په انګلستان کې د افغانانو ټولنې اعلان کړی، چې درېیو افغان سوک وهونکو سمیر کنجي، زین بټ او سلیمان کېنګ د سوکوهنې نړۍوالې شورا (WBC Boxing Club) په سیالیو کې درې د سرو زرو مډالونه ګټلي دي. دغه سیالۍ د انګلستان په ډوور کې ترسره شوې.
محمد صابر عزیزي په دغه سیالیو کې د افغان لوبغاړو د لارښوونې مسوولیت په غاړه لاره. سمیر کنجي د سیالۍ په لومړۍ ډله کې د ۵۷ کیلوګرامه وزن په کټګورۍ کې د انګلستان په استازیتوب د لوبو ډګر ته ښکته شو او د سرو زرو مډال یې وګاټه.
زین بټ هم په لومړۍ ډله کې د ۶۳ کیلوګرامه وزن په کټګورۍ کې د «Southall ABC» کلب په استازیتوب د لوبو ډګر ته ښکته شو او له بریالي فعالیت سره یې لومړی مقام ترلاسه کړ.
سلیمان کېنګ د سیالۍ په دویمې ډله کې د ۸۱ کیلوګرامه وزن په کټګورۍ کې د خپلو سیالانو په ماتولو سره لومړی مقام او د سرو زرو مډال وګاټه.
د دویم پړاو الف ډله کې کندوز لوبډلې خپله دویمه بریا ترلاسه کړه. بغلان چې په ب ګروپ کې دی، خپله لومړۍ بریا یې د بلخ پر وړاندې ترلاسه کړه او بدخشان هم په دغه سیالیو کې خپله دویمه پرلهپسې بریا ثبت کړه. دغه ډلهییزې سیالۍ به تر نیمه پایلوبې دوام وکړي.
د اتو غوره لوبډلو ډلبندي:
الف ډله: بدخشان، کندوز، هرات او پنجشېر
ب ډله: تخار، سرپل، بغلان او بلخ
د دویم پړاو سیالیو پر دوام، نن به درې لوبې ترسره شي:
سرپل – بلخ
بغلان – تخار
کندوز – بدخشان
