د ایران په کرمان ولایت کې د امنیتي او انتظامي چارو مرستیال رحمان جلالي ویلي، چې په دغه ولایت کې د امنیتي او انتظامي چارو ادارې د یو میاشتني عملیاتو په ترڅ کې د افغانانو په ګډون ۷زره بېاسناده کډوال نیولي او له دغه هېواده یې اېستلي دي.
د هغه په وینا؛ په دغه عملیاتو کې یوه لویه د انساني قاچاق شبکه هم لهمنځه وړل شوې او د دغه شبکې مشر نیول شوی، چې د څېړنو لپاره امنیتي ادارو ته سپارل شوی. د کرمان د امنیتي او انتظامي چارو مرستیال رحمان جلالي ویلي، چې دغه عملیات په پلان شوي ډول د بېاسناده کډوالو د راټولولو او لېږد پر ځایونو ترسره شوي دي. هغه خلکو ته خبرداری ورکړی، چې د بېاسناده کډوالو لپاره د کورونو، بانکي کارتونو، موټرو، سیمکارټونو او د کار زمینې برابرول باید سملاسي ودرول شي.
دا په داسې حال کې ده چې تېره ورځ د بلوچستان ځایي چارواکو ویلي و، ۱۷۹ تنه افغانان چې ښځې او ماشومان هم پهکې شامل دي؛ د پاکستان خاورې ته د ناقانونه داخلېدو او له دغه هېواده په ناقانونه لارو ایران ته د تګ په تور نیول شوي دي.
د دغه چارواکو په وینا؛ یاد کسان د بلوچستان ایالت په چاغي سیمه کې نیول شوي دي.
د خبرپاڼې له مخې؛ د دغه صادراتو ټولیز ارزښت ۸۰ مېلیونه او ۴۵۰زره افغانۍ دی، چې په لومړي پړاو کې د ۲۳ مېلیونه او ۴۵۰زره افغانیو په ارزښت یوه جوپه صادرېږي.
