د پاکستان او سعودي د بهرنیو چارو وزیرانو د سیمې د وضعیت په اړه ټیلیفوني خبرې کړي

کارلوس خمنیز د جمعې په ورځ (د مرغومې ۱۲مه) په خپله اېکس‌پاڼه لیکلي: «ازادي دې وي د ایران د زړورو ښځو او نارینه وو لپاره، دا بد او ظالمه دیکتاتوري باید د تاریخ «خځل‌ځي»ته وغورځول شي».

د ایران په بېلابېلو ښارونو کې د خلکو اعتراضونه لا هم دوام لري. د سراسري اعتراضونو په شپږمه ورځ، په زاهدان ښار کې معترضانو د حکومت پر ضد شعارونه ورکړل، چې پکې «مرګ پر دیکتاتور»، «مرګ پر خامنه‌يي» او «ایرانه غږ پورته کړه، خپل حق په چیغو وغواړه» شامل و.

تر دې مخکې ډونالډ ټرمپ هم اعلان وکړ، که ایران «پر سوله‌ییزو معترضانو ډزې وکړي او هغوی د تاوتریخوالي په شکل ووژني»، نو متحده ایالات به د خلکو د ژغورلو لپاره اقدام وکړي.

د ټرمپ دې څرګندونو ته ایراني سیاستوال هم چوپ پاتې نه‌شول. د ایران د پارلمان رییس محمدباقر قالیباف په ایران کې د روانو لاریونونو په اړه د ټرمپ څرګندونو ته په غبرګون امریکا ته خبرداری ورکړ، چې د هر ډول احتمالي بې پروا اقدام په صورت کې به ټول امریکايي مرکزونه او ځواکونه هدف وګرځول شي.

د ایران د بهرنیو چارو وزیر عباس عراقچي په دغه هېواد کې روانو لاریونونو او د ټرمپ وروستیو څرګندونو ته په اشارې ویلي، چې د حاکمیت د نقضېدو په صورت کې دوی پوهیږي، چې کوم ځای په نښه کړي. نوموړي زیاته کړې: «د ټرمپ پیغام احتمال لري د هغو کسانو تر اغېز لاندې وي، چې له ډیپلوماسۍ وېرېږي».

محمد باقر قالیباف په ایران کې د روانو لاریونونو په اړه د امریکا د ولسمشر ډونالډ ټرمپ د وروستیو څرګندونو په تړاو امریکا ته په اشاره په خپله اېکس پاڼه لیکلي:« د شیطان چېغې پورته شوې، ځکه چې د جاسوسي خدماتو د وسله‌والو جاسوسانو هغه هڅه چې د خلکو مشروع لاریونونه په تاوتریخوالي او وسله‌والې جګړې بدل کړي له ناکامۍ سره مخ شول».

نوموړي د جمعې په ورځ (د مرغومي ۱۲مه) په خپله اېکس پاڼه ویلي، چې د ایران ولس د تاریخ په اوږدو کې خپل دښمنان همداسې مایوسه کړي او ایران هېڅکله د اعتراض کوونکو صف له بهرنیو «مزدورانو» سره برابر نه‌ګڼي.

نوموړي د ډونالډ ټرمپ څرکندونو ته په اشارې امریکا ته خبرداری ورکړی، چې د هر ډول احتمالي بې پروا اقدام په صورت کې به په سیمه کې ټول امریکايي مرکزونه او ځواکونه هدف وګرځوي.

ټرمپ: که ایران پر لاریونوالو ډزې وکړي، امریکا به د هغوی د ژغورلو لپاره اقدام وکړي | افغانستان انټرنشنل پښتو

دا په داسې حال کې ده، چې د امریکا ولسمشر نن د جمعې په ورځ ویلي، که د ایران حکومت پر سوله‌ییزو لاریونوالو ډزې وکړي او هغوی په تاوتریخوالي سره ووژني، نو امریکا به د دغو خلکو د ژغورلو لپاره لاس په کار شي.

جواد ظریف د جمعې په ورځ (د مرغومي ۱۲مه) له الجزیرې ټلویزیون سره په مرکه کې په ایران کې د وروستیو لاریونونو او په سیمه کې د اسراییل او امریکا اړیکو، ډيپلوماسۍ، فشارونو او فعالیتونو په اړه خبرې کړي.

ظریف ویلي، له دې کړکېچه وتل هغه مهال شونې دي، چې امریکا د اسراییل پر ځای د خپلو ملي ګټو د ملاتړ پرېکړه وکړي.

