د تازه شمېرو لهمخې، په ۲۰۲۵ کال کې ۴۱۴۷۲ کډوال د کوچنیو بېړیو په وسیله د مانش کانال له لارې برېتانیا ته اوښتي دي. د یاد کانال له لارې برېتانیا ته د کډوالو د اوښتو تر ټولو ډېر شمېر چې ۴۵ زره کسان کېدل په ۲۰۲۲ کې ثبت شوي وو.
د برېتانیا د کډوالو سرشمېرنه په ۲۰۲۸ کال پیل شوه او دغه هېواد ته د مانش کانال له لارې په ۲۰۲۲ کال کې تر ټولو ډېر کډوال ننوتلي وو.
د کډوالو د شمېر زیاتوالي د برېتانیا پر لومړي وزیر کییر سټامر هم فشارونه زیات کړي دي.
د کډوالو یادې شمېرې پر داسې محال خپرېږي، چې د برېتانیا د اصلاحاتو ګوند په مشرۍ د نایجل فراژ په مي میاشت کې د سیمهییزو ټاکنو څخه مخکې په نظر پوښتنو کې زیات محبوبیت موندلی دی.
د برېتانیا د کورنیو چارو وزارت معلومات ښيي، چې په تېر میلادي کال کې له ۴۱ زره زیات کډوال په کوچنیو بېړیو کې برېتانیا ته داخل شوي دي، خو یاد هېواد ته په لوړ شمېر کې د کډوالو داخلېدو ریکارډ په ۲۰۲۲ کال کې ثبت شوی دی.
کېیرسټارمر ژمنه کړې وه، چې د غېرقانوني کډوالۍ ستونزې د حل ترڅنګ به د انساني قاچاقبرانو د ډلو لهمنځه وړلو په برخه کې مبارزه وکړي، خو تر اوسه یې د خپل ګوند د مخکېنیو چارواکو په څېر په دې برخه کې کوم د پام وړ لاسته راوړنه نه ده لرلې.
د برېتانیا د کورنیو چارو وزیرې شبانه محمود د تېرکال په نومبر میاشت کې ویلي و، چې غېر منظمه کډوالي «زموږ هېواد ټوټه ټوټه کوي.»، په ورته مهال د یاد وزارت ویاند د کوچنیو بېړیو له لارې برېتانیا ته د کډوالو د شمېر زیاتېدل د شرم وړ وبلل.
د رسمې شمېرو لهمخې، په برېتانیا کې د پناهغوښتنې غوښتنلیکونه هم لوړې کچې ته رسېدلي دي.
