانستان پر وخت د سهار په ۹:۳۰ بجو په متحده عربي اماراتو کې پیل شي او دا د یادې سیالۍ په لړ کې د افغانستان دویمه لوبه ده.

د سریلانکا کرېکټ ملي لوبډلې په خپله لومړۍ لوبه کې نیپال ته په لوی توپیر ماتې ورکړې او دا مهال د دویمې ډلې په سر کې ځای لري. ‌بل خوا، افغانستان په خپله لومړۍ لوبه کې د درېیو وېکټو په توپیر له بنګله‌دېش څخه ماته وخوړه او دا مهال د جدول په درېیم کتار کې ځای لري.

افغان لوبډله به له نننۍ لوبې وروسته، یوه بله لوبه د نیپال پر وړاندې ترسره کړي او که د سریلانکا پر وړاندې بریالۍ شي؛ نو لا هم کولای شي د سیالیو نیمه‌پایلوبې ته د رسېدو چانس ژوندی وساتي.

د اسیا جام د ۱۹ کلنو کرېکټ سیالۍ د اتو لوبډلو په ګډون په دوو ګروپونو کې او د افغانستان په کوربه‌توب په متحده عربي اماراتو کې ترسره کېږي. د دغه سیالیو په لومړي ګروپ کې د هند، پاکستان، متحده عربي اماراتو او مالیزیا لوبډلې شاملې دي، چې هند د پرله‌پسې دوو بریاوو په ترلاسه کولو سره نیمه‌پایلوبې ته لاره موندلې ده.

دغه سیالۍ د ۱۴۰۴کال (د لېندۍ له ۲۱مې تر ۳۰مې) پورې د دوبۍ په ښار کې ترسره کېږي او د «اوول» او «سیونز» لوبغالي د سیالیو کوربه‌توب کوي.
د سیالیو ډلبندي:

لومړۍ ډله: هند، پاکستان، مالیزیا، متحده عربي امارات

دویمه ډله: افغانستان، سریلانکا، بنګله‌دېش، نیپال

د افغانستان د لوبو مهالوېش:

افغانستان – سریلانکا (د لېندۍ ۲۴مه)

افغانستان – نیپال (د لېندۍ ۲۶مه)

په ډله‌ییز پړاو کې هره لوبډله درې لوبې کوي او له هرې ډلې څخه دوه مخکښې لوبډلې د نیمه‌پایلوبې پړاو ته رسېږي.

د ۱۹ کلنو کم‌عمره اسیا جام سیالیو د لومړۍ لوبې پچه افغان لوبډلې وګټله او لومړی یې د توپوهنې پرېکړه وکړه. افغان ځوانانو په پنځوسو اورونو کې د خپلو ۷ لوبغاړو په سوځېدو سیالې لوبډلې ته د ۲۸۴ منډو هدف وټاکه.

د افغان ځوانانو په لوبډله کې فیصل شینوزاده په ۹۴ توپونو ۱۰۳، اوزیرالله نیازي ۴۴، عزیزالله میاخېل ۳۸ ناسوځېدلې او عثمان بصیر ۳۴ تر نورو ډېرې منډې جوړې کړې.

د بنګله‌دېش ځوانانو لوبډلې د خپلو ۷ لوبغاړو په سوځېدو په ۴۸.۵ اور کې دغه هدف پوره کړ او افغان ځوانانو کرېکټ لوبډلې ته یې د ۳ ویکټو په توپیر ماتې ورکړه.

افغان لوبډله به د راتلونکې دوشنبې په ورځ د خپلې دویمې سیالۍ لپاره د سریلانکا پر وړاندې ولوبېږي.

دغه سیالۍ د ډسمبر تر ۲۱مې پورې د افغانستان په کوربتوب په متحده عربي اماراتو کې ترسره کېږي او په‌کې د اسیا ۸ لوبډلې برخه لري.

د افغانستان نوولس کلنه لوبډله نن شنبه د (لیندۍ ۲۲مه) د اسیا جام سیالیو لومړۍ لوبه د بنګله دېش لوبډلې پر وړاندې کوي چې له ټاس ګټلو ورسته افغان لوبډلې د توپ وهنې پرېکړه کړې.

د افغان لوبډلې لوبډلمشر محبوب خان تسکین د افغان لوبډلې د چمتووالي او د سیالیو د کوربتوب په اړه ویلي: «افغان ځوانان د افغان کرکټ راتلونکی دي او موږ پوره تیاري سره دغه سیالیو ته راغلي یو».

یاده دې وي چې د کرېکټ اسیايي شورا د نوولس کلنو لوبغاړو د اسیا جام سیالیو د جام ننداره تېره ورځ د افغانستان کرکټ بورډ د اجراییوي رییس ښاغلي نصیب خان او د ګډون کوونکو لوبډلو د لوبډلمشرانو په شتون کې ترسره شوه.

دغه سیالۍ د ډسمبر تر ۲۱ مې پورې د افغانستان په کوربتوب په متحده عرب اماراتو کې ترسره کېږي او په کې به د اسیا ۸ لوبډلې برخه ولري.