یو شمېر نورو ایراني چارواکو هم په ایران کې د وروستیو لاریونونو په اړه د اسراییل او امریکا پر مداخلې نیوکه کړې او دا یې په خپلو کورنیو چارو کې د دوی لاسوهنه یاده کړې ده.

د ټرمپ څرګندونو ته د عراقچي غبرګون؛ د حاکمیت د نقض په صورت کې پوهېږو کوم ځای په نښه کړو | افغانستان انټرنشنل پښتو

د ایران بهرنیو چارو وزیر سید عباس عراقچي هم ویلي، چې ځواکونه یې تیار دي او د هغو ځواب ورکوي، چې د دوی حاکمیت تر پښو لاندې کړي.

د فرانس پرېس خبري اژانس د راپور له مخې، د حضرموت په سیمه کې د سویلي انتقالي شورا مشر محمد عبدالملک د جمعې په ورځ، د مرغومي ۱۲مه، ویلي چې پر یاد کمپ اووه هوايي بریدونه شوي دي. هغه زیاته کړې چې د کمپ ځواکونه وتوانېدل یو «ځمکنی برید» هم پر شا وتمبوي.

عبدالملک د مرګ‌ ژوبلې کره شمېر نه دی ښوولی، خو تایید یې کړې چې بریدونو ځاني تلفات او مالي زیانونه اړولي دي.

تر دې برید څو ساعته وړاندې، په یمن کې د سعودي عربستان سفیر محمد ال جابر په اېکس خواله رسنۍ کې ولیکل چې د سویلي انتقالي شورا، چې د متحده عربي اماراتو له ملاتړ برخمنه ده، د مرغومي ۱۱مه د عدن په نړیوال هوايي ډګر کې د ریاض د یوه پلاوي الوتکې ته د ناستې اجازه ورنه کړه.

د ال جابر په وینا، دا پرېکړه د دې ډلې د مشر عیدروس الزبیدي په مستقیم امر شوې ده.

عباس عراقچي د جمعې په ورځ (د مرغومي ۱۲مه) ویلي، چې په ایران کې د اسعارو د تبادلې د لنډمهاله بې ثباتۍ له امله د اغېزمنو کسانو سوله‌ییز لاریونونه د دوی قانوني حق دی.

نوموړي دغو لاریونونو ته د امریکا د ولسمشر وروستیو څرګندونو ته په اشارې ویلي، چې «د ټرمپ پیغام دا احتمال لري، چې د هغو کسانو تر اغېز لاندی وي، چې له ډیپلوماسۍ وېرېږي او غلط باور لري».

نوموړي همداراز خبرداری ورکړی، چې پر ډیپلوماسي غلط باور خطرناکې پایلي لرلی شي.

هغه د ټرمپ له‌خوا د امریکا په پولو کې د ملي ګارد ځای پر ځای کولو ته په اشارې زیاته کړې: «ټرمپ باید پوه شي، چې پر عامه ملکیتونو جرمي بریدونه نه‌شي زغملی».

عباس عراقچي زیاته کړې، چې د ایران ولسونه په خپلو کورنیو چارو کې هر ډول لاسوهنه ردوي او ځواکونه يې تیار دي، چې د ایران د حاکمیت د نقضېدو په صورت کې خپل هدف وټاکي.

تر دې وړاندې د ایران د ملي امنیت عالي شورا منشي علي لاریجاني ویلي، د ایران په روانو لاریونونو کې د امریکا او اسراییل لاسوهنه د ټولې سیمې د بې‌ ثباته کولو او د امریکا د ګټو له‌منځه وړلو معنا لري.

هغه زیاته کړې، د امریکا خلک باید پوه شي، چې دا ماجرا ټرمپ پیل کړې ده او دوی باید د خپلو سرتېرو خوندیتوب ته جدي پاملرنه وکړي.

ټرمپ د جمعې په ورځ «د مرغومي ۱۲مه» چې په ایران کې د روانو لاریونونو له شپږمې ورځې سره برابره ده، پر «ټروت» خواله رسنۍ لیکلي، چې په تاوتریخوالي سره د لاریونوالو وژنه د ایران د حکومت «پخوانۍ کړنلاره» ده او واشنګټن به په داسې حالت کې غبرګون وښيي.

په ایران کې د حکومت پر ضد او د خراب اقتصادي وضعیت او په ځانګړې توګه د ډالر پر وړاندې د تومان د ارزښت د رالوېدو په غبرګون کې لاریونونه لا هم روان دي. د راپورونو له‌مخې، حکومتي ځواکونو پر لاریونوالو ډزې هم کړي، خو لا تر اوسه د اوښتې احتمالي مرګ ژوبلې په تړاو څه نه‌دي ویل شوي.