د ملګرو ملتونو د ماشومانو د ملاتړ صندوق (یونېسف) وایي، چې په ۲۰۲۵کال کې تر ۲.۶ مېلیونه ډېر کډوال افغانستان ته ستانه شوي دي. دغه بنسټ خبرداری ورکړی، چې د ستنېدونکو کډوالو پراخې څپې او وچکالۍ د ماشومانو پر ژوند او روغتیا ناوړه اغېزه کړې ده.
د یونېسف د راپور له مخې؛ د روان کال تر نهمې میاشتې پورې یوازې نږدې یو مېلیون کډوال له ایران نه افغانستان ته ستانه شوي دي. په هرات کې د یونېسف مشره فتیحه عمر حسن وایي، وچکالي او کډوالي هغه دوه مهم لاملونه دي چې ماشومان یې له لومړنیو توکو، د څښاک پاکو اوبو او بنسټیزو خدمتونو بېبرخې کړي دي.
یونېسف د چین له مرستو هم مننه کړې او ویلي یې دي، چې د چین د نړۍوالې پراختیایي ادارې (CIDCA) په مرسته د حفظالصحې توکي پر کورنیو وېشل شوي دي. د راپور له مخې؛ ۲۶زره او ۲۰۰ د حفظالصحې کېټونه پر خلکو وېشل شوي، چې ۷زره یې په لوېدیځو ولایتونو کې وېشل شوي دي. همداراز ۴۲زره نور توکي په جلا ډول وېشل شوي؛ څو د ناپاکو اوبو له امله د کولرا، نس ناستي او نورو ناروغیو په مخنیوي او درملنې کې مرسته وکړي.
د خبرپاڼې له مخې؛ د دغه صادراتو ټولیز ارزښت ۸۰ مېلیونه او ۴۵۰زره افغانۍ دی، چې په لومړي پړاو کې د ۲۳ مېلیونه او ۴۵۰زره افغانیو په ارزښت یوه جوپه صادرېږي.
