د خېبرپښتونخوا اعلی وزیر: اساسي قانون موږ ته د سوله‌ییز لاریون حق راکوي، حتما به یې کاروو

اڅکزي د چارشنبې په ورځ، د مرغومي درېیمه، د پاکستان د پخواني صدراعظم عمران خان د خوشې کېدو په تړاو جوړې شوې دوه ورځنۍ ناستې ته د وینا پر مهال وویل، ډېری افغان ماشومان په پاکستان کې زېږېدلي، همدلته لوی شوي او زده‌کړې یې کړې دي، خو اوس په سپک او غیر اخلاقي ډول له هېواده ایستل کېږي، چې دا چاره به جدي منفي پایلې ولري.

نوموړي پر پاکستاني پوځ غږ وکړ چې د دغو اقداماتو پایلې وارزوي او زیاته یې کړه: «یو هېواد چې له چین سره له شک او اندېښنو سره مخ وي، له هند سره په جګړه کې وي، او بیا غواړي افغانستان د پنځمې صوبې په توګه تصور کړي؛ دا امکان نه لري. که دا لاره تعقیب شي، نو پایله به یې یوازې تباهي وي».

د محمود خان اڅکزي څرګندونې په داسې حال کې دي چې نږدې درې میاشتې کېږي د پاکستان پولیسو د دغه هېواد په بېلابېلو ښارونو کې د افغان کډوالو پر ضد د پلټنو، نیونو او جبري ایستلو پراخ عملیات پیل کړي دي. همداراز د دواړو هېوادونو ترمنځ لارې تړل شوې دي، چې دې وضعیت د بشري او سیاسي اندېښنو کچه لوړه کړې ده.

دغه بريد پرون د شنبې په ورځ شوی، چې هېڅ مرګ‌ژوبله نه لري او بريدګر هم له سيمې په تیښته بریالي شوي.

پاکستاني چارواکي وايي، چې بريد په پلان شوې بڼه ترسره شوی دی.

چارواکي ادعا کوي، چې په سيمه کې د افغان کډوالو له ياد کمپ څخه پخوا هم ورته بريدونه ترسره شوي وو، او وسله‌والو له دې ځای څخه د پټېدو لپاره ګټه اخیستله.

د پاکستاني رسنیو د راپور له مخې، په دغه کمپ کې ټول ۲،۵۶۷ افغان کډوال اوسېدل، چې له دې ډلې ۱،۷۰۰ تنه له دې وړاندې افغانستان ته ستانه شوي وو.

همداراز، ۱۲۰ کسان (۲۰ کورنۍ) پرون شپه افغانستان ته ولېږل شول او پاتې نورو ته ويل شوي، چې ژر تر ژره کمپ تخليه کړي.

په دې کمپ کې هغه افغانان وو چې د POR کارتونه او ACC کارتونه یې درلودل، او غیرقانوني اوسیدونکي وو.

د مُحسن داوړ په وینا، د بنو ولسوالۍ د جاني‌خېل په ولي نور سیمه کې د پوځ پر یوه چېک‌پاینټ د وسله‌والو له برید وروسته پاکستاني پوځ بیا د ولسي وګړو پر اسوګنیزو کورونو د هاوان مرمۍ په توغولو سره شپږ ځايي اوسېدونکي ټپيان کړي دي.

داوړ د شنبې په ماخوستن (د لیندۍ ۲۹مه) په خپله اېکس‌پاڼه زیاته کړې: «د دغو بریدونو په پایله کې د عمران وزیر د کورنۍ شپږ غړي ټپيان شوي دي. دا دولتي ترهګري ده».

له دې سره سم، عمران وزیر چې د ملي ډيموکراټيک غورځنګ غړی دی وايي، د پاکستاني پوځ په دغو ړندو او بې هدفه توغندیز بریدونو کې یې د کورنۍ ۶ غړي سخت ټپيان شوي دي.

هغه د پاکستان د پوځ دغه چاره «ټولییزه سزا او جنګي جرم» بللی دی.

د پاکستان پوځ لا تر اوسه د دغه برید په تړاو څه نه‌دي ویلي.

د جرګې مشر کمال‌الدین ویلي، د ۲۴ کسیزې قبایلي جرګې او د خیبر د مرستیال کمشنر ترمنځ تړون لاسلیک شوی دی. د تړون له مخې، د میدان له سیمې څخه د خلکو کډوالي به د جنورۍ له ۱۰مې پیل او تر جنورۍ ۲۵مې پورې به سیمه په بشپړه توګه خالي شي.

د دوی په وینا، امنیتي عملیات به شاوخوا دوه میاشتې دوام وکړي، او د اغېزمنو کورنیو بېرته ستنېدل به د اپرېل له ۵مې پیل شي.

د تړون له مخې، که کوم کور په بشپړه توګه ونړېږي، ۳۰ لکه روپۍ معاوضه ورکول کېږي، او که کور ته جزوي زیان ورسېږي، ۱۰ لکه روپۍ به ورکړل شي.

هرې اغېزمنې کورنۍ ته به سمدستي ۲ لکه او ۵۰ زره روپۍ نغدي مرسته ورکول کېږي، او کډوالو کورنیو ته به هره میاشت ۵۰ زره روپۍ مالي مرسته او د وړیا ترانسپورټ اسانتیا هم برابره شي.

په دغه سیمه کې د اپریدي قوم شپږ څانګې مېشتې دي چې نفوس یې شاوخوا ۱۳۰ زره کسان دي.

دولتي چارواکوهم افغانستان انټرنشنل ته د دغه خبر پخلی کړی او ویلي دي چېپه تېرو څلورو کلونو کې د سیمې امنیتي وضعیت ناوړه و، چې له امله یې دا پرېکړه شوې ده.

ځایي چارواکو ویلي، بریدګرو نن جمعه(د لېندۍ ۲۸مه) لومړی پر امنیتي پوستې ډزې کړې او وروسته یې هڅه کړې چې دغه مرکز ته ننوځي. ویل کېږي، چې برید د چاودېدونکو توکو ډک موټر او د ځانمرګي واسکټونو پر مټ شوی دی.

سرچینې زیاتوي، د وسله‌والو او امنیتي ځواکونو ترمنځ نښته شاوخوا درې ساعته روانه وه چې په پایله کې یې ټول پنځه بریدګر چې څلور یې وسله‌وال او یو یې د موټر بم چلوونکی (ځانمرګی بریدګر) و، وژل شوي.

د راپورونو له مخې؛ د چاودنې غږ تر شاوخوا ۲۵ کیلومتره لرې، په میرانشاه ښار کې هم اورېدل شوی، چې له امله یې ځینې هټۍ، کورونه او جوماتونه هم زیانمن شوي او یوشمېر ملکي وګړي ټپیان شوي چې تراوسه یې د چارواکو له‌خوا کره شمېر نه‌دی شریک شوی.