هندي رسنۍ: یو افغان وګړی د سفر جعلي اسنادو د کارولو تور نیول شوی

د طالبانو په سرې میاشتې ټولنې عمومي مشر شهاب الدین دلاور له خوا زیاتره ګمارنې له یوه ولایت څخه شوي دي، چې ځيني یې د دغه ادارې په صادر شویو مکتوبونو کې روښانه کېږي.

په دې ډله کې د کندهار ولایت د سرې میاشتې ټولنې د کارکوونکو چارو رئیس حافظ محمد مدنی لرې او پر ځای یې د لوګر ولایت اوسېدونکی شفیق الله امیني ټاکل شوی دی.
په دې ګمارنو کې د ننګرهار ولایت د سرې میاشتې ټولنې د نړیوالو اړیکو رییس غلام حبیب حسام لرې شوی او پر ځای د لوګر ولایت اوسېدونکی زرخان احمدزی ټاکل شوی دی.
د کابل ولایت د سرې میاشتې ټولنې د صحی چارو رییس فیصل احمدزی لرې او پرځای یې د لوګر ولایت اوسېدونکی عبدالله عرفان ګمارل شوی دی.
د بامیانو ولایت د سرې میاشتې ټولنې د حوادثو رییس محمد صالح اخندزاده لرې شوی او پرځای یې د لوګر یو اوسیدونکی ټاکل شوی دی.
د تخار ولایت د سرې میاشتې ټولنې د سکرتر جنرال عملیاتي مرستیال عبدالطیف ثابت پرځای د لوګر ولایت اوسیدونکی روح الله وګمارل شوی دی.
د بغلان ولایت د سری میاشتی د قلبی شفاخانی رییس جان محمد موسی زی پرځای د لوګر ولایت اوسیدونکی فضل ټاکل شوی دی.

د سرې میاشتې ټولنې د صحی ریاست عملیاتی امر عبدالحی جلیلی ګوښه او پرځای یې د لوګر ولایت لعل محمد احمدزی و ټاکل شو.
د کاپیسا ولایت د سرې میاشتې ټولنې د سوانحو امر لطف الرحمن منصور لرې او پرځای یې د لوګر اوسیدونکی عبدالبر ګمارل شوی دی.
د لغمان ولایت د سرې میاشتې ټولنې د ظرفیت لوړونی امر استاد جلیل یوسفزی لرې او پرځای یې د لوګر ولایت اوسیدونکی عبدالعلیم احمدزی ټاکلی دی.

د طالبانو په سرې میاشتې ټولنه کې سرچینو وویل، چې په ځینو ټاکنو کې د طالبانو د سرې میاشتې عمومي مشر شهاب دلاور د زامنو په مستقیمې مداخلې له مخې هم ګمارنې شوي دي.

تیره ورځ افغانستان انټرنشنل - پښتو د سندونو له مخې راپور خپور ورکړ، چې د طالبانو تر واک لاندې د افغاني سرې میاشتې ټولنې عمومي مشر شهاب الدین دلاور د خپلې لور خسر «مولوي حفیظ الله» په سره میاشت ټولنه کې په لومړی بست کې د خپل مشاور په توګه ټاکلی دی. سرچینې وايي، چې مولوي حفیظ الله د سرې میاشتې د قراردادونو په فساد کې پراخ لاس لري.

د روان کال د مرغومي پر ۲مه افغانستان انټرنشنل - پښتو داسې سندونه ترلاسه کړل، چې له مخې د طالبانو تر واک لاندې د افغاني سرې میاشتې ټولنې عمومي مشر شهاب الدین لاور خپل زوم شکرالله شاکر په خپله اداره کې د یوه کال په موده کې څوځله پر بېلابېلو څوکیو ګومارلی دی. په یوه مکتوب کې لیدل کیږي چې شکرالله شاکر ځان پخپله د خپل خسر د دفتر رییس ټاکلی دی.

له وړاندې هم افغانستان انټرنشنل ـ پښتو ته رسېدلو سندونو کې ښودل شوې، چې د طالبانو د افغاني سرې میاشتې ټولنې مشر شهاب الدین دلاور خپل څو تنه نژدې کسان له کانونو وزارت څخه بېولي او په دې ټولنه کې یې مقرر کړي دي.

دا په داسې حال کې ده، چې د ملا هبت الله د فرمانونو او حکمونو د تعقیب او نظارت ریاست څه موده وړاندې د طالبانو ټولو ملکي او نظامي ادارو ته لارښوونه کړې وه، چې د دې ډلې د مشر له فرمان څخه اطاعت وکړي، چې وايي، « د خپلوۍ او انډيوالۍ پر بنسټ دې په ادارو کې څوک نه ګوماري».

په دغه مکتوب کې، چې افغانستان انټرنشنل - پښتو ته هم رسېدلی و، ویل شوی وو، چې «د خپلوۍ له مخې د اشخاصو ګومارل د الله د نارضایتۍ او عذاب سبب کیږي»

د یادونې وړ ده، چې د څو پرلپسې راپورونو خپرېدو سره لاتروسه د طالبانو د سرې میاشتې ټولنې رییس شهاب الدین دلاور کوم غبرګون نه دی ښودلی.

اصف دراني د جمعې په ورځ، د مرغومي ۱۲مه، پر ایکس خواله رسنۍ ویلي: «د طالبانو د واکمنۍ پر مهال افغانستان د ډبرین عصر پر لور روان دی. ښځې بې‌سواده پرېښودل شوې دي، داسې ښکاري لکه شتون یې چې هېڅ ارزښت ونه لري.»

