د «رکنا» په نوم وېبپاڼې راپور ورکړی، چې د تهران په سوېل کې یو کس د یلدا شپې لپاره د انارو د اخیستو پر مهال د بیې پر سر لفظي شخړه کړې، چې له امله یې زړه درېدلی او مړ شوی دی.
د راپور له مخې، هغه له انار پلورونکي سره تر لفظي شخړې وروسته ناڅاپه پر ځمکه راولوېد او که څه هم روغتون ته ولېږدول شو، خو ژوند یې له لاسه ورکړ.
د رکنا د راپور له مخې، د قضیې څېړونکي دا مړینه «مشکوکه» بللې او حکم یې کړی چې د یاد کس مړی د عدلي طب مرکز ته ولېږدوي، تر څو د مرګ دقیق لامل یې وڅېړل شي.
د عیني شاهدانو په وینا، انار پلورونکی له پېښې وروسته له سیمې تښتېدلی دی.
