د روسیې د پوځ لوی درستیز والري ګیراسیموف ویلي، چې د پوځ یوه لوا یې د «اورېشنیک» په نوم په لنډ واټن ویشتونکو توغندیو سبمال کړې ده. روسیې د یاد توغندي ځواک له اټومي وسلو سره ورته بللی دی.
د روسیې ټاس خبري اژانس د یاد هېواد د لوی درستیز والري ګیراسیموف له قوله راپور ورکړی، چې روسیې په لومړي ځل د اورېشنیک توغندي د ۲۰۲۴ کال په نومبر کې پر اوکراین توغولي دي.
په ورته مهال د روسیې ولسمشر ولاديمیر پوتین ویلي، چې یاد توغندي د اټومي وسلو په څېر ویجاړوونکی ځواک لري، چې مخنیوي او شنډول یې ناشوني دي.
بل خوا لویدیزو کارپوهانو د روسیې د ددغه ډول توغندیو جوړول مبالغه بللې ده.