نوموړي د افغانستان د پخواني حکومت پر چارواکو هم نیوکه کړې او لیکلي یې دي، چې «سلګونه پخواني قومندانان او چارواکي، چې په تېرو دوو لسیزو کې یې هېواد وران کړ، اوس په هوسا ژوند کې شپې سبا کوي.»

اصف دراني زیاته کړې، چې د پاکستان هر اقدام د افغانانو له لوري له طعنو، ملامتیو او نیوکو سره مخ کېږي. هغه طالبانو ته په خطاب کې لیکلي: «سړی حیران پاتې کېږي چې دا د کوم ډول اسلام استازیتوب کوئ. خدای دې پر افغانستان رحم وکړي.»

د طالبانو او پاکستان ترمنځ اړیکې تر دې وړاندې هم د نښتو، سوداګریزو لارو د تړل کېدو او د دوه‌اړخیزې سوداګرۍ د درېدو له امله ترینګلې شوې وې، چې دا مهال د دواړو لورو اړیکې تر ټولو ټیټې کچې ته رسېدلې دي.

اصف دراني تر دې وړاندې هم ویلي وو، چې په پاکستان کې هېڅوک د «طالبانو اسلام» نه غواړي او دا ډول تفکر د سیمې لپاره د منلو وړ نه دی.

په یوه ویډیو کې چې افغانستان انټرنیشنل ته رسېدلې، د خلکو یوه ډله لیدل کېږي، چې پر طالبانو د ډبرو ګوزارنه کوي او د ډزو غږونه هم اورېدل کېږي.

په ویډیو کې ښکاري چې له ډزو وروسته ځایی خلک له سیمې څخه تښتي.

په ویډیو کې د سرو زرو د کان کیندنې شرکت وسلوال هم ښودل کېږي، چې په درنو تجهیزاتو سمبال دي.

د طبیعي پېښو پر وړاندې د مبارزې ادارې تېره ورځ ویلي، چې دغه مرګ‌ژوبله په یو شمېر ولایتونو کې د سختو بارانونو او سېلابونو له امله رامنځته شوې ده.

د هرات لپاره د طالبانو د والي ویاند محمد یوسف سعیدي هم ویلي، چې د وژل شویو کسانو له ډلې پنځه یې د یوې کورنۍ غړي دي.

د طالبانو د طبیعي پېښو سره د مبارزې د ادارې ویاند محمد یوسف حماد ویلي، چې سېلابونو زیربناوې زیانمنې کړې، ګڼ شمېر څاروي له منځه تللي او ۱۸۰۰ کورنۍ یې اغیزمنې کړې دي.

هغه د پنجشنبې په ورځ، د جنورۍ په لومړۍ نېټه په یوې ویډیو کې ټینګار وکړ، چې په تېرو دوو ورځو کې سختو بارانونو او درنو واورو له امله په یو شمېر ولایتونو کې سېلابونه راوتلي دي.

دغه سېلابونه په کاپیسا، پروان، دایکندي، ارزګان، کندهار، هلمند، بادغیس، فاریاب، بدخشان، فراه او هرات ولایتونو کې راوتي دي.

د طالبانو د طبیعي پېښو سره د مبارزې دفتر په وینا، په دې دوو ورځو کې په طبیعي پېښو کې ۲۷۴ کورونه په بشپړه توګه وېجاړ شوي او ۵۱۸ کورونه زیانمن شوي دي.

په دې ولایتونو کې اته جوماتونه، ۲۰۹ کیلومتره سړکونه، ۱۱ دوکانونه او اته پلونه په بشپړه توګه وېجاړ شوي دي.

د طبیعې پېښو سره د مبارې دفتر په وینا، ۱۰۲۱ کاریزونه او د اوبو لارې او ۱۳ زره او ۹۴۱ جریبه کرنیزه ځمکه او ۲۵۸ ونې هم وېجاړې شوې دي.

د طالبانو د طبیعي پېښو سره د مبارزې دفتر ویاند وویل، چې دغو طبیعي پېښو په فراه ولایت کې د پام وړ مالي زیانونه اړولي دي. هغه په ​​فراه کې د زیانونو په اړه جزییات ورنه کړل.

د طالبانو د اوبو او برېښنا وزارت د جمعې په ورځ (د مرغومي ۱۲مه) د یوې خبرپاڼې په خپرولو سره ویلي، چې د یاد وزارت وزیر عبدالطیف منصور ویلي دي د دې پروژې تطبیق به د تخار ولایت په درقد ولسوالۍ کې د کرنیزو ځمکو او د یادې ولسوالۍ د خلکو د ځان او مال د ساتنې په برخه کې مهم او حیاتي رول ولوبوي.

د دغه قرارداد پر بنسټ، په یتیم تپې سیمه کې د سیند څنډو د ټینګښت پروژه د ۱۲۰۰ متره په اوږدوالي او ۲۱ متره سور په درلودلو سره به د نوموړي شرکت له لوري د ساحې تر سپارلو وروسته د یوه کال په موده کې تطبیق شي.

د طالبانو په اعلامیه کې راغلي، چې په دې وروستیو کلونو کې د امو سیند څنډو د ټینګښت پروژه د اوبو او انرژي وزارت له بنسټیزو اقداماتو څخه ګڼل کېږي او په همدې برخه کې د هېواد په شمالي ولایتونو کې بېلابېلې پروژې پلې شوي چې په پایله کې د ګڼ شمېر هېوادوالو ځان شتمني او کرنیزې ځمکې د سیند د ویجاړیو له ګواښه خوندي شوي دي.