مسعود پزشکیان: خدای موږ د اقتصادي ستونزو له لارې ازمایي
د ایران ولسمشر مسعود پزشکیان وایي، چې هېواد یې د اوبو او برېښنا له جدي بحران او اقتصادي ستونزو سره مخ دی او په وینا یې، دا وضعیت باید د یوه جدي خبرداري په توګه وګڼل شي.
د ایران ولسمشر مسعود پزشکیان وایي، چې هېواد یې د اوبو او برېښنا له جدي بحران او اقتصادي ستونزو سره مخ دی او په وینا یې، دا وضعیت باید د یوه جدي خبرداري په توګه وګڼل شي.
نوموړي د پنجشنبې په ورځ (د لیندۍ ۲۷مه) د «سویلي خراسان ولایت د پروګرام جوړونې او پراختیا شورا» په غونډه کې د وینا پر مهال وویل: «خدای تعالی موږ ازمایي او غواړي موږ راویښ کړي، څو درک کړو چې نور باید د پخوا په څېر کار ونهکړو.»
مسعود پزشکیان ټینګار وکړ، چې د روانو ستونزو پړه یوازې پر یوه لوري نه، بلکې ټول په دې وضعیت کې شریک دي. هغه زیاته کړه: «نهغواړم ووایم، چې پړه د چا پر غاړه ده؛ موږ ټولو خپله ونډه لرلې ده او اوس باید دا حالت اصلاح کړو.»
د ایران ولسمشر په داسې حال کې دا څرګندونې کوي، چې دغه هېواد له اوږدمهاله اقتصادي ننګونو او د انرژۍ له کمښت سره مخ دی.
