د نړۍوال فوټبال فدراسیون (فیفا) لهخوا په تازه نړۍواله درجه بندۍ کې د افغانستان د فوټبال ملي لوبډله پرته له کوم بدلون څخه د نړۍ په ۱۶۲م او په اسیا کې په ۳۱ مقام کې پاتې شوې ده. په دې درجه بندۍ کې اسپانیا، ارجنټاین او فرانسه لوبډلې په ترتیب له لومړي څخه تر درېیم مقام پورې دي.
په اسیا کې بیا جاپان، ایران او جنوبي کوريا لوبډلې په ترتیب له لومړي تر درېیم ځایونه خپل کړي دي.
د دې درجه بندۍ لهمخې، د ویټنام لوبډله درې درجې پورته شوې او تر ټولو زیات پرمختګ یې ثبت کړی او د فلسطین لوبډله د ۱۴.۱۸ امتیاز په ترلاسه کولو سره تر ټولو د زیات امتیاز ي پرمختګ کړی دی.
بلخوا بیا د مالیزیا لوبډله پنځه درجې ښکته شوې، چې تر ټولو زیات کمښت یې تجربه کړی او د ۲۲.۵۲ منفي امتیاز سره تر ټولو ډېر امتیازي کمښت لري.
د افغانستان د فوټبال ملي لوبډلې ځای په دې درجه بندۍ کې د تېر ځل په پرتله هېڅ بدلون نهدی کړی.
د ډلبندۍ په لوبه کې بیا د بغلان ټیم د کندز پر وړاندې په ۶-۴ بریالی شو او درېیم ځای یې وموند.
د پایلوبې ستوری عمر بیک و، چې په دې لوبه کې یې پنځه وزې ترلاسه کړې او د خپل ټیم په بري کې یې ټاکونکی رول ولوباوه.
نوموړی په نیمه پایلوبه کې هم وځلېد و او پنځه امتیازونه یې ترلاسه کړي وو.
دغه سیالۍ د لیندي پر ۲۱مه د ۱۱ ټیمونو په ګډون پیل شوې وې او له لسو ورځو پرلهپسې سیالیو وروسته د دوشنبې په ورځ پای ته ورسېدې.
